«Ես շուրջս պատում եմ գեղեցիկով․ դա է իմ առաքելությունը։»,-Էլսի դե Ուոլֆ
Կանայք ամենանրբանկատ արարածներն են, որոնց աչքից չի վրիպում յուրաքանչյուր մանրուք՝ թե՛ տան ներքին հարդարման, թե՛ հագուստի, թե՛ վարքագծի, թե՛ ուտելիքի պատրաստման հետ կապված։ Իզուր չէ, որ առաջին ինտերիեր դիզայները աշխարհում համարվել է ամերիկացի դերասան Էլսի դե Ուոլֆը, որը մեծ հեղափոխություն իրականացրեց ինտերիեր դիզայնի ու կահույքի արտադրության ոլորտում։ Նա հրաժարվեց վիկտորիանական ժամանակաշրջանի մռայլ ու շագանակագույնը գերիշխող ինտերիերից և կյանք տվեց ավելի թեթև, պաստելային գույներով ու ծաղկանախշերով ինտերիերներին։
Մյուս մեծ ներդրում ունեցած նշանավոր ինտերիեր դիզայները Դորոթի Դրեյփերն է, ով ասել է․ «Քո տունը քո կյանքի ետնաբեմն է, ու կապ չունի, թե այն մեկ-սենյականոց բնակարան է, թե շքեղ առանձնատուն։» Դորոթի Դրեյփերը հայտնի է իր սյուրռեալիստական և կուբիստական դիզայներական գաղափարներով։ Նրա հեղինակային դիզայներական լուծումներից են սև-սպիտակ հատակի շախմատաձև դիզայնը, գիպսով մշակված ձուլվածքներն ու խոշոր գծային նախշերը։ Սրանք ստացել են դրապերիզմ անվանումը։ Դորոթի Դրեյփերը նախընտրում էր ինտերիերում բոսորագույնը, երկնագույնը, փայլուն սևը, որոնք, ըստ իրեն, մարմնավորում էին լավատեսություն։
Այս երկու դիզայներների օրինակով էլ կարող ենք ասել, որ կանայք փայլում են մանրուքների նկատմամբ իրենց ուշադրությամբ ու բոլորի հանդեպ հոգատարությամբ։ Նրանք են տանը տրամադրություն ստեղծողները։ Կանայք կարծում են, որ տան յուրաքանչյուր սենյակի տեսքը խոսում է իր ճաշակի ու կոկիկության մասին, այդ պատճառով էլ սենյակի ամեն մի դետալ կարևոր դեր խաղացող է։ Անցնենք բոլոր սենյակներով ու բացահայտենք լավագույն նվերների գաղափարները սիրելի կանանց համար։
1․ Հյուրասենյակի և ճաշասենյակի համար
Կանանց համար կարևոր է թե ճաշասենյակում, թե հյուրասենյակում ապահովել հյուրերի հարմարավետությունը, բացի գեղագիտական հաճույք ստեղծելուց։ Եթե ձեր կինը հանգիստ բնավորության տեր անձնավորություն է, ուրեմն անպայման կհավանի ֆրանսիական պրովանս ոճը ներկայացնող ճաշասեղանները, բազմոցներն ու մահճակալները, իսկ եթե բնավորությամբ ավելի կենսուրախ է, ուրեմն կհավանի բառի սեղաններն ու բառի աթոռները ճաշասենյակում կամ հյուրասենյակում լոֆթ ոճին բնորոշ անկյուն ստեղծելու համար։
Ֆրանսիական քանթրի կամ պրովանս ոճը ստացել է իր անվանում Ֆրանսիայի հարավում գտնվող համանուն շրջանից,որը հայտնի էր իր գեղատեսիլ ծովային համայնապատկերներով, ծաղկային բույրերով, սպիտակ փողոցներով և համեղ խոհանոցով։ 17-րդ դարում ֆրանսիացի բուրժուազիայի ներկայացուցիչները, փախչելով քաղաքային աղմուկից ու խիստ դասականից, ժամանակավորապես տեղափոխվեցին այստեղ։ Ոգեշնչվելով տեղական գյուղական համայնքի չափավորությունից ու ներդաշնակությունից՝ նրանք կահավորեցին իրենց նոր տունը ավելի հասարակ, բայց էլեգենատ տեսքով։ 19-րդ դարում ֆրանսիական քանթրիի տարածումը ինտերիերներում ավելի մեծ թափ առավ։ Այն քարոզում էր խաղաղություն, պարզություն ու բնականություն։ Հենց այս յուրատեսակ էներգիան է հրապուրում այսօր շատերին, հատկապես կանանց, որոնք նախընտրում են հանգստությունն ու իրականը։
