Բազում կարծրատիպեր են ձևավորվել ինտերիեր դիզայնի ու դիզայներների աշխատանքի մասին։ Ի՞նչ են իրականում ինտերիեր դիզայներները անում։ Ահա հենց այս նյութում կխոսենք նրանց մասին բոլոր առեղծվածներից։
Կարծրատիպ 1․ Ինտերիեր դիզայնը թանկարժեք է
Շատերն են խուսափում դիզայների ծառայությունից՝ կարծելով, որ այն միայն «ունևորների» համար է։
Դիզայներները ունեն ամենատարբեր ծառայություններ՝ հարմար յուրաքանչյուրի գրպանին։ Առաջարկելով դիզայներին ձեր ինտերիերի հետ կապված ցանկությունները՝ դիզայները կկարողանա ձեզ ներկայացնել, թե որքան բյուջե է անհրաժեշտ։ Դիզայների հետ աշխատանքը կօգնի ձեզ խնայել և՛ ժամանակ, և՛ գումար։ Դիզայներները սովորաբար ունենում են հատուկ առաջարկներ տարբեր կահույքի սրահներում, դիզայներական ստուդիաներում, որոնք ձեզ հասանելի չեն։ Սա նշանակում է՝ դիզայների հետ խորհրդակցելով՝ դուք հնարավորություն եք ունենում օգտվել այդ բացառիկ առաջարկներից։ Դիզայները կօգնի պլանավորել ձեր բյուջեն և ձեռք բերել ճիշտ կահույք ու ինտերիեր աքսեսուարներ ճիշտ վայրից հարմար գնով։
Ընդհանուր վերցրած՝ դիզայներական ծառայությունը նման է իրավաբանի կամ էլ հաշվապահի ծառայությանը։ Առանց իրավաբանի կամ հաշվապահի էլ կարող եք գլուխ հանել գործից, բայց անհրաժեշտ է պրոֆեսիոնալ մոտեցում մանրուքներում ավելի խորանալու համար։ Հնարավոր է դուք էլ ունեք գեղեցիկը նկատելու շնորհ, բայց միայն դա բավական չէ համակցված ու ֆունկցիոնալ ինտերիեր ստանալու համար։
Ինտերիեր դիզայների աշխատանքը չի սահմանափակվում միայն դեկորների ու կահույքի ընտրությամբ, այն շարունակվում է ետնաբեմում և ներկայացնում է ահռելի աշխատանք ճիշտ չափսերի ու ծավալի որոշման հարցում։ Այս պատճառով էլ խորհուրդ ենք տալիս մինչ շինարարական աշխատանքներ սկսելը, անպայման խորհրդակցել ինտերիեր դիզայների հետ։ 10-20%-ն է կազմում միայն կահույքի ու աքսեսուարների ընտրությունը, ինտերիեր դիզայների աշխատանքի 80-90% կապված է հենց չափագրման, վիզուալիզացման, ապրանքի որակի կողմնորոշման հետ։
Դիզայները, որ ստանում է գումար իր կողմից կատարված աշխատանքի դիմաց, օգնում է խուսափել այնպիսի սխալներից, որոնք դուք առանց համապատսխան փորձի ու կրթության անում եք և կորցնում ֆինանսներ ու ժամանակ։
Կարծրատիպ 2․ Ինտերիեր դիզայներները միայն դասավորում են կահույքը
Դիզայներն այն մարդն է, որը ոչ միայն կարողանում է համադրել գույներ, բայց նաև իրազեկ է էրգոնոմիկ ու շինարարական նորմերից, նյութերի առանձնահատկություններից, վստահելի կահույքագործներից և բոլոր այն վարպետներից, որոնք կօգնեն իրականացնել ձեր դիզայն-նախագիծը։
