Երբ հերթը հասնում է նվեր ստանալուն, բոլորս ցանկանում ենք, որ այն լինի գեղեցիկ ու պրակտիկ։ Զգուշորեն ընտրված սպիտակեղենին ու սրբիչներին ոչինչ զիջել չի կարող, բայց քանի որ սրանք համարվում են նաև անձնական հիգիենայի իրեր, կխոսենք, թե ինչպես և երբ կարող եք նվիրել։
Գրեթե ցանկացած առիթի դեպքում սպիտակեղենն ու սրբիչներն իդեալական նվերներ են հատկապես նորապսակների համար, որոնք սկսում են նոր կյանք միասին։ Մեծ սրբիչներն ու սպիտակեղենը հարմար նվերի տարբերակ են նոր ավարտած ուսանողների համար։ Այսպիսի նվեր ընտրելը նաև խորհրդանշում է ձեր մտերմությունն ու սրտացավությունը արտահայտելու համար։
Այնուամենայնիվ, հատկապես սրբիչների դեպքում գոյություն ունի հատուկ առիթ։ Սրբիչները հյուսված են թելերից, և նվիրել սրբիչ նշանակում է մաղթել, որ ունենաք նրա հետ երկար հարաբերություններ։
Սրբիչների հիմնական նպատակը չորացնելն ու մաքրելն է, հետևաբար դրանց որպես նվեր ընտրելը կապվում է կյանքում ավելորդ իրերից, անցանկալիից ու ոչ պետքականից ազատվելու հնարավորության հետ։
Սրբիչ կարող եք նվիրել նորածին երեխայի ծննդյան կապակցությամբ։ Այն խորհրդանշում է ուժեղ կապ, և նաև բավականին պրակտիկ նվերի տարբերակ է։
Սրբիչները նաև լավ նվերի տարբերակ են ընտանիքի համար տոների ժամանակ։ Ծղոտե զամբյուղի մեջ դասավորեք ձեռքի, թեյի ու լոգանքի սրբիչները, կապեք գեղեցիկ ժապավենով և պատրաստ է ձեր նվերը։
Սրբիչներ կարող եք նվիրել նաև նրանց, ովքեր ակտիվ զբաղվում են ճանապարհորդությամբ կամ սպորտով։ Եթե ձեր բարեկամը կամ ընկերը նոր բնակարան է ձեռք բերել, հրավիրել է ձեզ իր բնակարանամուտին, որպես նվեր կարող եք գնել հենց սրբիչներ։
Լողափի կամ լոգանքի սրբիչները հարմար են նվիրել ամռանը
Ի՞նչն է լոգանքի սրբիչին դարձնում այդքան հատուկ։ Չե՞ք սիրում, երբ լողափում ցանկանում եք չորացնել ձեր մարմինը ու բացահայտում, որ սրբիչը ամբողջովին ավազոտ է։ Տհաճ է։ Որակյալ սրբիչները պետք է լինեն ավազակայուն։ Այս փաստը կհավանեն լողափ այցելողները ու արշավի գնացողները։
Մյուս կարևոր հատկանիշն այն է, որ պետք է ավելի հարթ ու բարակ լինեն, քան բամբակյա սրբիչները, որ արագ չորացնեն։
Խոհանոցային սրբիչների նվիրելու լավագույն առիթները բնակարանամուտերն են
Բնակարանամուտի գնալիս նույնպես կանգնում ենք դժվար խնդրի առջև․ ինչ նվիրել։ Շատ հաճախ հենց ընտրել եք անձնական օգտագործման իրեր։
Հատկապես կանայք կհասկանան որակյալ սրբիչների կարևորությունը խոհանոցում։ Ինչքան էլ ունենաք, միշտ նոր սրբիչի կարիք ունենում եք հատկապես հավաքույթների ժամանակ։
Կարելի է ասեղնագործել սրբիչների վրա հետաքրքիր կամ ծիծաղաշարժ պատկերներ, և նվերն ավելի հաճելի ու հիշվող կդառնա։
Յուրաքանչյուր տանտիկին տանը ունի գոնե հավելյալ 3-4 սրբիչներ հնարավոր հյուրերի համար։ Եթե նվիրեք ավելի շքեղ ու ճոխ տեսք ունեցող սրբիչներ, կթեթևացնեք նաև տանտիկնոջ հոգսը հյուրերին լավ դիմավորելու հարցում։
Ե՞րբ չնվիրել սրբիչներ
Փափուկ սրբիչները միշտ հաճելի են, բայց կան 2 առիթներ, որոնց դեպքում չարժի նվիրել սրբիչ։
Եթե նորապսակ զույգին նվիրելու եք սրբիչ, նախապատվությունը տվեք գունավորներին։ Որոշ մշակույթներում սպիտակ կտորով ծածկում են մահացած մարդու դեմքը, և այն այնքան էլ լավ նշան չի նոր կազմավորված ընտանիքի համար։
Փոքր սրբիչ կամ այլ կտոր, ինչպես օրինակ թաշկինակ նվիրելը նշանակում է, որ ստացողը պետք է ավելի լավ աշխատի ու բարելավի հմտությունները։ Այսպիսով, վերադասին սրբիչ նվիրել կնշանակի թերագնահատել նրա աշխատանքը և մաղթել, որ ավելի լավ աշխատի։
Սրբիչ նվիրելը օգտակար է բազում առիթների ժամանակ, ինչպես բնակարանամուտների, տարեդարձների, երեխայի ծնվելու, երեխայի սեռի բացահայտման հավաքույթների կապակցությամբ և այլն։ Կախված նրանից, թե ում եք նվիրելու, կարելի է փոփոխություններ իրականացնել տեսքի հետ և անձնավորել։