Ինտերիեր դիզայնում քանթրի ոճը ներկայացնում է հանգիստ ու մեր ամենօրյա կյանքի համար ավելի պրակտիկ ձևավորում։ Այն գավառական կենսակերպը ներկայացնող ոճային յուրահատկությունների ամբողջությունն է։ Գունային պնակն ընդգրկում է պաստելային ու վառ ակցենտային երանգներ, իսկ դիզայներական էլեմենտներից են վինտաժային ու հնեցված աքսեսուարները։ Քանթրի ոճի կահավորանքում հիմնականում կարելի է տեսնել բնական հումքից, ինչպես օրինակ՝ աղյուսից, քարից ու փայտից պատրաստված Կահույք և աքսեսուարներ։ Պատերի ու հատակի փայտով մշակումը, առաստաղից կախված ջահերը նույնպես քանթրի ոճին բնորոշ հատկություններից են։ Տարբեր դիզայներական լուծումներ կարելի է ներդնել տան կահավորման մեջ քանթրի ոճ ստանալու համար, սակայն դա կախված է նրանից, թե կոնկրետ քանթրիի որ տարատեսակն եք նախընտրում։
Քանթրի ոճը ներառում է բազում տարատեսակներ՝ ժամանակակից քանթրիից մինչև գավառական քանթրի։ Ընդգրկում է տարածաշրջանային դիզայներական յուրահատկություններ(ամերիկյան,անգլիական,ֆրանսիական, սկանդինավյան, ռուսական և այլն): Բոլոր երկրների քանթրին ներկայացնում է տվյալ երկրի ժողովրդի առօրեա կենսակերպը բնութագրող հատկանիշներ, հետևաբար ունեն նաև իրենց բնորոշ անվանումները։ Չնայած բոլորն էլ ունեն իրենց տարբերակիչ առաձնահատկությունները, սակայն ընդհանուր առօրեա կենսակերպը ներկայացնող հատկանիշներ կան։ Եկեք հիմա քննարկենք ֆրանսիական քանթրիին բնորոշ դիզայներական լուծումները,որն ավելի շատ հայտնի է պրովանս անվանումով։
Ֆրանսիական պրովանս ոճը ծագել է 17-18-րդ դարերում Լիոն ու Լիժ, Բլոիս ու Օռլեանս ֆրանսիական ավաններում։ Նրանք, ովքեր սիրում են ինտերիերում կիրառել հնեմաշ կահույք ու աքսեսուարներ, հաստատ կհավանեն այս ոճը։ Պրովանսը փարիզյան ու ռոյալ ոճերի համադրություն է։
Պրովանսի տարատեսակներից ամենահայտնին ֆրանսիական գավառականն է։Ոճը արտահայտվում է վառ սպիտակի, բաց կրեմագույնի, երկնագույնի, դեղինի և տաք կարմիրի, նարնջագույնի, ոսկեգույնի համադրությամբ։ Պրովանս ոճը կարող է ներառել նաև հախճապակուց պատրաստված սպասք, դեկորատիվ բարձեր, սպիտակեղեն ու ծածկոցներ։ Ծաղկավոր պրինտը (Toile de jouy և Provençal )ֆրանսիական պրովանսի տիպիկ առանձահատկություններից են համադրված սենյակում իրական բույսերի ներկայությամբ։ Արևածաղկի, կիտրոնի պատկերներով տարբեր աքսեսուարների կիրառումը ֆրանսիական գավառական կենսակերպը ներկայացնող լավագույն միջոցներից են։
Ժամանակակից պրովասն ոճը հաճախ ասոցացվում է նեյլոնից վարագույրների, կաղնուց պատրաստված կահույքի, սպիտակ ու կապույտ վանդակավոր նախշերի, ինտերիերում տարբեր աքսեսուարների առատությամբ։ Այս տարատեսակը իրենից ներկայացնում է հնի ու նորի համադրություն։ Մինիմալիստական ու փափուկ գործվածքով կահույքը կարելի է համատեղել ժամանակակից պրովանսում՝պահպանելով հանգիստ ու ջերմ մթնոլորտ:
