6 պահարաններ, որոնք կօգնեն ճիշտ օգտագործել տարածքը ըստ ԿոնՄարի մեթոդի

Ամերիկյան ինտերիեր դիզայնում  տարածված են հայելիով պահարանների ու դարակաշարերի կիրառումը մեծ զգեստապահարանների փոխարեն, որոնք խնայում են և՛տարածք, և՛ տարողունակ են իրերը խնամքով դասավորելու համար։ Ընդհանրապես, դարակաշարերն ու հայելիով պահարանները & ի հայտ են եկել դեռևս 17-րդ դարում Նիկոլայ Դիսբլոուի ու նրա անգլիացի ընկերների կողմից։ Քանի որ նոր էին տեղափոխվում Ամերիկա, ու խնդիրներ էին առաջանում իրենց  կահույքի տեղափոխման հետ կապված, նրանք սկսեցին պատրաստել պահարաններ ու դարակաշարեր, որոնք կտեղավորվեն նոր տան փոքր սենյակներում, բայց նաև կունենան տարողունակ պահոցներ իրերը պահելու համար։

Խնայողաբար տարածքն օգտագործելու խնդիրը տարիներ շարունակ միշտ եղել է բոլորի ուշադրության կենտրոնում և ժամանակի ընթացքում բազում մեթոդներ են առաջարկվել, որոնցից ամենահայտնին, որ գրավել է աշխարհի ուշադրությունը ճապոնացի ինտերիեր խորհրդատու, հեղինակ ու հաղորդավար Մարի Կոնդոի մեթոդներն են, որոնք ձեռք են բերել նաև ԿոնՄարի անվանումը։

Համաձայն ԿոնՄարի մեթոդների՝ տան մաքրությունն ու կոկիկությունը արդյունավետ իրականացնելու համար հարկավոր է հետևել այս քայլերին`

• Ժամանակ հատկացրեք մաքրությանը։
• Պատկերացրեք ձեր իդեալական տան ինտերիերը։
• Դասավորեք իրերը դասակարգերով, ոչ թե տեղանքով։
• Առանց խղճի խայթի ազատվեք այն ամենից, ինչը խանգարում է ձեզ սենյակում։
• Հետևեք կանոններին և ինքներդ ձեզ հարցրեք, թե արդյոք այդ ամենը երջանկացնում է։ 

Մարի Կոնդոյի մեթոդների նպատակն է շուրջը ստեղծել այնպիսի միջավայր,որտեղ յուրաքանչյուր իր բերում է ներդաշնակություն։ Եթե այն իրը, որը պահում եք ձեր ձեռքերում, չի արթնացնում հաճելի զգացմունքներ, ուրեմն պետք է դրանից ազատվել։ Երկրորդ կարևոր սկզբունքը տարածքի խնայողաբար օգտագործումն է։

ԿոնՄարի մեթոդի առավելություններն են՝

1. Օգնում է ընդմիշտ կարգի բերել տունը։ Մարի Կոնդոն կարծում է, որ մեկ անգամ ամբողջովին իրականացնելով տան մաքրությունը միանգամից կարող եք ազատվել ոչ անհրաժեշտից,որ հետո ժամանակ ու ջանք չծախսեք անընդհատ կարգուկանոն պահպանելու համար։
2. Օգնում է դասավորել իրերը ըստ իրենց նախանշված տեղերի, որտեղից ավելի հեշտ է հետագայում գտնել
3. Իրերը դասավորվում են խիստ կարգուկանոնով՝ ըստ պատկանելիության, օրինակ՝ սպիտակեղենը սպիտակեղենի հետ,գրքերը գրքերի հետ, փաստաթղթերը փաստաթղթերի հետ։
4. Ցանկացած իր հեշտ է գտնել առանց սարեր շուռ տալու։
5. Արագ նկատում եք, թե ինչից որքան ունեք և դա օգնում է ձեզ զերծ մնալ ինքնաբուխ գնումներից։

