Առաքում
Վերադարձ
1 Տարի Երաշխիք
Անվճար դիզայներական ծառայություն

Լավագույն առաջարկներ

Գորգ Adria 160x230

49,000 ֏ 98,000 ֏

Բազկաթոռ Haisley

382,500 ֏ 765,000 ֏

Լուսամփոփ Grantner

57,600 ֏ 72,000 ֏

Ոգեշնչվի՛ր կահավորման մտքերով 

Բացահայտի՛ր ինտերիեր նոր թրենդներ

Բլոգ

Երբ փորձում եք կարգավորել լուսավորության խնդիրները, առաջ են գալիս բազում խոչընդոտներ, որոնց մասին պետք է անպատճառ մտածել ճիշտ լուսավորության պարագաներ ընտրելու համար։


Մենք հավաքագրել ենք բոլոր սխալները, որ երբևիցե նկատել ենք տարբեր ինտերիերներում ու հետագա գլխացավանքից ձեզ ազատելու համար հիմա կքննարկենք միասին։


Լուսավորությունը ծառայում է 2 նպատակի՝ նպատակային կամ ակցենտային և ընդհանուր։ Առաստաղային լուսավորությունը նպաստում է սենյակում ընդհանուր լուսավոր միջավայր ստեղծելուն։ Սեղանի լուսամփոփներն օգտագործվում են ակցենտային նպատակներով, օր՝ լուսավորել ընթերցանության կամ կարելու անկյունները կամ լուսավորում են կոնկրետ մի ցանկալի օբյեկտ, որն էլ կոչվում է դիզայնում շերտավորում։ Սեղանի լուսամփոփները միակը չեն որպես լուսավորության պարագաներ, դիտարկեք նաև հատակի լուսատուներին ու ջահերին։ Ցանկացած լուսավորության պարագա պետք է լինի ինչպես գրավիչ, այնպես էլ ֆունկցիոնալ ու պրակտիկ։

1 Ընտրում ենք սխալ բարձրությամբ լուսամփոփներ

lusampop

Ամենատարածված հարցերից մեկն այն է, թե ինչ բարձրության պետք է լինի լուսամփոփը պահարանի վրա տեղադրելիս։ Պատասխանը, իհարկե, շատ հաճախ կախված է հենց այն սեղանի կամ պահարանի բարձրությունից, որի վրա տեղադրվելու է։ Իդեալական տարբերակն այն է, որ և՛ լուսամփոփի, և՛ սեղանի կամ պահարանի բարձրությունը չպետք է գերազանցի 137 - 162 սմ միջակայքը։ Եվ սա վերաբերում է սենյակում գտնվող բոլոր տեսակի լուսամփոփներին ու լուսատուներին, որ չխախտվի սենյակի ամբողջականությունը։ Ննջասենյակում լուսամփոփի բարձրությունը պետք է լինի 60-66 սմ, այսինքն՝ մահճակալին նստած կարդալիս լուսամփոփը պետք է լինի ուսերի հավասարությամբ։

2 Ընտրում ենք սխալ ձևի լուսամփոփներ

Այս սխալը գրեթե բոլորս հասցրել ենք անել։ Ձևի սխալ ընտրություն, երբ փոքր սենյակի համար ընտրում ենք չափերով խոշոր լուսամփոփ ու հակառակը։ Սա ոչ միայն լուսամփոփի տեսքն է փչացնում, այլ կողքին տեղադրված սեղանը կամ բազմոցը սխալ դիրքում է հայտնվում։ Մի պահ նայեք ձեր սեղանին կամ բազմոցին, եթե բավականին խոշոր չափսի է, ուրեմն լուսամփոփն էլ պետք է նույնը լինի։ Եթե տանը ունեք երեխաներ, նախապատվությունը տվեք ավելի թեթև լուսամփոփներին։

paharan

Հիշե՛ք, որ բազմոցին նստելիս լուսամփոփի գլխամասի ներքևի հատվածը պետք է հավասար լինի ձեր հայացքի հետ։ Ավելի բարձրի դեպքում ուղղակի կխանգարի տեսողությանը։

3 Ընտրում ենք սխալ գույնի լուսամփոփներ

hataki-lusatu

Չափից շատ գույներով լուսամփոփներն այնքան էլ լավ գաղափար չեն։ Լուսամփոփի գույնը պետք է ուղղակի լրացում լինի ընդհանուր ինտերիերում։ Նախընտրելի է հյուրասենյակում կամ ննջասենյակում հետևել 3 գույնի կանոնին (1 հիմնական և 2 լրացուցիչ գույներ)։

4 Ընտրում ենք միշտ 2 նույն լուսամփոփներ

 Պարտադիր չէ սենյակում ունենալ նույն լուսամփոփները, բայց սա իհարկե չի նշանակում, որ ցանկացած լուսամփոփ միմյանց հետ կարելի է համատեղել։ Լուսամփոփների վրա ինչ-որ մի էլեմենտ անպայման պետք է միանման լինի՝ գլխամաս, գույն, նախշ, նյութ և այլն։ Կարելի է, օրինակ, համադրել մետաղները բրոնզն իդեալական տեսք է ստանում պղինձի հետ, խրոմը՝ նիկելի հետ։ Նիկելը նաև գեղեցիկ է բրոնզի որոշ երանգների հետ։ Ոսկին ու արծաթը ամենակատարյալ համադրություններից են։ Այս ամենից զատ անհրաժեշտ է ուշադիր լինել այս բոլոր մետաղի տեսակները իրար հետ միքսելուց։

 

 

 

 

Ստեղծի՛ր

քո Սրտի ինտերիերը

Աշխարհում #1 կահույք ու ներքնակներ արտադրող ընկերություն.

Գնել հիմա