Ժամանակակից պրովանսի ոճը ոգեշնչված է ավանդական ֆերմաներից և մարդկանց ու հավաքների կարևորությունից։ Այն տունը վերածում է մի միջավայրի, որը լքել ոչ մեկն անգամ չի ցանկանում։ Ժամանակակից պրովանսը նեյտրալների ոճ է՝ սպիտակից մինչ կրեմագույն և դրանց անցումային երանգները։ Հենց այս երանգներն են ստեղծում ընտանեկան ջերմ մթնոլորտ և դիզայնը դարձնում են ավելի հեշտ իրականանալի։ Մի փոքր ակցենտավորման համար կարող եք ներառել կարմիր կամ նարնջագույն աքսեսուարներ։ Զմրուխտե երանգը, մշուշոտ կապույտը բավականին լավ համադրվում են ոճի հետ։ Փորձեք նաև ներառել տարբեր նախշային պրինտեր։ Ծաղկային պրինտով գորգերը հրաշալի կերպով կհամալրվեն ժամանակակից պրովանսով կահավորված սենյակներում։
Պրովանսով կահավորելու հետաքրքիր մտքեր
Պրովանս ոճը բավականին փոփոխական դիզայներական լուծումներ է ենթադրում։ Մեր դիզայները առաջարկում է Ձեզ ամենատարածված պրովանսով կահավորելու մտքեր, որ հաստատ պետք կգա։
Առանց բնական տարրերի պրովանսը պրովանս չէ
Ընտրեք բնական փայտից կահավորանք, որն ընդգծում է հարմարվետությունն ու թեթևությունը, ոչ թե ֆորմալությունը։ Պրովանսում խրախուսվում են բնականին մոտ անփայլ գույներն ու բնական նյութերից պատրաստված կահույքը։
Համադրեք ինտերիերում արհեստական կամ բնական ճանապարհով հնեցված աքսեսուարներ
Ննջասենյակներում համադրեք հնեցված երկաթից, պողպատից դետալներ։ Նկուղներից կարող եք արդեն հանել բոլոր մոռացված աքսեսուարներն ու դրանցով հեշտությամբ ակցենտավորել պրովանսյան շունչը սենյակում։
Լրացրեք ինտերիերը ծաղկային պրինտերով
Լինի սենյակի պատերը, բարձերը, մահճակալի ծածկոցը, ծաղկային պրինտը սենյակ կբերի թարմություն ու ջերմություն։ Կահույքի նեյտրալ երանգների հետ որպես ակցենտ հրաշալի կերպով կհամատեղվեն վառ երանգավորում ունեցող աքսեսուարներ։ Խուսափեք բոլոր այն էլեմենտներից տան կահավորման մեջ, որոնք չափազանց նոր ու փայլուն տեսք ունեն: Հենց պրովանսով կահավորելիս կարող եք ցուցադրել կերամիկայից պատրաստված տատիկի սպասքի հավաքածուները։
Բնական բույսերն ու ծաղիկները պրովանսի մտերիմ ընկերներն են
Եթե բույսերի մեծ երկրպագու եք, այս կետը պետք է որ Ձեր ամենասիրելիներից լինի։
Բույսերի առատությունը ամենաբնորոշ գծերից մեկն է պրովանս ոճում․ չէ՞ որ պրովանսը ի սկզբանե ներկայացրել է գավառական կամ գյուղական առօրեա կենսակերպը, իսկ այդ կենսակերպում անբաժանելի մասն են կազմում ամենատարբեր բույսերը։
Պրովանսը իր զանազան տարատեսակներով հանդերձ միշտ հավատարիմ է մնում իր կողմից որդեգրված սկզբունքին, որով էլ հենց էապես տարբերվում է մնացած ոճերից։ Քաղաքային միջավայրում բնությանը ամենից շատ մոտ լինելու համար մեր դիզայները առաջարկում է կահավորել Ձեր տունը հենց պրովանս ոճի մոտիվներով, ինչում կարող է նա Ձեզ օգնել, եթե զանգահարեք հետևյալ հեռախոսահամարով՝ 011 611 000։