Ննջասենյակի կահավորման համար բազում ոճեր կան։

Դրանցից մեկն էլ ընտրելու համար անհրաժեշտ է հաշվի առնել սեփական նախասիրութունները, կախված նրանից, թե արդյոք ցանկանում եք տարբեր ոճերից մի պատկերում հավաքել ընդհանուր ինտերիեր։

Առանձնացրել ենք ամենահայտնի ոճերից մի քանիսին, որոնցից մեկը հաստատ կհամապատասխանի ձեր անհատականությանը։

1․ Սկանդինավյան

Սկանդինավյան ոճը հայտնի է սլացիկ պատկերների, հարմարավետ զգացողության և դեկորների նկատմամբ մինիմալիստական մոտեցմամբ․ Սրանք հենց այն երեք առանձնահատկություններն են, որոնք ննջասենյակը դարձնում են ավելի յուրահատուկ։

Սկսեք սպիտակեղեննու բարձերը թարմացնելուց, այնուհետև անդրադարձեք նաև լուսամփոփներին ու ջահերին։

2․ Ծովափնյա

Ծովափնյա շնչով կահույքն ու դեկորները ձեզ կստիպեն զգալ ինչպես ծովափում նույնիսկ ձմռանը, երբ կկարոտեք արևոտ, տաք ամառային օրերը։ Այս ոճում շեշտը դրվում է բնական լույսի, տեքստուրային նյութերի ու ծովափնյա գույների վրա։

Արդյունքի հասնելու համար հատակը պետք է լինի բաց շագանակագույն, իսկ պատերը՝ ճեփ–ճերմակ։ Ամբողջ ինտերիերը կարելի է համակարգել այնպիսի ակցենտներով, ինչպիսիք են կապույտ ակցենտային բարձերը։

3․ Դարամիջյան մոդեռն

Դարամիջյան ոճը ամենասիրելիներից մեկն է և դժվար չէ կռահել, թե ինչու։ Այն, ծագելով 1900–ական թթ․, համատեղում է ֆունկցիոնալությունը ու ոճայնությունը։ Այսպիսով, ընտրեք 1920–1950 թթ․ բնորոշ ննջասենյակի կահույք և դեկորներ։

4․ Քանթրի

Այս ոճին շատերն են սիրում, քանի որ հենց այստեղ են զգում մաքսիմալ հարմարավետ։ Գույները պետք է լինեն հանգիստ, իսկ նախշերը՝ հասարակ։ Այս ոճի հետ կարելի է հետաքրքիր փորձեր անել՝ միաձուլելով մոդեռնի հետ։

5․ Էկլեկտիկ

Դեռ ոչ մի ոճ չե՞ք կարողանում ընտրել։ Միգուցե էկլեկտիկ ոճի սիրահա՞ր եք։ Այս ոճում ընդունված է տարբեր գույների, նախշերի համադրությունը։ Արդյունքում կստանաք դինամիկ ու հաճելի ննջասենյակային միջավայր։

6․ Հարավարևմտյան

Այստեղ գերիշխում են պրինտները, փայտային երանգները, անապատային բույսերը: Հարավարևմտյան ոճն առաջարկում է մոդեռնի ու քանթրիի եզակի համադրություն։ Փորձեք ստանալ շերտավորման էֆֆեկտ գորգերի ու բարձերի օգնությամբ և ավարտին հասցրեք կենդանու պատկերով իրերով։

7․ Ինդուստրիալ

Այս ոճը հայտնի է ցեմենտից առաստաղներով, մեծ պատուհաններով և երևացող խողովակներով և եթե դուք այս բոլոր լուծումների սիրահար եք, ուրեմն այս ոճը ձեզ համար է։ Այստեղ ոգեշնչումը գալիս է պահեստներից, գործարաններից և այլ ինդուստրիալ շինություններից։

8․ Արթ դեկո

Արթ դեկոն ճոխության, համարձակ գույների ոճն է։ Եթե փնտրում եք ննջասենյակ, որն իրոք կտարբերվի, ապա այս ոճին արժի ուշադրություն դարձնել։

Ոճը ներառում է վառ գույներ, փայփլուն մետաղ, տարբերվող պրինտներ։ Կարելի է հետաքրքիր նախշերով պատի ստվարաթուղթ, լուսավորության պարագա և ձեռք բերեք հյուրանոցային անկողնային պարագա։

