Հրավիրվա՞ծ եք հարսանիքի, բայց դեռ նվերը չե՞ք ընտրել։ Միգուցե, հարսանեկան նվերի ընտրությունը հեշտ չէ, բայց ոչ անհնար։ Պարտադիր չէ, որ լինի թանկարժեք, կարևորը լինի մտածված ու օգտակար։
Տան պարագաները օգտակար ու մտածված նվերների լավագույն օրինակներն են, և՛ դուք չեք փոշմանի ծախսված գումարի համար, և՛ ստացողը կերջանկանանա։
Հարսանեկան նվերները օրվա խորհուրդը ճանաչելի ու գնահատելի դարձնող փոքրիկ ու հաճելի երևույթներից են, որոնք հետագայում դառնալու են քաղցր հիշողություններ։
Շատ հաճախ հարցնում են, թե որքան է մոտավոր անհրաժեշտ ծախսել հարսանեկան նվեր գնելու համար։ Դրա պատասխանը գոյություն չունի, կախված է, թե ինչպիսի հարաբերություններ ունեք զույգի հետ։ Եթե երկար տարիների ընկերներ եք, ընտրեք նվերներ, որոնք ժամանակի անիվով կտանեն ձեզ մանկության հիշողություններով ճամփորդության։
Մենք առանձնացրել ենք մի քանի հարսանեկան նվերների տարբերակներ, որոնք օգտագործելի են, հաճելի ու համեմված ռոմանտիզմով։
Լավագույն նվերների մտքեր նորապսակների համար
Անհատական մոտեցումով նվերները շնորհակալական երկտողերով մշտական տարբերակներից են, բայց ինչ կասեք, եթե այս անգամ ընտրենք նրանց համար նվերներ, որոնք նրանց համատեղ կյանքը կդարձնի ավելի հարմար ու տաքուկ։
Անկողնային պարագաները, նոր ծածկոցները, բարձերը ննջասենյակի համար իդեալական լրացումներ կարող են լինել։ Կամ եթե փնտրում եք ավելի հետաքրքիր մտքեր, կարող եք ընտրել ակցենտային, դեկորատիվ բարձեր, մոմակալներ և նրանց ննջասենյակը վերածել դրախտավայրի։ Օգնե՛ք նրանց ստեղծել իրենց սպա կենտրոնը հենց իրենց լոգասենյակում փափուկ ու որակյալ սրբիչների օգնությամբ։
Պատի դեկորները, որոնք ներկայացնում են նրանց նախասիրությունները, նույնպես նվերների լավ մտքեր են։ Կարող եք ընտրել պատի նկար, հայելի, որոնք սենյակին կփոխանցեն խորություն կամ պատի ժամացույց, որը կխորհրդանշի նրանց միասնական կյանքի սկզբի մեկնարկը։
Մտածե՞լ եք նաև նվիրել նրանց հենց տանը ռոմանտիկ կինոդիտում կազմակերպելու հնարավորություն։ Նոր հարմար փափուկ կահույք, փափուկ պլեդեր, բուխարիով հեռուստացույցի տակդիրներ, և պատրաստ է տնային կինոթատրոնը։
Բոնուս. 2023թ․ լավագույն ֆիլմերը տնային կինոթատրոնում դիտելու համար հետևյալն են՝
Huesera: The Bone Woman, Full Time, Saint Omer, Shotgun Wedding, After Love, M3Gan, Juniper, Emily և այլն։
Նախաամուսնական խնջույքի նվերներ
Նախաամուսնական խնջույքի նվերներն ամենից շատ հարսնացուների համար են, բայց կարող եք ադապտացնել նվերները զույգի նախասիրություններին՝ ունենալով ձեր ներդրումը նոր կառուցվող տան հարմարավետության ու շքեղւթյան ստեղծման մեջ։ Օրինակ, գլոբուսը կարող է հաճելի ակնարկ լինել նրանց միասին անցկացրած ճանապարհորդական օրերի վերաբերյալ, եթե զույգը ճամփորդելու մեծ սիրահար է, իսկ կերամիկական ծաղկամանները կարող են իրենց սիրելի ծաղիկները միշտ պահել թարմ վիճակում։
Հիշարժան նվերներից են նաև նկարի շրջանակները օրվա լավագույն պահերը մշտապես տեսանելի վայրում ունենալու համար։
Հարսանեկան նվերների մտքեր հարսնացուի համար
Բոլոր հարսնացուներն էլ հարսանիքին ստանում են ոսկյա, արծաթյա զարդեր, և դրանց խնամքը կարևոր է երկարատև օգտագործելու համար։ Ընտրեք տարբերվող ու տպավորիչ զարդատուփերի հավաքածուներ, որոնց շնորհիվ զարդերը գեղեցիկ կցուցադրեն։ Ննջասենյակի համար կարող եք ընտրել նաև շքեղ հայելիով պահարաններ, որոնք ունեն զարդերը պահելու համար թավշեպատ պահոցներ։
Եթե նաև ֆրիլանս աշխատող է, կարող եք գնել աքսեսուարներ, դեկորներ գրասենյակային կահույքի համար, ինչպես օրինակ, լուսամփոփները։
Հարսանեկան մտքեր փեսացուի համար
Եթե նա ունի ճարմանդների, ձեռքի ժամացույցների մեծ հավաքածու, կարող եք ընտրել տարողունակ օրգանայզեր-պահոցներ կամ դեկորների տարբերակներ, օրինակ, շախմատ, քարտերի տուփ, ռետրո ոճի հեռախոս գրասեղանի համար, գինու շշերի պահոցներ, հարմարավետ փափուկ բազկաթոռ կամ ռեքլայներ։
Եվ իրոք քանի դեռ նվերի միտքը ի սրտե է, ընտրությունը երբեք սխալ լինել չի կարող։ Այցելեք մոտական Ashley կահույքի սրահ տեսնելու, թե ինչ ոգևորիչ ու տպավորիչ նվեր կարող եք ընտրել։