6 մտքեր, թե ինչպես կահավորել աշխատասենյակը կամ գրասենյակը

Ցանկանո՞ւմ եք աշխատել տանից, բայց միջավայրն այնքան էլ չի տրամադրում կատարել աշխատանքը նույնքան արդյունավետությամբ, ինչպես գրասենյակում։

Կոկիկ աշխատասենյակն օգնում է կենտրոնանալ աշխատանքի վրա ու չշեղվել գլխավորից, բայց ինչպե՞ս հասնել հենց դրան։ Բազում նյութեր եք կարդացել, որտեղ նշվում են անթիվ-անհամար խորհուրդներ սենյակը վերադասավորելու, վերակազմակերպելու մասին տարածքն առավելագույն ձևով օգտագործելու համար, բայց, ավա՜ղ, ոչ բոլորն են թվում կիրառելի առօրյա կյանքում։

Այսօր հենց խոսելու ենք այն հնարքներից, որոնք կօգնեն ձեզ ձեր աշխատասենյակը կահավորել ճիշտ, որն էլ անշուշտ կնպաստի աշխատունակության բարձրացմանը։

1․ Գրասեղաններ ու գրասենյակային աթոռներ

Գրասեղանի ու աթոռի ընտրությունը և դրանց ճիշտ տեղակայումը սենյակում կարևորագույններից է։ Հիմնականը գործոնը, որ կօգնի ձեզ ընտրել գրասեղան, պետք է հասկանալ, թե արդյոք ցանկանում եք պահոցներ, թե ոչ, հարմար է գրասեղանի բարձրությունը։ Այնուհետև սենյակում տեղադրելիս անհրաժեշտ է ուշադրություն դարձնել նաև այն փաստին, թե գրասեղանի մոտ նստելիս ուր է նայում ձեր հայացքը։ Լավ կլինի, որ գրասեղանը տեղադրվի պատուհանի մոտ։Նախ, այդպես կունենաք բնական լույսի հնարավորություն և պարբերաբար կկարողանաք դուրս նայելով հանգստացնել աչքերը։ Եթե սենյակում պատուհան չկա, առաջարկում ենք պատից կախել որևէ նկար, որին նայելիս էսթետիկ հաճույք եք զգում ու արթնացնում է դրական զգացողություններ։ Գրասեղանի դեպքում ինչպես կարևոր են պահոցները, այնպես էլ այսօր կարևորվում են ներկառուցված վարդակները։ Ashley Homestore կահույքի սրահում կգտնեք հենց այդպիսիններին։

2․ Գրապահարաններ

Լիքը փաստաթղթեր, գրքեր, որ արդեն չե՞ն տեղավորվում գրասեղանի վրա։ Ձեզ անհրաժեշտ են տարողունակ պահոցներով գրապահարաններ, որոնց տեսականին անընդհատ համալրվում է Ashley homestore կահույքի սրահում։ Սպիտակ, շագանակագույն, բարձր, ցածր․․․ ինչ ձևի, գույնի պահարան էլ փնտրեք, վստահեցնում ենք, որ այստեղ կկարողանաք գտնել։

3․ Լուսավորություն

Ճիշտ լուսավորությունից է հենց կախված սենյակի հարմարավետությունը։ Կախովի ջահերը լույսը կենտրոնացնում են այնտեղ, որտեղ պետք է, և հեշտ է մաքրել։ Եթե ջահի լուսավորությունը բավական չէ, առաջարկում ենք նաև ձեռք բերել սեղանի լուսամփոփ կամ հատակի լուսատու, որը կլուսավորի հենց այն հատվածը սենյակում, որտեղ դուք նստած աշխատում եք, իսկ թե ինչպես ընտրել ճիշտ սեղանի լուսամփոփ, առաջարկում ենք կարդալ այստեղ։

4․ Գորգեր

Եթե  աշխատել տանից, ուրեմն հարմարավետություն ամեն առումով։ Այս դեպքում մեզ օգնության են գալիս գերփափուկ գորգերը։ Ցանկանո՞ւմ եք ծածկել սենյակի ամբողջ հատակը, թե միայն նստած ոտքերի տակ, բոլոր դեպքերում Ashley Homestore կահույքի սրահում կգտնեք համապատասխան գորգ։

5․ Բացվող բազմոցներ

Այո՛, միանգամայն ճիշտ կարդացիք․ չէ՞ որ երբ տանից ենք աշխատում, չենք էլ նկատում ժամանակը ինչպես է թռչում, իսկ օրվա ընթացքում մի փոքր հանգիստը դեռևս ոչ մեկին չի խանգարել, այլ հակառակը կնպաստի աշխատունակության բարձրացմանը։ Այնպես որ արժի աշխատասենյակում նույնպես ունենալ բազմոց-մահճակալ ցերեկային հանգիստը վայելելու համար։

6․ Ռեքլայներ կամ ճոճվող բազկաթոռներ 

Հոգնե՞լ եք անդադար ուղիղ նստել աթոռին գրասեղանի առջև ու աշխատել ժամերով։ Փնտրո՞ւմ եք այլընտրանքային տարբերակ։ Ի՞նչ կասեք ճոճվող բազկաթոռների մասին։ Դրանք ունեն ոտքերը հանգստացնելու հարմար տեղ ու հետ գնացող մեջք, այսինքն՝ ցանկացած պահի բազկաթոռը վերածվում է մահճակալի։

Դե, ինչ սրանք էին մեր 6 այն հնարքները, որոնք իրոք ձեր աշխատանքային միջավայրը կդարձնեն գերհարմարավետ, որտեղից հաստատ չենք ցանկանա հեռանալ նույնիսկ աշխատանքն ավարտելուց հետո։