Ինչպես ընտրել բարձրորակ և հարմարավետ կահույք

Կահույք ընտրելը բավականին բարդ գործընթաց է, քանի որ կարևոր է հաշվի առնել ոչ միայն  արտաքին առանձահատկությունները, այլ նաև ներքին հատկությունները՝ պատրաստման նյութը, որպեսզի հասկանանք, թե որքան կարող է այն ծառայել։ Բացի այդ բոլորս էլ ուզում ենք ձեռք բերել որակյալ կահույք, որը դիմացկուն կլինի տարբեր վնասվածքներին, շուտ չի փչանա ու երկար ժամանակ կլինի ընտանիքի լավագույն բարեկամ։ Այդ իսկ պատճառով էլ մենք որոշել ենք անդրադառնալ այն հիմնական հանգամանքներին, որոնց պարտադիր պետք է ուշադրություն դարձնել ցանկացած կահույք գնելիս։ 

Փայտե կահույք

Երբ խոսքը գնում է փայտե կահույքի (ճաշասեղաններ, սուրճի սեղաններ, սպասքապահարաններ, ննջասենյակի հավաքածուներ) մասին, ուշադրությունը պետք է սևեռել ամբողջական կազմությանը։ Ամբողջական կոնստրուկցիան որակյալ փայտե կահույքի հիմնական բնորոշումներից են, որն իրենից ներկայացնում է ամուր անկյունները, փայտե պտուտակները։ 

Տարբերակում ենք մի քանի փայտատեսակներ՝ կարծր ու թեթև, նրբատախտակներ։ 

Կարծր փայտատեսակը հիմնականում պատրաստվում է սաղարթախիտ ծառերից, օրինակ՝ ակացիան, կաղնին, թխկին ու հաճարենին։ Աճում են և՛ չոր, և՛ խոնավ տարածաշրջաններում։ Այս ծառատեսակները հիմնականում լայնատերև են, ու կարող ենք տարբերակել մնացածից իրենց կլորաձև արտաքին տեսքի շնորհիվ։ Սրանք նաև հիմնականում վայրի պտղատու ծառերն են։ 

Թեթև փայտատեսակների մեջ ներառում են փշատերև ծառերը, օրինակ՝ եղևնին, սոճին, խեժը, և այլն։ Կարծր փայտատեսակը սովորաբար շատ ավելի թանկ է լինում, ճոխ տեսք է ունենում, և դիմացկուն վնասվածքներին, քերծվածքներին, քան նրբատախտակները, որոնք չնայած համեմատաբար ավելի մատչելի են։ 

Փայտե կահույք գնելիս անհրաժեշտ է խորհրդակցել արտադրողների հետ, ճշտել խնամքի առանձնահատկությունները։ Յուրաքանչյուր փայտատեսակ ունի միայն իրեն բնորոշ հատկանիշներ, և ելնելով այդ հատկանիշների համախմբից՝ որոշվում է խնամքի քայլերը կահույքը ժամանակից շուտ չփչացնելու համար։ Առավելագույն կերպով պետք է հետաքրքրվեք Ձեր կահույքի փայտատեսակի բոլոր հատկություններով, հենց այս տեղեկատվությունը կօգնի Ձեզ հետագայում տանը վայելել նրա նրբագեղություն երկարակեցությունը։ 

ԿԱՐևՈՐ Է՝

Ստուգեք՛ բոլոր պահոցներն ու դարակները։ Համոզվեք, որ հարթ բացվում են մինչև վերջ ու նույնկերպ էլ փակվում են։ Ստուգեք՝ արդյոք բացվելիս ֆիքսվում են, թե ոչ։ Ուշադրություն դարձրեք նաև բռնակներին, նրանք նույնպես պիտի ֆիքսված լինեն, այլ ոչ թե շարժվեն։ 

Փափուկ կահույք 

Բազմոցների դեպքում նույնպես արժևորվում է ամբողջական կոնստրուկցիան, այստեղ էական հատկանիշ են պաստառի գործվածքը, զսպանակներն ու նստատեղերը։ Ճիշտ ընտրության համար պետք է հաշվի առնել մի քանի գործոններ։ 

1․ Ընտրել ճիշտ կտոր, որը կերաշխավորի Ձեր կահույքի երկարակեցությունը

Կահույք պատրասվում է զանազան կտորի տեսակներից, որոնցից ամենանշանավորներն են՝ բամբակը, բնական ու էկո կաշին, մետաքսը, պոլիէսթերը, պոլիպրոպիլենը, ակրիլը և նիլոն։ Երևի թե կտորի ընտրությունն է հենց դժվարեցնում կահույքի գնման բործընթացը։ Եկեք հասկանանք կտորի այս տեսակների հիմնական առանձնահատկությունները։ 

Բամբակը լայնորեն տարածում գտած ամենամատչելի կտոր տեսակներից է։ Բամբակից պատրաստված կահույքը փոխանցոմ է փափկության զգացողություններ։ Այն դիմացկուն է արևի ճառագայթներին, գույնը շուտ չի խամրում, սակայն ենթակա է վնասվածքների։ Ամենօրյա օգտագործման համար բամբակյա իրերը լավագույն լուծում չեն, քանի որ արագ են փոշի հավաքում։ 

Մետաքսը ամենաթանկարժեք կտորի տեսակներից է։ Այն մեծամասամբ օգտագործվում է հյուրասենյակում պաշտոնական միջոցառումների համար ֆորմալ մթնոլորտ ստեղծելու համար, որտեղ կահույքը հաճախակի շփման մեջ չի լինելու։ Մետաքսը պահանջում է մանրակրկիտ մաքրում, եթե պատահական ինչ-որ բան թափվի։ Բավականին զգայուն կտորի տեսակ է։ 

