Ի՞նչ նվիրել Տյառընդառաջին

Մոտենում է Տյառընդառաջը, իսկ դուք չգիտեք, թե ինչ կարելի է նվիրել։

Սա սիրո հավերժության տոնն է, նվիրեք այն, ինչ հավերժ կմնա նրանց հետ միասնական կյանքի ամբողջ ընթացքում։ Մենք, ձեր գործը բավականին հեշտացնելով, հավաքագրել ենք նվերների տարբերակներ, որոնք ոչ մեկի ուշադրությունից հաստատ չեն վրիպի։

Առաջարկելու ենք նվերներ, որոնք կլինեն նրանց կողքին ու կդառնան համատեղ կյանքի հիշողությունների մի մասնիկը։

1.  Բարձեր, վերմակներ, անկողնային պարագաներ

Ինչ նվիրել, եթե ոչ նոր վերմակ, բարձ, անկողնային պարագաների հավաքածու, որը տարիներ շարունակ կծառայի տիրոջը, միշտ հիշեցնելով նվիրողի մասին։ Սպիտակեղեն նվիրել նշանակում է տուն տանել մաքրություն ու սրբություն, որոնք էլ ընկած են նոր կազմավորվող ընտանիքի հիմքում։

2.  Սպասք

Նոր օջախ մտնել ու նվիրել մի բան, որ կդառնա ընտանիքի կազմավորման ճանապարհի անբաժան ընկեր․ ահա, թե ինչ կարող եք գնել։ Սպասքը հենց այդպիսի նվերների ցանկից է։ Նոր երիտասարդ զույգերին նվիրել իր, որ կարողանան օգտագործել համատեղ կյանքի ընթացքում։ Ափսեներ, թեյի, սուրճի, հյութի կամ գինու բաժակներ․ չգիտե՞ք՝ որ մեկը ի վերջո գնել։ Մի՞գուցե խորհրդակցեք նրանց հետ  հասկանալու՝ ինչի կարիք ունեն, այդպես ավելի օգտակար ընտրություն կկատարեք։

3.  Ճոճվող բազկաթոռներ

Նման նվերից ոչ մեկը դեռ չի հրաժարվել։ Լավագույն երեկոների լավագույն բարեկամն է ճոճվող բազկաթոռն իր անասելի գերհարմարավետությամբ։

4.  Գորգեր

Ինչ կասեք հետաքրքիր նախշերով գորգի մասին, որ հնարավոր է դառնա սերունդների ժառանգություն։ Գորգերն այնքան էլ հաճախակի չեն հայտվում նվերների ցուցակում, բայց դուք կարող եք նոր կանոններ սահմանել։  Ashley Homestore կահույքի սրահում գորգերի տեսականին կրկին համալրվել է, որտեղից հաստատ կկարողանաք ընտրել գորգ ըստ ձեր ու նրա ճաշակի։

5.   Սրբիչներ

Նվերի հրաշալի տարբերակ են սրբիչները։ Դուք, նախընտրելով սրբիչ, մաղթում եք զույգին երկարատև ու համերաշխ հարաբերություններ, ինչպես սրբիչի հյուսված թելերը։ Սրբիչների հիմնական նպատակը մաքրելն ու չորացնելն է, գնել դրանք որպես նվերներ խորհրդանշում է ազատվել անցանկալիից, խառնաշփոթից ու ձեռք բերել նորը, թարմն ու հաճելին։ Եթե ընկերոջ հետ ունեցել եք վիճաբանություններ, նվիրեք սրբիչներ որպես հին վրդովմունքները մոռանալու ու ներելու նշան։