Մենք առանձնացրել ենք 6 տարբեր ոճերի պահարաններ՝ տարողունակ պահոցներով, բաց ու փակ դարակներով, որոնք,համաձայն Մարի Կոնդոի մեթոդի, կօգնեն իրերը դասավորել օպտիմալ կերպով։ Անցնենք գործի և բացահայտենք պահարանների առավելությունները։

1․ Starmore դարակաշար լոֆթ ոճում

Հոլիվուդյան ֆիլմերում նկատած կլինեք, թե ինչպես են ձեղնահարկերից ստանում այնպիսի ֆունկցիոնալ ինտերիեր, որ երբեք չէիք մտածի՝ նման տարածքը կարող է երբևէ ծառայել որպես կեցավայր։ Հենց այդ նյույորքյան ձեղնահարկերի ոճն էլ ստացել է լոֆթ անվանումը։Լոֆթ ոճին բնորոշ են բաց դարակներով, մետաղական լուծումներով պահարաններ, որ ոչ միայն ծառայում են որպես պահոց, այլ նաև կարելի է, օրինակ, հյուրասենյակային զոնան բաժանել միջանցքից կամ խոհանոցից։ Starmore պահարանը հենց այդպիսիներից է։ Այն մշակված է մշկընկույզի յուղով, որն էլ հաղորդում է յուրատեսակ փայլ։

2․ Hamlyn գրքի պահարան ժամանակակից դասական ոճում

Այս պահարանը պետք է, որ ձեր ամենասիրելիներից դառնա։ Եվրոպական ազդեցությամբ պահարանը հիշեցնում է 19-րդ դարից ոգեշնչված ինտերիեր։ Հագեցած շագանակագույն երանգն ու ձեռքով մշակված նախշերը ցանկացած սենյակի բարձրաճաշակ տեսքն են ապահովում։ Այն ներկայացված է երկու տարբերակով՝ բաց և փակ պահոցներով։ Դասական ոճի սիրահարների համար պահարանը իդեալական ինտերիերային լրացում է։

Դասական ոճը սկզբնավորվել է 17-18-րդ դարերում, այն համարվում էր շքեղ ու հարուստ ամրոցների ու դղյակների ոճ։ Ժամանակակից դասականի հիմքում ընկած են ռոկոկո, բարոկկո ոճերը և դիզայներական նորարարական ու առօրեայում կիրառելի լուծումները։ Կլասիցիզմը տարբերվում է ինտերիերում կահույքի ու ինտերիեր աքսեսուարների սիմմետրիկությամբ։ Կենտրոնացված համալիր ստեղծելը առանցքային հատկանիշներից է, այսինքն՝ դասականում ամենինչ ձևավորվում է կենտրոնից։ Դասականը խիստ է աքսեսուարների ընտրության ու իրերի պրակտիկ օգտագործման հարցում։ Այստեղ կարևորվում է յուրաքանչյուր դետալի կատարած գործառույթը։

3․ Bolanburg հեռուստացույցի տակդիր պահարան ամերիկյան քանթրի ոճում

Չե՞ք կողմնորոշվում, թե որ ոճի պահարան ընտրեք, բայց մի բան հաստատ գիտեք, որ այն պետք է լինի պաստելային գույներով, ուրեմն խորհուրդ ենք տալիս ընտրել Bolanburg հավաքածուից։  Bolanburg պահարանը ունի 4 ներդիր ապակիներով պահոցներ, որոնք աչքի են ընկնում իրենց դիմային խաչաձև նախշերով։ Պահարանը ունի նաև ետնամասում անցքեր հեռուստացույցի լարերը կոկիկ պահելու համար։ Bolanburg պահարանը ամերիկյան քանթրի ոճի վառ ներկայացուցիչ է։

Քանթրի ոճը գոյություն է ունեցել  մարդկության պատմության ամբողջ ընթացքում, իսկ որպես առանձին դիզայներական ուղղություն ձևավորվել է անցյալ դարի 70-ական թթ․ներին ԱՄՆ-ում։ Քանթրի ոճը ընդգծվում է դիզայնի պարզությամբ ու ֆունկցիոնալությամբ։ Քանթրի ոճը աչքի է ընկնում ինտերիեր աքսեսուարների զանազանությամբ։ Յուրաքանչյուր երկիր ներդնում է իր ազգային հատկանիշները քանթրի ոճում, այնուամենայնիվ, կան գծեր, որոնք ընդհանուր են բոլորի համար, օրինակ՝ բնական նյութեր ու բույսեր, հնեցված փայտամշակումով կահույք, բուխարի, փայտե պատեր ու հատակ, մակրամե, ճենապակե կամ կավե աքսեսուարներ՝ սպասք, արձանիկներ, ծաղկամաններ և այլն։ Այսպիսով՝ եթե ցանկանում եք լրացնել ձեր տունը իսկական հարմարավետությամբ ու ջերմությամբ և պարզությամբ, ուրեմն ընտրությունը մեկն է՝ քանթրի ոճ։

4․ Todoe հեռուստացույցի տակդիր պահարան բրուտալ ոճում

Բրուտալ ոճի սիրահա՞ր եք, ձեզ համար կահույքի մասիվությունը հարմարավետության նշան է, ուրեմն ընտրության վերջնական որոշումը լինելու է Todoe հավաքածուից պահարանը։ Պահոցները այնքան շատ են ու տարողունակ, որ իրերը կոկիկ դասավորելու խնդիր չեք ունենա։ Այն  ունի հնեցված փայտամշակում, որն էլ մետաղական դետալների զուգորդությամբ լոֆթ ոճի ինտերիեր ստանալու կատարյալ լուծումներից մեկն է։

Բրուտալ ոճը  լոֆթի տարատեսակ է, որի հայրենիքը համարվում է Մեծ Բրիտանիան։ Հիմնադիրներն են Էլիսոն ու Փիթեր Սմիթսոնները,ովքեր էլ որ հնարել են béton brut եզրույթը։ Այն ունի ֆրանսիական ծագում և նշանակում է չմշակված բետոն։ Բրուտալ ոճի հիմնական հատկանիշը ուրբանիստական տեսքի ապահովումն է ինտերիերում։ Այն ենթադրում է ինտերիերում կոպիտ ու կոշտ նյութերի, բարդ կոնստրուկցիաների կիրառում և բացառում է ավելորդ դետալներն ու աքսեսուարները։ Բրուտալ ոճում օգտագործվում է այն, ինչ խիստ անհրաժեշտ է ապրելու որակը բարելավելու համար։

5․ Danell Ridge և Wystfield հեռուստացույցի տակդիր պահարաններ ամերիկյան քանթրի ոճում

Վերևում արդեն խոսեցինք, որ քանթրի ոճով ինտերիերը հարուստ է բազում աքսեսուարներով ու տեքստուրային իրերով։ Ձեր հեռուստացույցի համար մեկ այլ որակյալ տակդիր պահարանի տարբերակ են նաև Danell Ridgeև Wystfield-ը, որոնք Ashley Homestore կահույքի ու ինտերիեր աքսեսուարների սրահներում  ներակայացված են երեք չափսերով՝հարմար ցանկացած սենյակի համար։ Պահարանների ցանցավոր դետալը հյուրասենյակին հաղորդում է ամերիկյան քանթրի ոճին բնորոշ հատկություն։

6․ Հայելիով պահարաններ

Ամերիկյան ննջասենյակներում հաճախ կարելի է հանդիպել մահճակալի հավաքածու, որը բաղկացած է երկտեղ կամ մեկուկեստեղանի մահճակալից, կողապահարանից և հայելիով պահարանից, որը գրեթե ոչնչով չի զիջում ավանդական զգեստապահարաններին իր տարողունակ պահոցների շնորհիվ։ Պահոցները բավականին տարողունակ ու թավշեպատ են։ Դրանք կարող են կիրառվել, ինչպես ննջասենյակի ինտերիերում, այնպես էլ միջանցքներում կամ նույնիսկ հյուրասենյակներում։