Համեմատելով վերոնշյալ կտորները՝ բուրդը բավականին դիմացկուն է ու ամուր։ Շուտ չի վնասվում։ Միակ թերությունն այն է, որ հնարավոր է ոչ հաճելի հոտ վերցնի, ու դրանից ձերբազատվելը բարդ է։ 

Միգուցե ամենադիմացկուն կտորի տեսակներից կահույքի արտադրության մեջ  կաշին է, որը տարանջատվում է բնականի ու էկո։ Կաշվե կահույքը խորհուրդ չի տրվում նրանց, ովքեր տանը ունեն ընտանի կենդնանիներ, որոնք հնարավոր է արագ վնասեն կահույքը։ 

Այդ իսկ պատճառով էլ Ashley Homestore-ը առաջարկում է իր հեղինակային դյուրաբլենդ կտորի տեսակը, որը պոլիուրեթանի (57%), կաշվի (17%) ու բամբակի (26%) համադրություն է։ Դյուրաբլենդի հիմնական տարբերակիչ առանձնահատկությունը բնականից այն է, որ ջերմակայուն է, այսինքն՝ շոգ եղանակին կտորը չի տաքանում, իսկ ցուրտ եղանակին էլ չի սառչում։ Սա նպաստում է խուսափել անհարմար դրության մեջ հայտնվելուց։ Ինչպես նաև, բավականին դիմացկուն է փոքրիկների ու կենդանիների կողմից վնասվածքներին ու քերծվածքներին։

Էկո կաշին լինում է երկու տեսակի՝ պոլիուրեթան ու պոլիքլորիդ։ Պոլիուրեթանը երկուսից ամենաանվնաս նյութն է։ Բնապահպանական մոտիվներից ոգեշնչված՝ էկո կաշին բնականի լիիրավ փոխարինողն է։ Դա հատկապես բնության պաշտպանների համար հրաշալի հնարավորություն է ընձեռում օգտվել կտորի տեսակից՝ չվախենալով, որ շրջակա միջավայրին վնասներ կհասցվի։ Հեշտ է մաքրել ու խնամել, դիմացկուն է քերծվածքների նկատմամբ։ Չի ներծծում թափված ջուրը։ Չի քրտնեցնում ու սառեցնում։ 

Մանրաթելային գործվածքով բազմոցները, բազկաթոռները դիմացկուն են վնասվածքներին, թեթև են ու ջերմակայուն։ Հեշտ են մաքրվում չոր քիմմաքրման դեպքում։ 

2․ Հաշվի առե՛ք Ձեր կենսակերպը 

Ձեր ապրելակերպը փափուկ կահույք ընտրելիս անպայման պետք է կարևորագույն պայմաններից լինի։ Եթե Ձեր տանը ունեք ընտանի կենդանիներ (շուն,կատու,և այլն) կամ փոքրիկ երեխաներ, խորհուրդ ենք տալիս ընտրել մուգ երանգի փափուկ կահույք, որը հեշտ է մաքրվում բծերից, ունի դիմացկուն զսպանակաձև մեխանիզմ։ Սա կօգնի, որ կահույքը Ձեր տանը ծառայի երկարաժամկետ։  

3․ Ընտրեք խելացի 

Կահույք ընտրելիս հաշվի առե՛ք բոլոր խանգարող հանգամանքները Ձեր կենսակերպում։ Նախօրոք որոշեք, թե ինչպիսի ոճի կահույք եք ցանկանում տեսնել Ձեր տանը, որը անպայման կհամապատսխանի տան ընդհանուր կահավորմանը։ 

4․ Ստուգե՛ք զսպանակները

Եթե սիրում եք ամուր նստատեղով բազմոցներ, ապա ընտրեք երկար զսպանակներով կահույք, իսկ եթե ավելի փափուկ ու թեթև զգացողության սիրահար եք, ապա կարող եք ընտրել զիգզագաձև զսպանակապատ բազմոցներ։ 

5․ Տեղում փորձե՛ք բազմոցի նստատեղերը

Փափուկ կահույքի նստատեղերի հարմարավետությունը կարևորագույն կետերից են, որ պետք է արժանան Ձեր ուշադրությանը։ Այստեղ հիմնականում պետք է ստուգել, թե ինչից է պատրաստված լցանյութը, հնարավոր է այն լվանալ-մաքրել, թե ոչ, ինչպիսի խնամքի միջոցներ են անհրաժեշտ, անհրաժեշտ է չոր, թե խոնավ քիմմաքրում։ Բոլոր այս հարցերի պատասխանը կարող եք ստանալ Ձեզ սպասարկող խորհրդատուից, կամ էլ ընթերցելով կահույքի տեխնիկական հատկությունների գրքույկից։ 

Այսպիսով, կարող ենք ասել կահույք ընտրելը դյուրին առաջադրանք չէ, դրա համար էլ բոլորս պետք է տիրապետենք  գոնե նվազագույն տեղեկատվությանը արտաքին ու ներքին առանձնահատկությունների վերաբերյալ։ 

Որակյալ ու հարմարավետ կահույքի ընտրության հարցում կարող եք նաև ստանալ անհատական խորհրդատվություն՝ զանգահարելով մեր հետևյալ հեռախոսահամարին՝ 044 611 000։