Ժամանակակից աշխարհում երբեք պետք չէ թերագնահատել աքսեսուարների կարողությունը։ Աքսեսուարները կարող են հեշտությամբ նոր շունչ հաղորդել ինտերիերին՝ փոխանցելով յուրահատկություն, ջերմություն ու յուրովի ոճ։

Նրանք, ովքեր մանավանդ փնտրում են հեշտ տարբերակներ սենյակում հետաքրքիր փոփոխություններ իրականացնելու համար, ուրախ կլինեն ծանոթանալ մի քանի հնարքների հետ, որոնք փոքր են, բայց լիովին հաղորդում են նոր տեսք։ Ռազմավարական քայլերի հերթականության դեպքում անխուսափելի է տպավորիչ նոր ինտերիեր ստանալը։

1․  Բարձեր ու պլեդեր․ Սկսե՛ք ձեր գունային ճանապարհը պարզ, բայց շատ ազդեցիկ մոտեցմամբ։ Դրանք են վառ ակցենտային բարձերն ու պլեդերը կամ ցանկացած այլ ծածկոց։ Սրանք ոչ միայն հաղորդում են հավելյալ հարմարավետության զգացում ձեր բազմոցներին ու մահճակալներին, այլ նաև ապահովում են հետաքրքիր գունային էքսպերիմենտության հնարավություն։ Խաղացե՛ք տարբեր տեքստուրաների, նախշերի ու համարձակ երանգների հետ միանգամից ներարկելով առանձնահատկություն։

2․ Պատի դեկորներ․ զարդարե՛ք սենյակի պատերը դեկորատիվ պատի դեկորներով ու կապ չունի մեծ գլուխգործոց է, հասարակ դեկոր, թե հայելի եզերված հետաքրքիր նախշերով, այս դետալները կենդանություն են հաղորդում ցանկացած ինտերիերին։ Ընտրե՛ք այնպիսի դեկորներ, որոնք խոսում են ձեր անհատականության հետ ու ներկայացնում ձեր նախասիրություններն ու ճաշակը։

3․ Ակցենտային գորգեր․ Բացի ամենօրյա կիրառությունից գորգերը հիանալի տարբերակ են նոր գույն բերելու համար և իհարկե սենյակի ինտերիերն ավելի համակցված դարձնելու համար։ Ընտրե՛ք վառ պատկերներով գորգեր կամ ավելի նեյտրալ գույնով, որպեսզի ստեղծվի գեղեցիկ հակադրություն։ Գորգերը մեծ դերակատարում ունեն սենյակում վիզուալ համակցվածություն ստեղծելու առումով։

4․ Բույսեր ու ծաղիկներ․ բույսերի ինտեգրումն ինտերիերում ոչ միայն հաղորդում է կենդանի շունչ, այլ նաև սենյակ են բերում բնությանը մոտ լինելու հնարավորություն հատկապես եթե բնակարան է։ Նույնիսկ ծաղկամանով ծաղիկներն ունակ են փոխելու սենյակի ամբողջ մթնոլորտը։

5․ Դեկորատիվ ակցենտներ․ փոքր, բայց ազդեցիկ դեկորները, ինչպիսիք են մոմերը, մոմակալները կամ արձանիկները ռազմավարական տեղադրման արդյունքում նույնպես սենյակ կբերեն կենդանություն։ Սրանք բավականին ճկուն դետալներ են, որոնք ըստ տրամադրության կարելի է հաճախ փոփոխել սենյակում։

6․ Ֆունկցիոնալ խոհանոցային միջոցներ․ խոհանոցն անմասն չի մնա բնակարանի ընդհանուր վերափոխություններից։ Նոր հետաքրքիր նախշերով սպասքն արդեն իսկ բավական է, որ թարմ շունչ հաղորդի սպասքապահարանի վրա դրված տեղից։

7․ Անկողնային պարագաներ․ նոր տեսք հաղորդե՛ք նաև ննջասենյակի կահույքին ակցենտային անկողնային պարագաների շնորհիվ։ Մի փոքր փոփոխությունն էլ կարող է մեծ տպավորություն թողնել։

8․ Գրապահարաններ․ գրապահարանների դեպքում փորձե՛ք գրքերը դասավորել ըստ գույների և կտեսնեք, թե ինչ ինսթագրամյան էսթետիկ ինտերիեր եք ստանում։ Գրքերի անկյունը վերածվելու է ծիածնային խանդավառության, ինչպես նաև կունենաք կոկիկ ընթերցանության անկյուն։

Գույներ ավելացնելն ինտերիերում հնարավորություն է տալիս նոր փորձարկումներ անել։ Այն ռեսուրսատար ու ծախսատար չէ, բայց արդյունքը անգնահատելի։