Հնարներ, որոնք կօգնեն թարմացնել ձեր ինտերիերը առանց մեծ ծախսերի

Երբ էլ որ սկսեք զբաղվել տան ինտերիեր դիզայնով, այն թարմացնում եք, թե նոր եք սկսում, միշտ ցանկալի է, որ հյուրասենյակի, ննջասենյակի կամ այլ սենյակների կահույքի տեղադրման արդյունքը լինի շլացուցիչ ու խոսի ժամանակի թրենդների հետ և միևնույն ժամանակ համապատասխանի ձեր անհատականությանը։

Հետևել բոլոր թրենդներին մի գուցե դժվար է, կամ յուրաքանչյուր տարի իրականացնել տարվա թրենդներին համապատսխան փոփոխություններ ժամանակատար է, և բավականին ծախսատար։ Եվ բացի այդ դեռ նոր եք գնել ձեր կահույքը, բայց արդեն դիզայներական տները խոսում են նորամուծությունների մասին։ Հիմա խորը շունչ ենք քաշում, քանի որ խոսելու ենք հենց այն հիմնական հնարների մասին, որոնք ցանկացած ժամանակաշրջանում, ցանկացած վայրում միշտ արդիական են և ոճային, ինչպես նաև կոկիկ։

1․ Բացասական տարածություն

Ցանկացած սենյակում կարևոր է կահույքի ձևի ու ֆունկցիոնալության համատեղումը։ Անհարկի դետալներն ավելորդ տարածք են զբաղեցնում և չեն թողնում սենյակին շնչել։ Որակյալ կահույք նախագծելիս հմուտ դիզայներներն առաջանհերթ ուշադրություն են դարձնում նյութի որակին, ֆունկցիոնալությանը, հետագայում անդրադառնում են նաև էսթետիկ կողմին։ Այո, բոլորն են ցանկանում տանը ունենալ հետաքրքիր դեկորատիվ տարրերով փափուկ կահույք, սեղաններ ու մահճակալներ, բայց հարմարավետությունն ու ֆունկցիոնալությունը միշտ առաջնային կարևորության են։ Հյուրասենյակի կահույքի դեպքում կարևոր է, որ բազմոցները ունենան հարմար նստատեղեր։ Բարձրահասակների համար նախընտրելի են կոշտ նստատեղերով բազմոցները, իսկ ցածրահասականերին՝ ավելի խորը նստատեղերովը։ Այսօր թրենդային են ետնամասի շարժվող բարձիկներով բազմոցները, որոնք հեշտացնում են մաքրելու գործընթացը։ Անկյունային կահույքի դեպքում գործն ավելի է թեթևանում, քանի որ հնարավոր է հավաքել այնպիսի կոնֆիգուրացիա, որ ճշգրտորեն կհամապատասխանի սենյակի չափսերին։

2. Շրջակա միջավայրի հետ միաձուլվելու կարողություն

Հնարավոր է, որ հիմա մտածեք, որ միաձուլվելով ընդհանուր ինտերիերին կահույքը կկորցնի իր եզակիությունը, բայց, ո՛չ, ֆունկցիոնալ ու արտաքինից գրավիչ կահույքը երբեք անտարբեր չի թողնի ոչ մեկին։ Սենյակում գլխավոր կահույքը պետք է խոսի ընդհանուր ինտերիերի հետ դիսոնանս չստեղծելու համար։ Օրինակ, սովորաբար բազկաթոռները դրվում են բազմոցի դիմաց մտերմիկ զրույցի համար հաճելի միջավայր ստեղծելու համար։ Եթե դիմեք հմուտ դիզայների, նա հաստատ կօգնի ձեզ ընտրել ճիշտ կահույք ու ինտերիեր աքսեսուարներ հյուրասենյակի, ճաշասենյակի կամ ննջասենյակի կահավորման վերաբերյալ ձեր բոլոր նախասիրությունները հաշվի առնելով։

3․ Անհարկի նախշերի հեռացում

Որքան ավելի շատ տարբեր նախշեր ու այլ ատրիբուտներ երևան բազմոցի, մահճակալի ու ճաշասեղանի վրա, այնքան ավելի ճոխ տեսք կունենա, միգուցե այսպես եք մտածել մինչ այժմ, բայց դա ամենևին այդպես չէ։ Երբեմն մինիմալիստական լուծումներն են գերադասելի սենյակում ավելորդ ճնշվածությունից խուսափելու համար։

4․ Չափսեր, չափսեր, չափսեր

Չափսերի մասին միշտ պետք է մտածել նախօրոք, հատկապես եթե պատրաստվում եք գնել ամերիկյան կահույք, որն առանձնանում է իր խոշոր տեսքով։ Խորհուրդ ենք տալիս, իհարկե միանգամից դիմել դիզայների օգնությանը, որն անմիջապես տան նախագծին նայելով կվիզուալիզացնի ու կչափագրի սենյակը, և կառաջարկի հենց այն կահույքը, որն իրոք անհրաժեշտ է։ Խնդիրները չափսերի հետ կապված անխուսափելի են, հատկապես եթե մասնագիտական աչքով չեք դիտարկում։ Դրա համար էլ լավագույն լուծումը դիզայներին դիմելն է, ում օգնությունը կապացուցի, որ գնումը տեղին էր։ Դիզայների հետ յուրաքանչյուր մետրն անգամ վերածվում է հարմարավետ անկյան։

5․  Համալրման նոր տարբերակներ

Փորձե՛ք օգտվել զուգադրությունների կանոնից։ Միմյանց նման կահույքի զուգադրությունները կօգնեն ձեզ շուտ չհոգնել և հաճախակի փոփոխություններ չիրականացնել։ Օրինակ, սուրճի սեղանի հետ կարող եք համադրել նույն հավաքածուի կողասեղանները։

6․ 3-ի կանոն կամ կենտ թվերի ուժը

Ոչ ոք չի սիրում հետևել խիստ կանոններին, դրա համար էլ կանվանենք այս կետը կենտ թվերի ուժը, որը ոչ միայն ֆունկցիոնալ է դարձնում ինտերիերը, այլ նաև մեծ բավարարվածություն է արթնացնում։ Կենտ թվերն ավելի գրավիչ են, քան զույգ թվերը, և սա միայն չի սահմանափակվում ինտերիերով։ Հիշեք հենց 3 խնձորների մասին վերջաբանները գրեթե բոլոր հեքիաթներում։ Սակայն ինչպես երեքն է համարվում կախարդական թիվ, այնպես էլ մյուս կենտ թվերը։ Ենթագիտակցորեն մեր ուղեղն ընկալում է կենտ թվերը ավելի հեշտ։ Օրինակ, երեքը ամենափոքր թիվն է, որ մեր գլխում ինչ-որ պատկեր կարող է ստեղծել։ Բացի, երբ տեսնում ենք կենտ թվով դասավորված իրերի, աչքերով ավելի հեշտ եք որևէ պատկեր կառուցում ու մտապահում այն։

Հետևաբար, խորհուրդ ենք տալիս ճաշասեղանների, սուրճի սեղանների, կողասեղանների կամ պահարանների վրա ունենալ երեք իր ավելի տպավորիչ ու հիշվող արդյունք ստանալու համար։