20-րդ դարի կեսերին ծնված ոճը հայտնի է պարզ եզրագծերով, օրգանիկ ու մարդու կողմից պատրաստված նյութերով և ռետրո տեսքով։
1940-60-ական թթ․ ամերիկյան ոճ էին ներդրվում բազում ապագայամետ լուծումներ, քանի որ հենց այս ժամակաշրջանում էր, որ տեղի ունեցան մի շարք պատմական իրադարձություններ, որոնք սկիզբ դրեցին արևմուտք-արևելք անվերջանալի մրցակցությանը։
Դրանցից են Սպուտնիկ և Ապոլլո տիեզերանավերի դեպի տիեզերք թռիչքը, Այզենհաուրի իշխանության պարտությունն ու Քեննեդիների իշխանության ծնունդը և այլն։ Եվ ինտերիեր դիզայնը անմասն չէր կարող մնալ այս փոփոխություններից՝ փորձելով նորը ներկայացնել ավելի վառ ու արտահայտիչ։
Այն մեծ հայտնիություն ձեռք բերեց ԱՄՆ-ում հենց 40-ական թթ․։ Ոճը տարբերվում է մաքուր եզրագծերով, անփայլ տոնայնությամբ, բնական ու ձեռագործ նյութերով, գրաֆիկական ձևերով, վառ ակցենտային գույներով, դրսի ու ներսի աքսեսուարների ներդաշնակ ինտեգրացիայով։
40-ական թթ․ ոճը մեծապես ազդեցություն է կրել գերմանական բաուհաուսյան դիզայնից ու ճարտարապետությունից, որտեղ շեշտադրվում են պարզ եզրագծերը, ամենօրյա հարմարությունը և ֆուտուրիստական տեսքը։
Երկրորդ համաշխարհային պատերազմի ավարտից հետո մեծ թվով գերմանացի դիզայներներ արտագաղթեցին Ամերիկա՝ իրենց հետ բերելով նոր դիզայներական մտքեր։ Արդեն 1950-ական թթ․ մոդեռն ոճը սկսեց մեծ տարածում ունենալ ամերիկյան ինտերիեր դիզայնում։ Մեծ քանակով կահույք ու ինտերիեր աքսեսուարներ սկսվեցին արտադրվել աչքին ամենաանսովոր գույներով ու նյութերով։
Այն կարծես փոխարինելու էր եկել ամերիկյան ավանդական ոճին իր փոքր-ինչ ֆուտուրիստական դիզայներական մոտիվներով, սակայն ընդամենը գտավ իր ուրույն տեղը մյուսների կողքին։
Դարամիջյան ոճի հատկություններ
Ներքևում ներկայացված են այն հիմնական առանձնահատկությունները, որոնք օգնում են տարբերակել հենց այս ոճը մյուսներից։
1․ Մինիմալիզմ․ այս ոճը աչքի է ընկնում կահույքի պարզությամբ ու տարածքի հավաք և ազատ լինելով։ Սեղաններն ու աթոռները, օրինակ, հաճախ արտադրվում են ամենահասարակ նյութերով՝ ամրացված լինելով փայտե կոնաձև ոտքերով, որոնք կարծես շտապում են։
2․ Մարդկային գործոն ու բնությունից ոգեշնչված իրեր․ այս ոճում հաճախ կարելի է տեսնել ձեռագործ նյութեր, ինչպիսիք են վինիլը, պլաստիկը, ապակին և բնական նյութեր, ինչպիսիք են փայտը, մետաղը, մարմարը։ Սրանք նաև համադրված են լինում վինտաժային ակցենտային դեկորներով:
3․ Ակցենտային երանգներով բնական գույներ․ փայտային, սև ու սպիտակ ֆոնին այս ոճում թույլատրելի է օգտագործել մաքսիմալ վառ գույներ։ Հավատարիմ մնալով դրսի ու ներսի ինտեգրացիայի գաղափարին՝ այստեղ տարածված են նաև բնական կանաչը, պայծառ աշնանային նարնջագույնն ու դեղինը, կեղտոտ շագանակագույնը, ծովային կապույտը, կավագույնը։
3 խորհուրդ, թե ինչպես սկսել կահավորումը դարամիջյան ոճով
Ընդհանրապես կապ չունի կահավորելու ենք հյուրասենյակ, ննջասենյակ, թե խոհանոց, այս խորհուրդները բոլորի համար են։
1․ Կահավորեք հիմնական կահույքի շուրջ․ ընտրեք մեկ կամ երկու ակցենտային կահույք և փորձեք կահավորել հենց այդ կահույքի շուրջ։ Այն կարող է լինել մետաղական կամ փայտային հավելումներով ճաշասեղանները, աթոռները կամ բազմոցները։ Իսկ սենյակի մնացած հատվածները այնպես օգտագործեք, որ լրացում դառնան հիմնական կտորին։
2․ Խաղացեք գույների հետ․ 20-րդ դարի մոդեռն ոճը մինիմալիզմից հենց տարբերվում է գույների շնորհիվ։ Այստեղ կարող եք օգտագործել այն գույները, որը ձեր սիրտը շատ ցանկանա․ սահմանափակումներ ընդհանրապես չկան։ Կարևորեք ռետրո գույները։
3․ Հավատարիմ մնացեք բնականին․ եթե սենյակում ունեք պատուհան, որից բացվում է գեղատեսիլ տեսարան, ապա հաշվի առեք նաև պատուհանից երևացող գույները, որոնք ներդաշնակ կհամադրվեն ներսում աքսեսուարների կամ կահույքի հետ։ Եթե չկան պատուհաններ կամ էլ տեսարանը այնքան էլ լավը չէ, կարող եք սենյակը լցնել բնության շնչով մեծ ու փոքր ծաղկամաններով բույսերի շնորհիվ։
Այսօր հաճախ այս ոճը նմանեցվում է սկանդինավյան մինիմալիստական ոճին։ Երկուսն էլ յուրովի են ներկայացնում մոդեռնիզմը։ Սկանդինավյանը հայտնի է պաստելային երանգներով, իսկ այս ոճը՝ մուգ երանգներով։ Սակայն երկուսն էլ նման են գույների ջերմ տոնայնությամբ, ֆուտուրիստական նյութերով։