Ահա մենք այստեղ ենք բոլոր այն հնարքներով, որոնք ձեզ կօգնեն ձեր փոքր ննջասենյակը դարձնել ավելի մեծ և հարմարավետ։ Մենք հավատում ենք, որ անգամ եթե ձեր սենյակը ունի շատ քիչ քառակուսի մետրեր, դա չպետք է ձեզ հեռու պահի գեղեցիկ միջավայր ստեղծելու հնարավորությունից։
Եթե կա մի վայր, որտեղ դուք իրոք հանգստանում եք, ապա այն ննջասենյակն է․ այն տեղը, որտեղ դուք անցկացնում եք ձեր ժամանակի մեծ մասը։ Եթե սենյակը հարյուր տոկոսով հարմարավետ չէ, այն կարող է խափանել ձեր մտավոր և հոգևոր հանգստությունը։ Իհարկե, փոքր ննջասենյակները ավելի հեշտ է հավաքել, բայց իրենց չափի շնորհիվ փոքր սենյակները ավելի հեշտ են թափթփվում, և պահեստավորման համար տեղ գտնելը կարող է իրական մարտահրավեր լինել։
Նախքան դուք կսկսեք կահավորել այս կարևորագույն սենյակներից մեկը, հիշեք, որ ավելորդ իրերը ձեր օրական թշնամին են։ Ազատեք ձեր սենյակը փոքր տարածք գրավող իրերից, անհամապատասխան աքսեսուարներից, և տարածքի ընկալումը կմեծանա ու ավելի մեծ կթվա։ Միշտ հետևեք, որ ձեր իրերը, մատիտները, զուգագուլպաները միշտ իրենց դարակներում են։ Կոշիկները պահեք դարակաշարի վրա և սենյակը կոկիկ ու հավաքված պահեք։
Աշխատեք հատակը ազատել բոլոր իրերից, արկղերից, կահույքից և դարակներից։ Քանի որ երբ ձեր հատակին ունեք ավելի շատ ազատ տարածք, լույսի շողը ձեր սենյակ ընկնելիս չի կոտրվում, իսկ երկար արևի ճառագայթները տարածքը տեսողականորեն ավելի մեծ են դարձնում։ Փոքր ննջասենյակների պահեստավորման տարածքների համար կարող եք հաշվի առնել պատերը, և եթե հնարավոր է, շատ ավելի հարմար տարբերակ են ներկառուցվող պահարանները։ Բացի պահեստավորումից, դուք կարող եք պատերին տեղադրել նաև լուսավորությունը՝ հատակի լուսամփոփը փոխարինելով պատի լուսատուով։ Որքան շատ բնական լույս մուտք գործի սենյակ օրվա ընթացքում, այնքան ավելի լավ։
Փոքր սենյակների համար գույն ընտրելիս բաց երանգները ավելի լավ են աշխատում, քան մուգերը։ Դա նրանից է, որ բաց գույները ընկալելու փոխարեն բեկում են լույսը, ինչի շնորհիվ սենյակը ավելի մեծ է թվում։ Որքան մուգ է գույնը, այնքան սենյակը ավելի մուգ է թվալու։
Փոքր տարածքների համար գույն ընտրելը կարող է բարդ թվալ, այդ իսկ պատճառով նախընտրություն տվեք ավելի բաց գունապնակներին և ավելացրեք այլ գունային լուծումներ, ինչպիսիք են խամրած վարդագույնը, թույլ կապույտը կամ կանաչը՝ հետաքրքրություն ստեղծելու համար։ Ընտրեք ավելի սառը երանգներ, քանի որ դրանք տարածքը մեծացնելու հատկանիշ ունեն՝ ի տարբերություն տաք երանգների։
Փոքր սենյակների դիզայնի ժամանակ առաջնային մոտեցումն է «Արդյո՞ք ես սրա կարիքը ունեմ»։ Տարածքը մինիմալիստական պահելը՝ հնարավորինս քիչ իրերով և կահույքով, ամենաիդեալական տարբերակն է։ Այն հնարավորություն կտա սենյակին շնչել, իսկ ձեզ՝ ունենալ խաղաղ և հանգիստ քուն։
Աստիճանավորումը և չափաբաժինները նույնպես կարևոր են տարածքը կահավորելու ժամանակ։ Փոքր սենյակներում ընտրիր կահույք, որը իր չափերով և դիզայնով չի ծանրացնում սենյակը։ Փոքր սենյակների պոտենցիալը մեծացնելու համար ընտրեք ավելի մինիմալիստական, կոկիկ ննջասենյակի կահույք։ Մահճակալի բարակ և սուր ոտքերը մահճակալը տեսողականորեն ավելի բարձր են դարձնում, իսկ տարածքը՝ ավելի մեծ։ Որքան կոմպակտ է կահույքը, այնքան ավելի շատ ազատ տարածք կմնա սենյակում տեղաշարժվելու համար։
Արևի լույսը լուսավորում է ամեն ինչ և տարածքը դարձնում է ավելի պայծառ և բաց։ Այդ իսկ պատճառով փոքր սենյակներում նախընտրելի կլինի խուսափել լույսը ամբողջությամբ փակող կամ խիտ վարագույրներից։ Վարագույրների փոխարեն կարող եք օգտագործել շերտավարագույրներ, քանի որ դրանք հեշտությամբ կարելի է ամբողջությամբ բացել կամ փակել, երբ ձեզ պետք լինի։
Փոքր ննջասենյակներում իրերի և կահույքի ճիշտ դասավորության համար համոզվեք, որ ամեն ինչ կամ տեսանելիության մակարդակի է, կամ ավելի ցածր։ Ազատվեք մահճակալի բարձր գլխամասերից, բարձր աթոռներից։ Երբ դուք ընտրում եք ավելի ցածր ննջասենյակի կահույքի հավաքածուներ, դուք դրանից վերև ամբողջ տարածքը դատարկ եք թողնում, ինչը պատերը տեսողականորեն ավելի դատարկ է թողնում, իսկ առաստաղը՝ ավելի բարձր է դարձնում։
Կահավորելիս նախապատվությունը կարող եք տալ բազմաֆունկցիոնալ կահույքին։ Բազմոց-մահճակալները այս դեպքում հիանալի ընտրություն են։ Ծալվող գրասեղանները և մահճակալի տակ պահոցները նույնպես հիանալի գաղափար են։ Ավելի ժամանակակից և տարածք խնայող տարբերակների համար կարող եք սովորական կահույքը փոխարինել վերամշակված պլաստիկից կամ ապակուց տարբերակներով։
Հայելիները նույնպես շատ կարևոր են փոքր տարածքների համար, քանի որ նրանք անդրադարձնում են լույսը, ծառայում են որպես աքսեսուար, ֆունկցիոնալ են և տեսողականորեն տարածքը ավելի մեծ են դարձնում։ Կարող եք պատի մեծ հայելին կախել կամ տեղադրել ձեր սենյակի ամենամութ անկյունում և տեսնել, թե ինչպես է այն օգնում և ավելի լուսավոր դարձնում տարածքը։