Ներքնակ գնելը տան համար կատարված գնումներից ամենակարևորներից է։ Որակյալ ներքնակը առողջ քնի գրավականն է։ Ճիշտ ներքնակ ընտրելու համար բազմաթիվ գործոններ կան, որոնք հիմա միասին կուսումնասիրենք։
Ինչին ուշադրություն դարձնել ներքնակ գնելիս
Առաջնահերթ ներքնակի գնումը կախված է ձեր քնելու դիրքից, մարմնի ձևից և անձնական նախասիրություններից։ Կարևոր կետերից են նաև արժեքը, հարմարավետությունն ու դիմացկունությունը և այլ գործոններ, ինչպիսիք են մեջքի ցավը, զուգակցի կողմից շուտ արթնանալը կամ խորը քնելը։
Ներքնակների տեսակներ
Հիշողության էֆֆեկտով ու զսպանակներով ներքնակներն ամենահայտնին են այսօր։
Հիշողության էֆֆեկտով ներքնակները հարմարվում են ձեր մարմնի ձևին։ Այն կարծես հիշում է ձեր մարմնի ձևը, ընդունում այն։ Այդպես կարծես ներքնակը գրկի ձեզ։ Այս ներքնակները հատկապես հարմար են՝ կողքի քնողների կամ մեջքի ցավ ունեցողների համար։ Դրանք հարմարվում են ողնաշարի դիրքին և նվազեցնում ուսերի ու կողազդրերի լարվածությունը։ Սրանք նաև ունեն շարժումների բացառման էֆֆեկտ, այսինքն՝ որքան էլ շարժվի կողքի քնողը, դրանից չեք արթնանա։
Ներքևի շերտը ամուր սպունգից է՝ երկար օգտագործման համար, իսկ վերևի շերտը ավելի փափուկ՝ հարմարավետության համար։
Լատեքսային ներքնակներն ունեն ընդհանրություններ հիշողության էֆֆեկտով ներքնակների հետ, բայց ավելի ճկուն են ու խորը չեն գրկում։ Բնական լատեքսը պատրաստվում է կաուչուկատու բույսից և կիրառվում է բնական ներքնակների արտադրության մեջ։ Այս պատճառով էլ լատեքսից ներքնակները լավագույն տարբերակն են՝ էկո ապրելակերպ վարողների համար։ Սրանք ավելի թանկարժեք են, քան հիշողության էֆֆեկտով ներքնակները։
Զսպանակներով ներքնակներ
Այս ներքնակներն արտադրվում են զսպանակներով և ավելի ճկուն են։ Սրանք հարմար են մեջքի ու որովայնի վրա քնողների համար, ովքեր սիրում են քնել հարթ մակերևույթին։ Գնելիս ուշադրություն դարձրեք պարույրների հաստությանն ու քանակին։ Սովորաբար պետք է լինեն 12–15 սմ պարույրներ․ ընդհանուր առմամբ, որքան ավելի բարակ, այնքան ավելի ամուր են ներքնակները։ Քանակը վերաբերում է, թե որքան պարույր կա ներքնակի մեջ։ Օրինակ՝ մեկուկեստեղանի ներքնակը միջինում ունենում է 400 պարույր։ Նախապատվությունը տվեք գրպանաձև պարույրներին, այլ ոչ թե ցանցային։
Հիբրիդային ներքնակներ
Հիբրիդային ներքնակները պարույրների ու լատեքսի համադրությունն է։ Պարույրները դրվում են ներքևում՝ հավելյալ աջակցության համար, իսկ սպունգը վերևում՝ ճնշումին դիմադրելու համար։ Սրանք ավելի ծանր ու թանկարժեք են։
Վերահսկելի ներքնակները
Սրանց առանձնահատկությունն այն է, որ լցվում են օդով և ցանկացած ժամանակ կարելի է փոփոխել ամրությունը։
Ներքնակների չորության աստիճան
