Շնորհավորում ենք տանը ձեր ամենամեծ ներդրումներից մեկը կատարելու կապացկությամբ։
Վերջապես ձեռք բերեցիք բազմոց, որը կծառայի գոնե 5–7 տարի։ Իհարկե բազմոցի երկար օգտագործելը մեծամասամբ կախված է, թե ինչպես դուք կխնամեք։ Այդ պատճառով էլ հավաքագրել ենք ամենահեշտ, բայց շատ կարևոր կանոններ, որոնք էական դեր են կատարում փափուկ կահույքի խնամքի ժամանակ։
1․ Մաքրել փոշեկուլով հաճախակի
Շաբաթական մեկ անգամ գոնե անհրաժեշտ է մաքրել բազմոցը բոլոր կողմերից փոշեկուլով։ Խուսափեք բամոցը մաքրել փոշեկուլի մեծ գլխիկով, քանի որ փոշին ու կեղտը հետ է հրում կտորի մեջ և ժամանակի ընթացքում բազմոցը կկորցնի իր սլացիկ տեսքը։
ՀԻՇԵԼ՝
Ashley Homestore կահույքի սրահներից բազմոց գնելու դեպքում խրախուսվում է մաքրել փափուկ կահույքը միմիայն չոր քիմմաքրումով։
2․ Փափկացնել բարձերը
Լավ կլինի՝ սովորություն դարձնել ամեն վեր կենալուց հետո թարմացնել ու փափկացնել նստատեղի ու ետնամասի բարձիկները, որպեսզի առավելագույն երկար ծառայեն ձեզ։ Հաճախ թարմացված բարձերով բազմոցն ավելի ճոխ տեսք կունենա, ինչպես նորը։
3․ Խուսափել արևի անմիջական ճառագայթներից
Երբ դեռ փորձում եք հասկանալ, որտեղ սենյակում տեղադրել բազմոցը, հիշեք, որ ոչ բոլոր կտորի տեսակներն ունեն արևապաշտպան հատկություն։ Անմիջական արևի ճառագայթները նպաստում են կտորի արագ խունացմանը, իսկ կաշվե բազմոցների դեպքում լավ կլինի հեռու տեղադրել բազմոցը էլեկտրոնային տաքացուցիչներից։ Բարձր ջերմությունը կարող է ճաքերի պատճառ դառնալ։
4․ Մաքրել ընտանի կենդանու մազերից
Եթե տանը պահում եք շուն կամ կատու, էլ ավելի է կարևորվում բազմոցի ճիշտ ու մանրակրկիտ խնամքը։ Բազմոցը ծածկեք առանձին ծածկոցով, որը նաև հեշտ ու արագ է լվացվում։ Շաբաթական մեկ անգամ անհրաժեշտ է տաք ջրով սրբել բազմոցի մակերեսը։
5․ Մաքրել բծերը
Բծեր բազմոցին միշտ էլ կամա–ակամա լինում են, և ամենահայտնի տարբերակները հեղուկներն են, օրինակ՝ թեյ, սուրճ, գինի, հյութ կամ շոկոլադ; Այս պարագայում պետք է մաքսիմալ արագ կողմնորոշվել ու անցնել գործի։ Սպիտակ անձեռոցիկով պետք է փորձել հեռացնել բիծը մինչ թաց է, հետո նրբորեն սրբել տաք ջրով։ Իհարկե այս պարագայում կարևոր է նաև ծանոթանալ բազմոցի արտադրողների կողմից տրված հրահանգներին։
Այսպիսով, միայն արտադրողից կախված չէ ձեր բազմոցի երկարակեցությունը։ Փափուկ կահույքի գեղեցիկ ու սլացիկ տեսքին մեծապես նպաստում է ժամանակի ընթացքում իրականացվող ճիշտ խնամքը։