Մոդեռն, Casual և այլ անցումային ոճեր

Ինտերիեր դիզայնից խոսելիս ոճային բազմազանության հաշիվը երևի թե կորցնենք, էլ չասած անցումային ոճային յուրաhատկությունների մասին։ Այնուամենայնիվ, հիմնական ոճերը տան կահավորման համար տարանջատվում են 3 տեսակի՝ մոդեռն, անցումային և քեժլ։ Հետարքրիքր է չէ՞, թե որ ոճի կահույքը լավագույն կերպով կարտացոլի Ձեր անհատականությունն ու կհամապատասխանի ընդհանուր տան տեսքին։ Մոդեռնի սիրահարներին հաստատ դուր կգա արվեստի տարրեր, երկրաչափական ուրվագծեր պարունակող կահույք, ինչպես օրինակ մեր Dahra-ն կամ Zardoni-ն, մինչդեռ անցումայինի սիրահարները նախապատվությունը տալիս են դասական դետալներին, ինչպես օրինակ Ardenboro-ն կամ Kieran-ը: Իսկ թե որ դիզայներական լուծումն է ամենից շատ ստեղծված հենց Ձեզ համար, կպարզենք հիմա։ 

Մոդեռնը ամենից շատ շփոթեցնող եզրույթն է, որը հենց դժվար տարբերակելի է contemporary-ից; Մոդեռնը ծնվել է դիզայներական նորովի լուծումների հեղաշրջման ժամանակ՝ 20-րդ դարասկզբին։ Բնորոշ են նեյտրալ գույները, մինչդեռ contemporary-ին մեծապես վերագրվում է ավելի վառ գույների պնակ։ Մոդեռնի ծագումը կապվում է դեռևս 1920-50-ական թվականների արդյունաբերական հեղափոխության հետ։ Հետագայում այն սկսեց ավելի տարածվել հանրության շրջանում։ Մոդեռնի կարգախոսն է «Տեսքին հաջորդում է ֆունկցիանալությունը»։ Հենց այս առանձնահատկությունն է դրդում մարդկանց կահավորել իրենց տունը մոդեռն ոճով և զերծ մնալ ավելորդություններից։ Մոդեռն ոճում կարևորվում է կահույքի յուրաքանչյուր դետալի ֆունկցիոնալությունը։

Contemporary-ն վերաբերում է ներկա ժամանակաշրջանի դիզայներական լուծումներին, հնարավոր է ոգեշնչված լինի անցած դարաշրջանից, բայց հիմնականում ներկայացնում է ներկա պահը, որին բնորոշ են զուտ դեկորատիվ բնույթի աքսեսուարներ, որոնք ունեն միայն էսթետիկ գրավչություն։ 

Մոդեռն ոճը սահմանվում է պարզունակ ուրվագծերով ու սենյակի անկյունային դասավորվածությամբ։ Երկար, ցածր կահույքը ինչպես օրինակ անկյունային բազմոցներն ու քառակուսիաձև աթոռները հիանալի համադրություն են մոդեռն ոճով կահավորված սենյակների համար։ Այս ոճը այսօր ավելի շատ հակվածություն ունի ներառել իր մեջ մինիմալիստական տարրեր։ Գույների ներկապնակը ներառում է պաստելային երանգներ։ Մոդեռնը համարվում է հակադարձությունների ոճ, քանի որ նորաձևության մեջ է առաջ քաշում ամենաանսպասելի դետալների, գույների համադրությունը։ Հենց այդ պատճառով էլ մուգ սենյակները ձեռք են բերում ավելի դասավորված տեսք։ Իհարկե, մինիմալիզմը իրենից միայն չի ենթադրում սառը գույներ ու դատարկություն, շատ հաճախ կարելի է մինիմալիստական կահավորման մեջ համադրել վառ գույներով աքսեսուարներ, ժամանակակից արվեստի գործեր։

Հիմնական առանձնահատկություններն են՝ 

• Հորիզոնական ու ուղղահայաց ուրվագծեր
• Նեյտրալ երանգներ
• Թավ կոնտրաստ(սև և սպիտակ, վառ ակցենտավորում)
• Ֆունկցիոնալություն

Անցումայինը դասականի ու ժամանակակիցի համադրություն է, որն աչքի է ընկնում իր հանգստությամբ ու թեթևությամբ։ Կահույքը, վերջնամշակումը, պատրաստման նյութերը․․․ ամենինչ ընտրվում է երբեք իր հմայքը չկորցնող դասականը մտքում ունենալով, կարող է ներառել այնպիսի դետալներ, ինչպիսիք են դասական ակցենտներ, էլեգանտ նախշեր, մշակված փայտ, չափավոր մինիմալիստական կաշվե իրեր։ Նուրբ երանգները օգնում են, որ կահույքը ճնշող տեսք չունենա; Երևի թե անցումնային ոճը դիզայներների ամենասիրելի ոճն է, քանի որ հենց այս ոճի հետ կարելի է իրականացնել ամենաստեղծագործ մտքերը։ 

Հիմնական առանձնահատկություններն են՝

• Նուրբ ներկապնակ
• Պարզունակ մոդեռն ուրվագծեր
• Դասականի շտրիխներ։

Քեժլ ոճը երեքից ամենահանգիստ ոճն է, բայց դա չի նշանակում, որ հեշտ է աշխատել դրա հետ։ Դիզայներները, սովորաբար համադրելով հանգստությունն ու ոճայինությունը, ստանում են հյուրընկալ ու տրենդային միջավայր։ Չնայած որ սիմմետրիկությունը ոճի բնորոշ հատկանիշերից է, քեժլը իրենից ներկայացնում է չափավորություն և երբեմն նաև ասիմմետրիկ է,որն էլ փոխանցում է ոճի առօրեականությունը։ Սովորականից մեծ բազմոցները հրաշալի համադրություն են այս ոճի համար, ինչպես նաև պուֆերը բավականին հանգիստ միջավայր են ստեղծում Ձեր ու Ձեր հյուրերի համար։ Շեշտադրված են նուրբ երանգներն ու անփայլ տեքստուրան։ Նախապատվությունը այստեղ տրվում է բնական նյութերին։ Հիմնական գույներն են բեժ, սպիտակ, բաց կանաչ, մոխրագույն, բաց վարդագույն,ոսկեգույն, ինչպես նաև սևի, կարմիրի, նարնջագույնի ակցենտներ։ Տարբերվում է կահավորման իր հանգստությամբ, հարմարավետությամբ ու ազատությամբ։ Քեժլ ոճը չունի կահավորման խիստ կանոններ։ 

Հիմնական առանձնահատկություններն են՝

• Ասիմմետրիկություն
• Հյուրընկալ միջավայր
• Տեքստուրային մակերես փայլի փոխարեն։

Քննարկելով երեք ոճերը կարող ենք գալ եզրահանգման, որ ցանկացած կահավորում բացառապես կախված է Ձեր անհատականությունից։ Նկատեցիք, որ ոճերի միջև անցումները բազմաթիվ էին, այդ իսկ պատճառով էլ կարևորվում է կահավորելիս հաշվի առնել սեփական նախապատվություններն ու անհատականությունը։