9․ Մինիմալիստական

Դիզայնում հնարավոր է պահպանել պարզություն։ Այստեղ կարևոր է տարածքի խելամիտ օգտագործումը։ Այս ոճում պետք է ձեռք բերել այն, ինչ անհրաժեշտ է ննջասենյակում (մահճակալ, կողապահարան և այլն)։

10․ Ավանդական

Ավանդական ոճը պարզության ու կլասիցիզմի համադրություն է։ Համադրեք մուգ փայտե ննջասենյակի կահույքը ճեփ–ճերմակ սպիտակեղենի հետ։

11․ Գյուղական

Եթե ցանկանում եք, որ ձեր ննջասենյակը նմանվի լեռներում գտնվող գողտրիկ մի տնակի, ապա այս ոճը հենց այն է, ինչ փնտրում եք։ Օգտագործեք հնեցված տեքստուրայով ու մետաղական դետալներով դեկորներ ու կահույք։

12․ Արաբական

Շատ ինտերիեր դիզայներներ ոգեշնչվում են հենց արաբական ինտերիերներից՝ համադրելով արաբական դետալները արևմտյանի հետ։ Արաբական դիզայների տարբերակիչ տարրերից են մոզայիկ սալիկները, ոսկորից կահույքի դետալներ, բայց այստեղ ավելի ուշադիր պետք է լինել մանրուքների ընտրության հարցում։

13. Մոնոքրոմատիկ

Մոնոքրոմատիկ նշանակում է մեկ գունային սխեմա։ Նման արդյունքի հասնելու համար անհրաժեշտ է ընտրել մի գույն և շարժվել այդ երանգների մեջ։

14․ ժամանակակից

Ինտերիերում ուղիղ եզրագծերը սենյակում կարծես միավորեն ներկան ու ապագան։ Մինչ մոդեռն ոճը վերաբերում է 1900–ական թթ․ դիզայնի շարժմանը, իսկ ժամանակակիցը վերաբերում է տվյալ պահի դիզայնի միտումներին։

15. Անապատային մոդեռն

Այն ներկայացնում է մոդեռնի պարզությունն ու հարավ–արևմտյան ոճի ջերմությունը։ Եվ արդյունքում ստանալու եք կլասիկ ու ջերմ միջավայր։

16․ Վինտաժ քանթրի

Վինտաժ քանթրի ոճը սենյակում ավանդական ոճի պահպանումն է։ Այստեղ հնաոճ կահույքն ու դեկորները ապրում են միասին։ Տեղադրեք սենյակում երկաթյա մահճակալ, համալրեք ծաղկային պրինտներով:

17. Բոհո

Բոհո ոճով կահավորված ինտերիերում կզգաք ձեզ, ինչպես դրախտում։ Այստեղ կարևոր է դեկորների ճիշտ շերտավորում ստանալ և ընդգրկել բնության տարրեր՝ բույսեր, հնեցված տեքստուրայով կահույք։ Բոհո ոճն ամենահայտնին է, հազարավոր տարբերակներ կան ոճը ստանալու համար։

18.Վիկտորիանական

Ցանականում եք ստեղծել թագավորական ոճ։ Վիկտորիանական ոճը հաստատ կհավանեք։ Հայտնի է դեկորատիվ մոտեցմամբ, հսկայական վարագույրներով և այլն։

19. Ski Lodge

Այս ոճը հայտնի է ճոխ ու շքեղ ինտերիերներում։ Մի քիչ ջանք և հյուրանոցային ծանոթ ճոխությունը նույնպես կարելի է ստանալ ննջասենյակում։

20. Մաքսիմալիստ

Եթե սիրում եք շատ պրինտներ, ապա կարող եք նաև ուշադրություն դարձնել մաքսիմալիստական ոճին։ Իհարկե, մաքսիմալիզմը ամեն ինչ ցուցադրելու մասին չէ, այն արդեն մեզ հայտնի տեքստուրաների, պրինտների անսպասելի, նորովի ներկայացնելն է։

21․ Անցումային

Չե՞ք կողմնորոշվում, թե ինչ ոճ ընտրել։ Կա մի դիզայներական լուծում, որը միավորում է ավանդական ու ժամանակակից ոճերը։ Ստեղծվում է դասական թարմություն։