26 նոյեմբերի, 2020

Ի՞նչպես ստեղծել բիզնես միջավայր տանը

Համավարակային պայմանները դրդեցին բազմաթիվ բիզնեսների իրականացնել նույնիսկ ամենաանհնար թվացող աշխատանքները տանից։ Սկզբում դժվար էր, բայց դե ամեն ինչին մարդ արարածը ստիպված հարմարվում է ու փորձում գտնել ավելի էֆֆեկտիվ միջոցներ իր ապրելակերպը փոփոխություններին հարմարացնելու ու  բարելավելու համար։ 

Այսօր նկատվում է զգալի աճ ընկերությունների ու կազմակերպությունների շրջանում, որոնք խրախուսում են իրենց աշխատակիցներին մնալ տանը ու այնտեղից իրականցնենել աշխատանքային պարտականությունները, եթե դա հնարավոր է։ Սա, իհարկե բավականին նպաստող գործոն է բիզնեսների համար զերծ մնալու տարածք վարձակալելուց ու ամբողջ հասույթը ներդնելու գործը զարգացնելու ու ընդլայնելու մեջ։ Մյուս դեպքում էլ աշխատակիցները ստիպված չեն լինի առավոտվանից մինչ երեկո անցկացնել գրասենյակում ու կկարողանան իրենք կառավարել իրենց իսկ ժամանակը՝ համատեղելով ընտանեկան գործերի հետ։ 

Մենք որոշել ենք ներկայացնել Ձեզ այն հիմնական փուլերը, որոնց հաջող իրականացման դեպքում կունենաք հարմարավետ ու տպավորիչ աշխատանքային միջավայր տանը։ 

ashxatanqayin-sexan

1․ Ընտրել համապատասխան վայր, որը կծառայի բիզնեսի պահանջներին ու կարիքներին

Կարևոր է հաշվի առնել տարածքի չափերը, հնարավորությունը, նույնիսկ պետք է հասկանալ ընտանեկան հավաքույթների, ընտանիքի անդամների ապրելակերպի ակտիվ ներազդեցությունը աշխատանքի վրա, եթե այն իրականցվի տվյալ սենյակից։ Չնայած որ տանից եք աշխատում, երբեք այն չպիտի խոչընդոտ հանդիսանա ընտանիքի անդամների հետ բարենպաստ հաղորդակցություն ստեղծելուն ու հարաբերությունների ամրապնդմանը։ Տանից աշխատանքի իրականացումը պիտի ամբողջովին տարբերակի սահմանները ընտանիքի ու աշխատանքի միջև, որը կօգնի արդյունավետորեն համատեղել երկուսը։ 

Աշխատանքի մաքսիմալ արդյունավետությունը ապահովելու համար ընտրեք այնպիսի սենյակ, որտեղ լիովին կկարողանաք ընկղմվել աշխատանքի մեջ, ու ոչինչ չի խանգարի Ձեզ պատշաճ կատարելու առաջադրանքները։ Լավագույն տեղ կարող են ծառայել ննջասենյակը, հյուրասենյակը, ճաշասենյակը, բայց ոչ մի դեպքում խոհանոցը, քանի որ այնտեղ անուշաբույր ուտելիքը հաստատ չի թողնի կենտրոնանալ, բացի այդ ապացուցված է՝ աշխատանքի ընթացքում փոքր հետճաշերը խանգարում են աշխատանքային գործընթացի հարթ ընթացքին։

Ավտոտնակները նույնպես կարող են հարմարավետ լինել կազմակերպելու աշխատանքային գործընթացը, եթե իհարկե Ձեր ֆինանսները թույլ կտան անհրաժեշտ պարագաները ձեռք բերելու համար։ Ամենաբյուջետային տարբերակը միանշանակ որևէ սենյակում մի ազատ տեղ գտնելն ու գործի կարիքներին հարմարացնելն է։ Մի շարք համաշխարհային ճանաչում ունեցող ընկերություններ(օրինակ՝ Apple, Facebook, Instagram, Hubspot) իրենց հաջողությանը հասել են հենց տանը սեղանի մոտ նստած՝ օրնիբուն գեներացնելով նոր գաղափարներ շուկայում եղածից տարբերվելու համար։ 


