Որակյալ փայտե կահույքը երկար ծառայում է` սերնդեսերունդ փոխանցվելով, բայց ժամանակի ընթացքում մշտական օգտագործման ու ոչ պատշաճ խնամքի դեպքում նույնիսկ ամենաբարձրորակ կահույքը հնարավոր է վնասվի։
Գնում կատարելիս Ձեր խորհրդատուից հետաքրքրվե՛ք, թե ինչպես է պետք ճիշտ խնամել փայտե կահույքը։ Կահույքագործն է միայն լավագույն կերպով ծանոթ տվյալ ապրանքի առանձնահատկություններին։
Իսկ ներքևում մենք ներկայացնում ենք 5 ամենակարևոր մեթոդները․ որոնք կօգնեն ձեր փայտե պահարաններին, ճաշասեղաններին, լրագրասեղաններին ձեզ հետ մնալ ավելի երկար։
1․ Հեռու պահե՛ք փայտե կահույքը տաք իրերից
Գիտենք, թե որքան եք սիրում աշխատելիս մեկ գավաթ տաք թեյ կամ սուրճ ըմպել, բայց երևի թե մոռանում եք, չէ՞, միշտ վերցնել ձեզ հետ տակդիր ափսե։ Փայտե կահույքը հնարավոր է որ վնասվի հենց տաք իրերի հետ շփումից։ Անմիջապես սեղանի վրա դնելու փոխարեն միշտ օգտագործե՛ք տակդիր ափսեներ։ Ուտելիքի հատկապես խմիչքների թափվելուց կահույքը պաշտպանելու համար ծածկե՛ք ջրակայուն սփռոցներով, որոնք չեն թողնի, որ հեղուկը հասնի փայտին։ Համաձայն մասնագետների՝ փայտե կահույքը լավ վիճակում պահելու համար տան կայուն ջերմաստիճանը 40-50 % խոնավության մակարդակի հարաբերության դեպքում պետք է լինի 20-22 ᵒC։ Այս ջերմաստիճանը պահպանելու համար տանը ձեզ կօգնեն օդորակիչներն ու տաքացուցիչները, որոնք կբալանսավորեն օդի խոնավությունն ու չորությունը։ Սրանց զուգընթաց պետք է հաշվի առնել մի հակացուցում։ Չի կարելի փայտե կահույքը շատ մոտ դնել տաքացուցիչների կողքին. գերտաքացումը հնարավոր է ճաքերի պատճառ դառնալ։
.jpg "Ճաշասենյակի կահույք")
2․ Խուսափե՛ք արևի ճառագայթների անմիջական շփումից
Արևի ուլտրամանուշակագույն ճառագայթները կարող են ոչ միայն վնասել, այլ նաև ներսից քայքայել փայտե ճաշասեղանները, լրագրասեղանները։ Չնայած որ վառ երանգավորում են հաղորդում ուլտրամանուշակագույն ճառագայթները կահույքին, այնումենայնիվ դրանք մեծ վնաս են հասցնում՝ գույնի խամրելու ու ճաքերի պատճառ հանդիսանալով:
Ընդհանրապես տեղակայե՛ք ձեր ճաշասեղանը, լրագրասեղանը այնպիսի վայրում, որտեղ համարյա թե չեն հասնում արևի ճառագայթները։ Ամեն դեպքում եթե ձեր տունը արևկող է, ու անխուսափելի են արևի անմիջական ճառագայթները, ապա գերտաքացումից խուսափելու համար փորձե՛ք սենյակում հաճախ փոխել կահույքի տեղը։
3․ Հաճախ սրբե՛ք փոշին բաց մակերեսներից
Հնարավոր է թվա, թե ինչ հասարակ բան ենք ձեզ հիմա ասում, բայց հավատացե՛ք, ամենօր փոշին սրբելով՝ դուք ոչնչացնում եք փոշու մակերեսային շերտերը, որոնք առաջանում են օդում առկա փոշածին մանրէներից։ Միևնույն ժամանակ չեք մոռանում միշտ մաքրել կահույքը չոր կամ խոնավ կտորով, բայց ոչ մի դեպքում թաց։
Փայտե կահույքը նաև հաճախակի թարմացումների կարիք ունի, հատկապես եթե երկար ժամանակ այն եղել է առանց օդափոխման փակ տարածքում։ Խոնավ ու փակ վայրերում երկար մնալուց զգուշացե՛ք բորբոսներից։ Փայտե աթոռներն առօրյայում ամենից շատ օգտագործվող կահույքի տեսակներից են, ու հատկապես դրանք կարիք ունեն մանրակրկիտ մաքրման։ Այդ իսկ պատճառով էլ չենք մոռանում նաև աթոռների սեզոնային մաքրման մասին:
4․ Զե՛րծ մնացեք քիմիական նյութերով մաքրելուց
Դո՞ւք էլ եք փորձել փայլեցման ու լաքապատման քիմիական նյութերով ստանալ կահույքի կատարյալ տեսք։ Դա ընդամենը կարճաժամկետ արդյունք է տալիս, դեռ ավելին ժամանակի ընթացքում կահույքի փայլը ավելի է խամրում ու ավելի շատ միջոցներ եք ստիպված ձեռնարկում նախկին տեսքը հետ բերելու համար։ Քիմիական նյութերի մեծ մասը պարունակում են սիլիկոն, որն սկզբում կահույքին տալիս է հարթ ու շլացուցիչ տեսք, հետո սկսում ավելի արագ կուտակել փոշի։ Խորհուրդ ենք տալիս ընդհանրապես զերծ մնալ սիլիկոնե փայլեցումներից, ալկոհոլ պարունակող նյութերից, փոխարենը կարող եք օգտագործել թույլ խոնավ կտոր կամ բնական հումքից պատրաստված նյութեր։ Այստեղ կրկին պետք է հիշել, որ թաց կտորի հետ շփումից հետո անպայման պետք է չոր կտորով չորացնել մակերեսը։ Մեկ անգամ փոշին սրբելուց հետո անպայման լվացե՛ք կտորը հաջորդ օգտագործման համար։
5. Մի՛ օգտագործեք գունավոր պլաստիկ իրեր
Երբևէ մտածե՞լ էիք, որ գունավոր պլաստիկ իրերը նույնպես իրենց հերթին վնասում են փայտե կահույքը։
Երկար շփման մեջ գտնվելով պլաստիկի հետ գույնը հնարավոր է փոխանցվի կահույքին։ Քանի որ պլաստիկը բավականին արագ է ներծծում օդի խոնավությունն ու չորությունը, այն կարող է փոխանցվել կահույքին։ Դրա համար նախընտրելի է փոխարինե՛ք ապակե իրերով։
Փայտե ճաշասեղանների, լրագրասեղանների, պահարանների խնամքը այնքան էլ ժամանակատար ու հոգնեցուցիչ չէ, երբ գիտակցում եք, որ այն Ձեզ ծառայելու է տարիներ շարունակ, ստիպված չեք լինելու գումար ծախսել ու նորը գնել. չէ՞ որ յուրաքանչյուր կահույք տարիների ընթացքում արդեն դառնում է ընտանիքի մի անդամ, որի հետ կապվում են գեղեցիկ հիշողություններ: