Առաջին համաշխարհային պատերազմից հետո արթ դեկո ոճը ծնվեց որպես հանրության՝ սիրո, գեղեցիկի, շքեղության ու ճոխության մեջ ապրելու ցանկության արդյունքում։ . Արթ դեկո ոճը մեծ հայտնիություն ձեռք բերեց Եվրոպայում ու Ամերիկայում 1920-40-ական թթ․։
Ոճը բավականին հակադարձային էֆֆեկտ է ստեղծում, եթե համեմատենք իր հաջորդի մինիմալիզմի կամ դարամիջյան մոդեռնիզմի հետ։ Արթ դեկոն իրոք հեղափոխություն իրականացրեց՝ գոյությունը պահպանելով ավելի քան 30 տարի։ Ոճը ներկայացնում է ինդուստրիալ ու մոդեռնիզմ ժամանակաշրջանների միաձուլումը։
Այսօր էլ արթ դեկո ոճն ինտերիեր դիզայնում մնում է դեռևս ամենասիրելիներից։ Կարելի է տեսնել արթ դեկոի առանձնահատկություններ նույնիսկ վինտաժ կահույքի ու ինտերիեր աքսեսուարների վրա։ Արթ դեկոն շքեղության ոճն է, որը փափագում է բոլորի ուշադրությունը։
Ոճի ճշգրիտ արմատները դժվար է կռահել, բայց ֆրանսերենից թարգմանաբար նշանակում է դեկորատիվ արվեստ։Այն ավանդական ու մոդեռն էլեմենտների հետաքրքիր միքս է։ Շքեղություն, փայլ ու հարստություն․ ահա, թե ինչպես կարելի է նկարագրել արթ դեկո ոճը։ Եթե այսօր ուշադիր զննեք արթ դեկո ոճով կահավորված ինտերիերները, կտեսնեք, որ դրանք նման են 20-ական թթ․ հոլիվուդյան տների ներքին հարդարմանը։
Արթ դեկոյում տարածված նյութերը մարմնավորում են ճոխություն ու փայլ։ Օրինակ՝ ոսկե դետալներով կահույքն ու ինտերիեր աքսեսուարները միշտ առաջնային դեր են կատարել այս ոճում։
Արթ դեկո ոճում միշտ նշմարվում է ինդուստրիալ ու տեխնոլոգիական ժամանակաշրջանների առաջադեմ շունչը, որը լիովին փոխեց Եվրոպան ու Ամերիկան այնպիսի դիզայներական լուծումներով, ինչպիսիք են ուղիղ կտրվածքները, երկրաչափական ու անկյունային գծերը, որոնք խորհրդանշում են համարձակություն ու վստահություն։ Արթ դեկո ոճին ճանաչելու համար ամենահեշտ տարբերակն է լայնածավալ կորերը, շևրոնային, աստիճանավոր, զիգզագաձև, եռանկյունաձև, կենդանակերպ ձևերը։
Եթե կտրուկ փոփոխությունների սիրահար եք, ապա այս ոճը հենց ձեզ համար է։ Այս ոճում գույները զանազանվում են բաց դեղինից, կանաչից, կարմիրից, կապույտից, վարդագույնից մինչև մաքուր սև։
Այս ոճում որոշիչ հատկություններից է կահույքի խոշոր չափսերը առանց դետալիզավորված տեսքի։ Կահույքը (պահարաններ, ճաշասեղաններ, մահճակալներ) ընդգծված է խրոմի կամ ոսկե դետալներով։ Մեծ կիսասեղաններն ու կողասեղանները խոշոր բազկաթոռների հետ համադրությամբ ստեղծում են իդեալական արթ դեկո միջավայր։ Արթ դեկո ոճում կահույքն առանձնանում է սիմմետրիկ ու ուղիղ եզրագծերով։
Ashley Homestore ամերիկյան կահույքի սրահներում արթ դեկո ոճն է ներկայացնում Homely ամերիկյան կահույքի ապրանքանիշը։