11 ապրիլի, 2020

Հյուրասենյակի կահավորման և ինտերիերի ձևավորման լուծումներ

Հյուրասենյակում են տեղի ունենում ամենամտերմիկ ընտանեկան հավաքույթները։ Հյուրասենյակի կահավորումը մի փոքր տարակուսանքի առիթ է տալիս։ Այն պիտի  արտացոլի և՛ Ձեր անհատակությունը, և՛ լինի հյուրերի ու ընկերների հետ գեղեցիկ խնջույքներ կազմակերպելու համար հաճելի միջավայր։ Հյուրասենյակը տան սիրտն է։ Այստեղ ենք հիմնականում անցկացնում ժամանակի մեծ մասը։ Այս սենյակի դերը էլ ավելի կարևորվեց հատկապես 2020 թվականին, երբ բոլորս ստիպված էինք մնալ տանը մեր իսկ առողջությունը պաշտպանելու համար։

Այդ իսկ պատճառով էլ մարդկանց ստեղծարար միտքը ծնել է բազում նոր դիզայներական լուծումներ։ 

Նորարական լուծումների ի հայտ գալուն զուգընթաց գոյություն ունեն կահավորման մի շարք նորաձև տարրեր, որոնք ավելի են ընդգծում հյուրասենյակի կահույքի արտահայտչականությունը։ 

Եկեք այժմ քննարկենք այդ տարրերից հինգը ու տեսնենք՝ ինչպիսի նորամուծություններով կարող ենք համալրել հյուրասենյակը։

1․ Առանց բազմոցների հյուրասենյակը հյուրասենյակ չէ

Բազմոցները հյուրասենյակում ավանդական բաղկացուցիչ մասն են կազմում։ Ավելի նորաձև կահավորման համար մենք Ձեզ առաջարկում ենք հետաքրքիր տարբերակ։ Հաշվի առնելով սենյակի տարածքի չափսերը՝ բազմոցի հավաքածուի տեղը կարելի է փոքր-ինչ փոփոխության ենթարկել, որը բավականին գեղեցիկ ոճային տեսք կհաղորդի ընդհանուր սենյակի ինտերիերին։ Հյուրասենյակի բազմոցի հետևի հատվածը էսթետիկորեն ամբողջացնելու համար խորհուրդ ենք տալիս օգտագործել կիսասեղաններ (կոնսոլներ), ու Ձեր փափուկ կահույքը կստանա  շլացուցիչ տեսք։ Դրանք ունեն ֆունկցիոնալ գործառույթ։ Կիսասեղանները հիանալի տեղ են ցուցադրելու Ձեր տան ինտերիերի աքսեսուարները, ընտանեկան լուսանկարներով շրջանակները, նույնիսկ սիրելի գրքերը։ 


Եթե Ձեր հյուրասենյակը տարածքով փոքր է,  հիանալի հավելում կարող է լինել անկյունային բազմոցը։ Այն ոչ միայն սենյակում նստատեղերի քանակն է ավելացնում, այլ նաև խնայում է տարածք։ Միայն թե չի կարելի գերազանցել բազմոցի վրա դրված բարձերի քանակը, դրանց կատարյալ տեղերն են աջ, ձախ ու մեջտեղի հատվածները։ Կարող եք ընտրել տարբեր կոնֆիգուրացիայով անկյունային բազմոցներ՝ համաձայն Ձեր հյուրասենյակի հնարավորության։

Եթե Ձեր հյուրասենյակն ու ճաշասենյակը չեն առանձնանում, անկյունայինը հիանալի բաժանարար գիծ կարող է հանդիսանալ։ 

Փափուկ կահույքի ցանկացած հավաքածուին հրաշալի համադրում կարող են լինել պուֆերը։

2․ Ակցենտային բազկաթոռները սենյակի արտահայտչականության գրավականն են

Հիմա կհարցնեք՝ որն է տարբերությունը։ Այո՛, առաջին հայացքից հնարավոր են թվալ սովորական բազկաթոռներ, բայց իրականում տան կահավորման համար հետապնդում են ավելի կարևոր նշանակություն։ Եթե ուշադիր լինեք, կնկատեք, որ Ashley Homestore Armenia-ում էլ փափուկ կահույքի համարյա բոլոր հավաքածուներն ունեն իրենց տարբերակիչ ակցենտային բազկաթոռները:

Իսկ ի՞նչ է ակցենտային բազկաթոռը

Ակցենտային բազկաթոռն առանձնանում է իր ոճային դիզայնով։ Դրա շնորհիվ կարող եք կոտրել հյուրասենյակի միատոնությունն ու հաղորդել էլեգանտություն։  Ակցենտային բազկաթոռների գույնը ամբողջ հավաքածուից հիմնականում համընկնում է բարձերի գույնին։ 

Ակցենտային բազկաթոռը կարող եք նաև ներառել Ձեր ննջասենյակի կահավորման մեջ, քանի որ հնարավոր է այն ձեռք բերել բազմոցի հավաքածուից առանձին։ Բավականին հարմարավետ տեղ է մի գավաթ տաք թեյով ընկղմվելու սիրելի գրքի էջերում։

3․ Բնական լույսը հրաշքներ է գործում

Միանշանակ, ապակե կամ փայտե նրբագեղ ջահերը սենյակի ամբողջական ճոխ տեսքն են ապահովում։ Ջահի լուսավորությունով է պայմանավորված ամբողջ հյուրասենյակի ճոխ տեսքը։ Ճիշտ լույսի շնորհիվ կարելի է վիզուալ ավելի մեծացնել տարածքը, սենյակում մթնոլորտը դարձնել ավելի ջերմ ու հաճելի, բայց բնական լույսից ավելի լավ ոչինչ չի կարող ընդգծել հյուրասենյակում կահույքի ներդաշնակությունը։ Դրա համար պատուհանները պետք է լինեն մեծ, իսկ վարագույրները՝ բաց գույնի, եթե սրտնեղում եք թափանցիկությունից։ 


4․ Աքսեսուարները մեր գլխից անպակաս լինեն

Պատի ժամացույցները ինտերիերի պարտադիր մասն են կազմում։ Եթե հատկապես վինտաժ ոճի մեծ սիրահար եք, ապա պատի մեծ ժամացույցները Ձեր ինտերիերի անբաժանելի մասը պիտի լինեն, որոնք կստիպեն Ձեզ ճամփորդել ժամանակով ու զգալ 19-րդ դարում։ 

Հայելիները ոչ միայն ինքներս մեր հարդարանքով զբաղվելու ու արտացոլանքով հրապուրվելու համար են, այլ նաև վիզուալ մեծացնում են տարածքը։ Հետաքրքրիր ու ոչ ստանդարտ տեսք ստանալու համար մեր դիզայներները խորհուրդ են տալիս սենյակի կահավորման մեջ համադրել նաև արևի ու տարբեր երկրաչափական պատկերների ձևով պատրաստված հայելիներ։

5․ Գորգերը ավելի վայելուչ տեսք կհաղորդեն սենյակին

Եթե Ձեր ինտերիերում գերիշխում են պաստելային գույները, ուրեմն խորհուրդ ենք տալիս գնել վառ գունավորում ունեցող գորգ, որն ավելի կընդգծի հյուրասենյակի յուրօրինակությունը։ Իսկ եթե հակառակը, ապա լավ կլինի՝ օգտագործեք բաց երանգներով գորգեր ավելի ջերմ մթնոլորտ ու ընդարձակ տարածքի իլուզիա ստեղծելու համար։ 

Կարող ենք եզրահանգել, որ հյուրասենյակը միայն հեռուստացույցն ու դրա տակդիրը չեն։ Հյուրասենյակի կահավորումը հնարավոր է մի փոքր բարդ թվալ, մանավանդ որ անհրաժեշտ է լինում համադրել գործնականը գեղեցիկի հետ։ Ու քանի որ չեք ուզենա ոչ մեկը, ոչ էլ մյուսը ինչ-որ չափով տուժի, Ashley Homestore Armenia-ի դիզայները անվճար կօգնի դիզայներական գրագետ լուծումների շնորհիվ ապահովել լավագույն արդյունք։


Մեկնաբանել