Դիզայներները այսօր մասնագիտանում են ոճային բազմազանության մեջ, նրանք ծանոթ են ոճային տարբերություններին, առանձնահատկություններին։ Այնուամենայնիվ, յուրաքանչյուր տուն ունի իր անհատականությունը։ Որպեսզի դիզայները ձեր սրտով կահավորի տունը, դուք պետք է վստահեք նրան։ Շփումը դիզայների հետ պետք է լինի թափանցիկ։ Ինտերիեր դիզայները պետք է իմանա ձեր ապրելակերպի, ոճային նախապատվությունների մասին, որ կարողանա ստեղծել այնպիսի ինտերիեր, որ կարտահայտի ձեր «ես»-ը։
Միգուցե թվա ձեզ, որ դիզայներները ընդհամենը նկարում են մատիտով կամ 3D վիզուալիզացման միջոցով։ Բայց հենց այդ նկարների շնորհիվ է նա կարողանում հասկանալ, թե ինչ գույներ, տեքստուրաներ, նյութեր առաջարկի ձեզ, որոնք կհամապատասխանեն դիզայներական բոլոր նորմերին։ Այս նկարները ձեր էքսկլյուզիվ դիզայն-նախագծի առաջին էսքիզներն են։
Կարճ ասած, պիտի ընտրեք ձեր սրտի դիզայներին։
Կարծրատիպ 3․ Սենյակի գրագետ կահավորումը անհնար է
Վերանորոգումը ոչ միայն ծախսատար է, այլ նաև բավականին ժամանակատար։ Դուք ստիպված եք լինելու անցնել բոլոր դիզայներական սրահներով ու օնլայն խանութներով գտնելու հարմար կահույք ու ինտերիեր աքսեսուարներ, որը հնարավոր է տևի շաբաթներ։ Իսկ ինչո՞ւ այդքան ժամանակ ծախսել, եթե կարելի մասնագետի օգնությամբ գնալ այնտեղ, որտեղ որ կգտնեք ձեր փնտրածը։ Բացի այդ, դիզայների ուղեկցությամբ կարող եք ստանալ բացառիկ զեղչային առաջարկներ։
Դիզայների աշխատանքը նրանում է, որ օգնի ձեզ ստեղծել անվտանգ, ֆունկցիոնալ ու գեղեցիկ ինտերիեր։ Նրանք ոչ միայն խաղում են կտորների, գույների ու զանազան դեկորատիվ տարրերի հետ, այլ համաձայն շինարարական ու ճարտարապետական նորմերի հասկանալ սենյակի տարածական պահանջները, կատարել համապատասխան նախագծումներ։ Շատերն են այն մտքին, որ դիզայներների համար առաջնահերթ է սենյակի էսթետիկան։ Այո՛, դա կարևոր է, բայց ոչ առաջին պլանում։ Դիզայներների համար ավելի էական է հաճախորդի տան էրգոնոմիկ հարմարավետությունը։ Իհարկե, բոլոր դիզայներները կցանկանան ստեղծել WOW էֆֆեկտ, բայց նախևառաջ նրանք հաշվի են առնում ձեր նախասիրությունները։ Դրա համար լուրջ վերաբերվեք դիզայներին տեխնիկական մասով առաջադրանքը ներկայացնելիս, այն պետք է լինի մաքսիմալ պարզ ու հստակ։
Գաղտնիք չէ՝ այն, ինչ շրջապատում է մեզ, ազդեցություն է ունենում մեր ինքնազգացողության, ապրելակերպի, վարքագծի, նունիսկ ուրիշների հետ հարաբերությունների վրա։ Ինտերիերում ճիշտ ընտրված գույները ունակ են բարձրացնելու տրամադրություն։ Որքան ավելի պրակտիկ է կահավորված սենյակը, այնքան ավելի հեշտ է այնտեղ ժամանակ անցկացնել, այն ավելի ոգեվորիչ է։ Տունը պետք է լինի այնպիսի վայր, որտեղ մեզ երջանիկ ենք զգում, իսկ սա պակաս կարևոր չէ, որ հաշվի նստեք ինտերիեր դիզայների հետ։
Ահա այսքան էին տարածված կարծրատիպերը։ Ո՞րը ամենից շատ ձեզ զարմացրեց, մեկնաբանություններում նշեք դրանք։