Ներքնակները լինում են փափուկ և միջին չորության։ Միջին չորության ներքնակներն ամենատարածվածն են։ Երբ ընտրում եք ներքնակի չորությունը, հարկավոր է հաշվի առնել մի քանի հանգամանք՝ կապված քնելու դիրքի ու մարմնի ձևի հետ։
Ըստ քնի դիրքի․
Կողքի քնել – սա ամենատարածված քնի դիրքն է և հենց այն դիրքը, որ բժիշկները խորհուրդ են տալիս՝ մեջքի ցավից խուսափելու համար։ Այս դեպքում չոր ներքնակներն օգնում են, որ ողնաշարը չծռվի, բայց եթե չորությունը շատ լինի, հավելյալ լարվածություն է լինելու ուսերի ու կողազդրերի հատվածում։
Որովայնի վրա քնողներ – չոր ներքնակները նաև հարմար են որովայնի վրա քնողների համար։
Մեջքի վրա քնողների դեպքում հարմար են միջին չորության ներքնակները։ Եթե այն չափազանց շատ փափուկ կամ չոր լինի, կվնասեք ողնաշարին։
Ըստ մարմնի տեսակների՝
Ծանր քաշի դեպքում նախընտրելի է չոր ներքնակը, քանի որ ավելի շատ քաշ նշանակում է մեծ ճնշում մահճակալի վրա։ Մեծ ճնշումը կստիպի ներքնակին կորանալ ու վնասել ողնաշարը։
Թեթև քաշայինների համար նախընտրելի են փափուկ ներքնակները։
Բացի մարմնի ձևից ու ներքնակի չորությունից, կարևոր է հաշվի առնել այն բոլոր խնդիրները, որոնք ունենում եք քնելու ժամանակ։ Դրանք կարող են լինել ջերմության և շնչելության խնդիրներ։
Ներկառուցված մետաղական կոճակները (ինչպես պղնձը) հաճախ օգտագործվում են սպունգից ներքնակներում՝ գերտաքացումից խուսափելու համար: Մետաղը կարող է օգնել կանխել գերտաքացումը։
Առաջին հպումից սառը նյութեր – երբեմն կարող եք հանդիպել ներքնակների, որոնք առաջին հպումից սառն են, բայց գիշերվա ընթացքում արագ տաքանում են։
Շնչող կոնստրուկցիա – զսպանակներով ու հիբրիդային (ավելի շատ պարույրներ, քան սպունգ) ներքնակներն ունեն լավ օդային ներթափանցում։
Ներքնակի կոնստրուկցիայի առանձնահատկություններ
Շարժման բացառում․ եթե դուք ու ձեր կողակիցը շատ եք շարժվում քնի ժամանակ, իդեալական է ընտրել այն ներքնակը, որի վրա պառկած չեք զգա ոչ մի շարժում։ Այդպիսին են հենց սպունգով ներքնակները։
Մոդուլային չորություն․ եթե դուք ու ձեր կողակիցը ունեք տարբեր նախասիրություններ կապված ներքնակի չորության հետ, առաջարկում ենք ընտրել երկու տարբեր ներքնակներ՝ ըստ ձեր ցանկալի չորության։
Եզրերի աջակցություն․ տարածված բողոքներից մեկն այն է, որ ներքնակի ծայրերը շուտ են նստում։ Սա անհարմար է, հատկապես եթե սիրում եք ծայրին քնել։ Ամբողջությամբ սպունգից ներքնակներն ունեն այս հատկությունը։
Ներքնակի բարձրություն․ սովորաբար ներքնակներն ունենում են 36 սմ բարձրություն, որն ապահովում է ննջասենյակի կահույքի ճոխ տեսք։
Ինչքան կարելի է օգտագործել ներքնակը
Որակյալ ներքնակը նվազագույնը գոնե 8–10 տարի պետք է օգտագործել։ Իհարկե, սա հարաբերական է։ Ուշադի՛ր եղեք, թե ներքնակը ձեզ ինչ նախազգուշացումներ է տալիս։