Ռեքլայներ կամ ճոճվող կահույքը վերջերս մեծ հայտնիություն է ձեռք բերել, և դժվար չէ կռահել, թե ինչու։
Զարմանալի չէ, որ գերհարմարավետության ու գերփափկության հաշվին այսօր շատերը նախապատվությունը տալիս են ճոճվող կահույքին։ Այս անգամ ուսումնասիրելու ենք առողջարարական առավելությունները, որոնք կհամոզեն ձեզ գնել ռեքլայներ կահույք։
Մինչ առավելություններին անցնելը, մի փոքր խոսենք ստեղծման պատմությունից։
1790թ․ ատամնաբույժ Ջոսիահ Ֆլեգը որոշեց այցելուների համար ատամնաբուժական աթոռին ավելացնել հարմարավետ գլխատեղ։ Հետո 1832թ․ մեկ այլ ատամնաբույժ Ջեյմս Շնելը մշակեց մեխանիկական աթոռի տարբերակ, որը հնարավորություն էր տալիս այցելուներին ոտքերն ու գլուխը հարմար հենել։
Ասում են նաև, որ ռեքլայներ աթոռների առաջին տարբերակներից ունեցել է Նապոլեոն 3-րդը։ Հետագայում ի հայտ եկավ մորիսյան աթոռը, որը միայն ճոճվում էր, և մարդիկ ռեքլայներ էին անվանում այն աթոռներին, որոնք ճոճվում էին։ Ջոզեֆ Հոֆմանը նույնպես նախագծեց ռեքլայներ աթոռի իր տեսակը։ Այս բոլոր նախատիպերը ճանապարհ հարթեցին երկու ամերիկացի զարմիկներ Էդվարդ Քնաբուշի ու Էդվին Շումեյքերի համար նախագծել առաջին ժամանակակից ռեքլայներ բազկաթոռը, որին բոլորս քաջ ծանոթ ենք։ Հետագայում երկու զարմիկները հիմնեցին ընկերություն, որն արտադրում էր հայտնի ռեքլայներ բազկաթոռները։ Ընկերության մարքեթինգի մասնագետ Էլի Ուինքլերը մի առիթով նշել է, «90 տարի առաջ La-Z-Boy ռեքլայներ բազկաթոռի հայտնագործությամբ լիովին փոխվեցին ամերիկացի սպառողների պահանջները կահույք գնելիս։ Հենց այդ ժամանակվանից ամերիկացի գնորդի համար առաջնային պլան մղվեց հարմարավետությունը։»
Բացի հարմարավետ լինելուց ռեքլայներ բազկաթոռները նաև օգտակար են առողջության համար։ Ահա հենց այն 5 առողջարարական կետերը, որոնք արժանի են ձեր ուշադրությանը, եթե մտադիր եք գնել ճոճվող կահույք։
1․ Թուլացնում է ոտքերի լարվածությունը
Երբ հենվում եք բազկաթոռի մեջքին, թուլացնում եք ոտքերի լարվածությունը։ Ձգողականության ուժը օրվա ընթացքում ճնշում է գործադրում ոտքերի վրա, և ռեքլայներ բազկաթոռը կօգնի թուլացնել ոտքերի ճնշվածությունն ու հանգստանալ։
2․ Թեթևացնում է մեջքի ցավը
Եթե անընդհատ բողոքում եք մեջքի ցավերից, ձեզ հաստատ պետք է ռեքլայներ բազկաթոռ։ Ռեքլայներ բազկաթոռին հենված կարող եք թուլացնել մեջքի մկանների լարվածությունը։ Երբ հենված եք բազկաթոռին, թույլ եք տալիս մեջքի մկաններին հանգստանալ ու թուլացնել ճնշվածությունը։
3․ Նպաստում է շնչառության կարգավորմանը
Մյուս առողջ հատկությունն այն է, որ կօգնի ձեզ կարգավորել շնչառությունը։ Ռեքլայներ բազկաթոռին հենված ու նստած վիճակը կնպաստի ստոծանու բացմանը ու ավելի լավ շնչառությանը։ Եթե շնչառական խնդիրներ ունեք, ձեռք բերեք ձեզ համար ռեքլայներ բազկաթոռներ։
4․ Բարելավում է արյան շրջանառությունը
Քանի որ երկրագնդի ձգողականության ուժն ազդում է մարմնի վրա, հնարավոր է սրտի համար դժվար լինի ապահովել արյան լավ շրջանառություն։ Երբ ճոճվող բազկաթոռին եք նստած, ձգողականության ուժը միայն ոտքերի վրա չի ազդում, այլ հավասարապես բաշխվում է ամբողջ մարմնով։ Եթե նկատել եք, որ երեկոյան ձեր ոտքերը հաճախ են այտուցվում, արժի ձեռք բերել ռեքլայներ կահույք։
5․ Թեթևացնում է սթրեսը
Լավագույն հատկություններից մեկը հենց սթրեսի կանխարգելումն է։ Բոլոր ռեքլայներ բազկաթոռները գերփափուկ են, և մի հպումն էլ բավական է, որ լիովին հանգստանաք։ Այն թուլացնում է ամբողջ մարմնի սթրեսը։
Այսպիսով, ռեքլայներ փափուկ կահույքը հրաշալի ներդրում է ձեր ու ձեր ընտանիքի համար։ Նյութերի ու ոճերի մեծ տեսականուց մեր խորհրդատուների օգնությամբ հաստատ կկարողանաք գնել ամենահամապատասխանը։