Լոֆթ ոճն ընտրում են նրանք, ովքեր ստեղծագործ են, ազատամիտ ու փնտրում են ազատություն ամենուրեք, ովքեր գնահատում են առօրեա պրակտիկությունը։ Մոդեռն քաղաքային ոճին անվանում են լոֆթ, որը բնորոշվում է ինտերիերում բաց տարածքների ու ինդուստրիալ տարրերի լիությամբ։ Այն ձևավորվել է 1940-ական թթ․ներին Մանհեթենում գտնվող գործարաններից մեկում։ Քաղաքի կենտրոնում անշարժ գույքի գները աստիճանաբար բարձրանում էին, և շատ ձեռնարկություններ ու արվեստագետներ ստիպված եղան տեղափոխել իրենց գրասենյակներն ու արվեստանոցները արվարձաններ,որտեղ էլ գրոշներով գնեցին ամայի գործարանները։ Իրենց ստեղծագործ մտքի թռիչքի արդյունքում որոշ ժամանակ անց մեկուսացած գործարանները վերածվեցին շքեղ բնակարանների։ Այսօր լոֆթը համարվում է երիտասարդական ոճ, և մենք խորհուրդ ենք տալիս նվիրել այն աղջիկներին ու կանանց, ովքեր անկախ տարիքից միշտ մնում են հոգով-սրտով երիտասարդ, լոֆթ ոճով ինտերիեր աքսեսուարներ՝ նկարներ, լուսամփոփներ, ծաղկամաններ, և այլն։
2․ Խոհանոցի ու ճաշասենյակի համար
Ժամանակակից շամպայնի ու գինու բաժակները լայնորեն սկսվել էին կիրառվել 20-րդ դարում, ու ասում են՝ դրանց ծագումը սերտ կապ ունի որոշ հայտնի կանանց անվան հետ։
- Լյուդովիկոս 16-րդի նարցիստ կնոջ` Մարիա Անտուանետտայի համար հատուկ պատրաստվում էին իր կրծքավանդակի կաղապարով համապատասխան բաժակներ, որպեսզի ամեն անգամ խմելիս պալատականները իրեն առողջություն մաղթեին։
- Կայսրուհի Ժոզեֆինան՝ Նապոլեոնի կինը, շատ էր սիրում փրփրող խմիչքը՝շամպայնը։ Ասում էին, որ կայսրուհու շամպայնի համար վճարվող հաշիվները վախեցնում էին կայսրին։
- Մադամ դու Պոմպադուրը Լյուդովիկոս 15-րդի սիրուհին էր ու հատուկ իր սիրելի արքայի համար կրկին պատվիրել էր իր կրծքավանդակի կաղապարով բաժակներ, որպեսզի միշտ դրանցով միասին ընպեին խմիչք։ Մադամ Պոմպադուրի օրինակին էր հետևում Լյուդովիկոս 15-րդ մեկ այլ սիրուհին՝ Մադամ դու Բարին։
- Դիանա դե Պուատիեն Հենրի 2-րդի սիրուհին էր և նա էր հանձնարարել ամրոցի ապակեգործին պատրաստել բաժակներ իր կրծքավանդակի կաղապարով, որոնք խելքահան էին անում արքային։
Կանայք այսօր էլ սիրում են նրբանկատորեն ընտրել խոհանոցի համ ճաշասենյակի համար սպասք, սիրում են պարբերաբար թարմացնել սպասքի հավաքածուները և ցուցադրել լավագույն օրինակները հատուկ առիթների ժամանակ։ Իսկ դուք կարող եք դառնալ այն մեկը, ով կպարգևի նրանց ևս մեկ անգամ պարծենալու հնարավորություն։
Ashley Homestore կահույքի սրահում կարող եք ընտրել նրբագեղ ու որակյալ սպասքի հավաքածուներ։ Կախված այն բանից՝ ձեր կինը նախընտրում է վերացական, թե բնությամբ ոգեշնչված նախշերով ափսեներ, ցանկացած ճաշակի համար կգտնեք համապատասխան նվեր։
3․ Ննջասենյակի համար
Մյուս օգտակար նվերի տարբերակը կարող են լինել անկողնային պարագաները։ Կանայք մշտապես փնտրտուքների մեջ են գտնվում գնելու որակյալ անկողնային պարագաներ, որ լվանալիս նախնական տեսքը չկորի և երկար օգտագործվեն։ Ծանոթացեք De Witte Lietaer և Stilly ապրանքանիշերի անկողնային պարագաներին, և վստահ նվիրե՛ք նրան, քանի որ նա միանգամայն կհավանի։
Եթե սենյակում պահոցները չեն բավականացնում իրերը դասավորելու համար ու նաև ձեր կինը հայելու առջև իրենով հմայվելու սիրահար է, կարող եք պարգևել նրան այդպիսի հնարավորություն՝ ձեռք բերելով հայելիով պահարաններ, որոնք տարբերվում են իրենց տարողունակ ու ընդարձակ պահոցներով։
4․ Լոգասենյակի համար
Ասում են՝ լոգասենյակը արտացոլում է տանտիկնոջ մաքրությունը, այդ իսկ պատճառով էլ լոգասենյակի կոկիկությունն ու մաքրությունը մշտապես նրա ուշադրության կենտրոնում է։ Դե, պատկերացրեք՝ ինչքան ոգևորիչ կլինի նրա համար նոր սրբիչների հավաքածուն, որոնց շնորհիվ սենյակը կարող է լցվել նոր գույներով ու շնչով։
Ինչ էլ նվիրեք, հիշեք, որ անպայման կրե՛ք ժպիտ ու նվիրե՛ք սրտաբաց։ Լինի կահույք, ծաղիկ, թե քաղցրավենիք՝ կարևորը լավ տրամադրվածությունն է ու ձեր կողմից ուշադրությունը։