Երբևէ՞ ընկերներով վիճել եք, թե ով պիտի քնի բացվող բազմոցին հյուրասենյակում։
Իհարկե, ոչ մեկը չէր ցանկանա, որովհետև ներքնակն ավելի կոշտ էր ու անհարմար։ Բարեբախտաբար, ամենինչ հիմա փոխվել է։
Բացվող բազմոցի կամ բազմոց-մահճակալի գաղափարը նոր չէ, այն դեռևս օգտագործվել է Հին Եգիպտոսում Թութանհամոն փարավոնի օրոք մոտ ք․ա․ 14-րդ դարում։
Ժամանակակից բացվող բազմոցը կիրառության մեջ է մտել հենց 1899թ․ ամերիկացի Լեոնարդ Բեյլիի նախագծով։Նրա նպատակն էր ստեղծել բազմոց, որն ավելի հեշտ է տեղափոխել, և այն դարձավ հայտնի հենց արշավախմբերի համար։
Բազմոցի մյուս հայտնի դիզայնն արվել է Ուիլիամ Լոուրենս Մարֆիի կողմից։ Նախատեսված էր պատերազմի շրջանում հանրությանը տրամադրել բազմոց, որը նաև մահճակալի է վերածվում տարածք ու գումար խնայելու համար։
Բացվող բազմոցն ունի մի շարք առավելություններ, որոնց հիմա կանդրադառնանք։ Նրանք հատկապես շատ օգտակար են փոքր հյուրասենյակներում կամ եթե հաճախ եք գիշերակացով հյուրեր ընդունում։
Խնայում է տարածք
Տարածք խնայելը հենց այն գլխավոր պատճառներից է, որը ստիպում է շատերին նախընտրել բացվող բազմոց։ Սրանք փոքր սենյակներին ավելի կոկիկ ու դասավորված տեսք են տալիս, միաժամանակ ապահովելով նաև գիշերային լավ քունը։ Ծալելով քնատեղը՝ բազմոցը բավականին պրակտիկ է առօրյա գործերը կատարելու համար։ Բացվող բազմոց կարող եք ձեռք բերել նույնիսկ աշխատասենյակի համար, եթե օրվա մեծ մասը այստեղ եք անցկացնում։
Գնելիս ուշադի՛ր եղեք, որ
Հեշտ բացվի ու փակվի։
Քնատեղի մեխանիզմը չունենա սուր ծայրեր սպիտակեղենը չվնասելու համար։
Ashley Homestore կահույքի սրահներում բացվող բազմոցներ կարող եք ձեռք բերել հենց իրենց օրթոպեդիկ ներքնակներով։ Քնատեղի գլխամասի մեխանիզմը հարմար է կառավարել այնպես, որ առավոտյան երբեք գլխացավով չարթնանաք։
Հետաքրքիր տարբերակներ բազմոցին ճոխություն հաղորդելու համար
Մինչ այժմ խոսել ենք բացվող բազմոցների հարմարավետ լինելու մասին, բայց դրանք նաև հոյակապ ոճային կահույքի կտոր կարող են ծառայել հյուրասենյակում, ննջասենյակում կամ էլ աշխատասենյակում։ Ահա մի քանի հնարքներ, թե ինչպես ապահովել բարձրաճաշակ ու ճոխ տեսք։
1․ Օգտագործե՛ք մի քանի ծածկոցներ բազմոցին շերտավորված տեսք ստանալու համար։ Այդպես նաև հյուրերին հարմար է վերցնելու այնքան ծածկոց, որքան իրենց անհրաժեշտ է լավ քնելու համար։
2․ Չմոռանաք շատ բարձերի մասին։ Ավելացրե՛ք 5-6 բարձ 5-աստղանի հյուրանոցային արդյունք ստանալու համար։ Բոլորը կերազեն հենց ձեր բազմոցին հանգստանալու համար։
3․ Համոզվե՛ք, որ քնի ընթացքում բոլոր անհրաժեշտ պարագաները բազմոցի կողքին են, օրինակ՝ նորմալ բարձրության կողասեղան կամ պուֆ, ճիշտ բարձրությամբ լուսամփոփ, մի բաժակ ջուր։