2․ Նախօրոք պլանավորել աշխատանքային միջավայրի ստեղծելու հետ կապված ծախսերը

Սա առաջնահերթ կօգնի զերծ մնալու ավելորդ ծախսերից ու կոնկրետ հասկանալու, թե ինչ կարիք ունի Ձեր աշխատանքային անկյունը։ Նախ պետք է հասկանալ, թե արդյոք վերանորոգման անհրաժեշտություն կա սենյակի տվյալ հատվածում՝ համաձայն ֆինանսական միջոցների։ 

3․ Ընտրել հարմարավետ կահույք

Կահույքի ճիշտ ընտրությունը նույնպես առաջնային դեր է խաղում։ Ժամերով նստած մնալով նույն դիրքով՝ հնարավոր է վնաս հասցնեք Ձեր ողնաշարին։ Գեղեցիկ կեցվածքի պահպանման համար պետք է ընտրել հարմար գրասեղան ու  գրասենյակային աթոռ, որոնք ինքնըստինքյան կստիպեն Ձեզ ճիշտ կեցվածքով նստել ու շատ վնաս չհասցնել, միանշանակ պետք է աշխատանքային ժամերը  ընդմիջել փոքր ֆիզիկական մարզանքներով կամ զբոսանքով մեջքի հատվածում լարվածությունը թուլացնելու համար։

Ձեր փոքրիկ աշխատանքային անկյունի արտահայտիչ տեսքը կարող եք համալրել գորգերով

Գիտեք, որ աշխատանքի ընթացքում՝ ինչքան կարևոր է ժամանակի ճիշտ կառավարումը։ Ինչպես ասում են՝ ժամանակը ոսկի արժի։ Անհրաժեշտ փաստաթղթերին ու գրքերին հեշտ ու արագ հասնելու համար կարող եք սենյակում տեղադրել գրապահարան անմիջապես գրասեղանի հետևում։ Բացի այդ, խորհուրդ ենք տալիս հատկապես նրանց, ովքեր շատ են ժամանակ անցկացնում համակարգչով աշխատելու վրա, ձեռք բերել հատուկ հենակներ նոթբուքների համար՝ սարքի բարձր ու ցածր դիրքում լինելու հավանակությունը վերահսկելու ու Ձեր հարմարավետությանը համապատասխանեցնելու նպատակով։  

ashxatanqayin-sexan

4․ Համոզվել, որ առկա է լավ լուսավորություն և տաք ու սառը օդի բալանմսավորված ջերմաստիճան

Լավ լուսավորությունն ամենաէական գործոններից է, որ անպայման պետք է հաշվի առնել սենյակը վերակազմակերպելիս։

Դրա համար առաջարկում ենք անցնել մեր ջահերի, լուսամփոփների ու լուսատուների հավաքածուներով։ Տեսականին այնքան մեծ է, որ հաստատ մի բան կգտնեք Ձեր ճաշակին համապատասխան։ 

Ճիշտ ուղղությամբ լուսավորությունը կօգնի, որ ավելորդ չլարեք ու չվնասեք Ձեր տեսողությունը։ Սենյակի լուսավորությանն է նպաստում նաև բաց գույնի վարագույրների առկայությունը։ Կարող եք ընտրել երկշերտ վարագույրներ, որպեսզի անհրաժեշտության դեպքում կարողանաք կառավարել լույսի ներթափանցումը։ 

Յուրաքանչյուր բիզնես տանից կառավարվելիս անհրաժեշտ է համապատասխանի աշխատանքային գործընթացների արդյունավետությունը բարձր մակարդակի վրա պահելու չափանիշներին։ Միանշանակ անհնար է ստանալ ավանդական ոճի աշխատանքային միջավայր, բայց մի բան պետք է հաշվի առնել տանը աշխատելու դեպքում, որ միջավայրը պետք է հաշվի նստի տվյալ աշխատանքի պահանջների ու կարիքների հետ։ 


Մեկնաբանել