Եղանակային փոփոխություններն արդեն
սկսվել են, ինչը նշանակում է, որ տանը նույնպես կարելի է թեթևակի դիզայներական փոփոխություններ
կատարել, քանի որ շուտով տաք օրերին փոխարինելու կգան ցուրտ օրերը։ Հենց այդ ցուրտ
օրերին է ցանկություն առաջանում փաթաթվել վերմակով մի գավաթ տաք սուրճը կամ թեյը ձեռքերում
թերթել սիրելի գրքի էջերը կամ ֆիլմ դիտել։
Ինչպես կռահեցիք, խոսելու ենք 2021
թվականի ինտերիեր դիզայնում աշնան ամենահայտնի 7 տրենդներից։
1․ Կաղնուց պատրաստված կահույք,
Կաղնու փայտատեսակը ոչ միայն ամենանախընտրելին է բոլոր փայտատեսակներից
հատակի համար, այլ նաև հենց ներքին կահավորման դեպքում։ Կաղնու փայտատեսակից պատրաստված
ճաշասեղաններով և այլ կահույքով կահավորված սենյակները խոսում են տան տիրոջ սոցիալական
բարձր հեղինակության մասին։ Իսկ ո՞վ չի ուզում տպավորել շրջապատին։
Փորձեք համադրել կաղնու փայտը ինդուստրիալ դիզայներական լուծումով դեկորների հետ, և կստանաք ներդաշնակ քանթրի միջավայր։ Եթե ցանկանում եք սենյակին ավելի շատ տեքստուրա ավելացնել, կարող եք սկսել հատակի փայտե շարային դիզայնից։
2․ Ակցենտային ծաղկամաններ
Ինքնատիպ նախշերով ծաղկամանները, որոնք
հիշեցնում են կնոջ կազմվածք, այս աշնանը բավականին տրենդային են, եթե իհարկե մուգ կանաչ
ու այլ վառ գույների մեջ են։
3․ Շարժական կահույք
Այս տրենդի հիմնական գաղափարը նրանում
է, որ տանը պահպանել մաքսիմալ հարմարավետություն, բայց միևնույն ժամանակ չկորցնել մոդեռն
յուրահատկությունը։
Օրինակ՝ բարձրացող մեխանիզմով սեղանները, ռեկլայներները, փոքրիկ սայլակները, անիվներով սուրճի սեղանները այն էլեմենտներից են, որոնք և՛ ոճային, և՛ ֆունկցիոնալ են։
4․ Բիոֆիլիկ դիզայն
Հանրությունը ի ծնե ունի կենսաբանական
կապ բնության հետ։ Այդ պատճառով էլ այսօր զգալիորեն կարևորվում է տան բնության օրենքներով
կահավորելը։ 1987 թվականին կենսաբան ու գրող Էդվարդ Ուիլսոնը առաջ է քաշել ինտերիերում
մի փիլիսոփայություն, որը հետագայում ստացել է բիոֆիլիկ դիզայն անվանումը։ Հիմնական
գաղափարը՝ բարելավել մարդկանց կյանքի որակը՝ստեղծելով այնպիսի տարածք տանը, որը հիշեցնում
է բնություն։
Հատկապես ցուրտ եղանակին մենք կարիք
ունենք մի փոքր բնության ու կանաչի, որը կարծես թե հանգստացնում է մեզ ներքուստ և սենյակում
ստեղծում ներդաշնակություն։
Կարող եք լրացնել սենյակը բնության պրինտ ունեցող նկարներով, դեկորներով, ծաղկամաններով, բնական տեքստուրայով լուսամփոփներով։
5․ Մարմար
Մարմարը միշտ էլ աչքի է ընկնում իր
շքեղությամբ։ Սենյակում մարմարե էլեմենտներ կարող են ունենալ ոչ միայն ճաշասեղանները,
այլ նաև լուսամփոփները, հատակի լուսատուները, ծաղկամանները, և այլն։ Եթե մոդեռն շքեղություն
ենք փնտրում, ապա մարմարե իրերը ձեր ինտերիերի անբաժան մասը պետք է կազմեն։
6․ Վանդակներ, գծեր ու ամենատարբեր նախշեր
Այն բոլոր վերմակները, պլեդերը, գորգերը,
որոնք ունեն ուղիղ գծեր, վանդակավոր նախշեր, 2021 թվականի աշնան ամենամեծ տարածում
ունեցող տրենդն են համարվում։
Ակցենտային բազկաթոռները կարող են հոյակապ
համադրվել ձեր ինտերիերում, և ստեղծել ջերմ մթնոլորտ իրենց տարբերվող գույնի ու դիզայնի
շնորհիվ։
Նմանատիպ գծերը պատերի պաստառներին նույնպես ոճային ու առաձնահատուկ են դարձնում։ Ի դեպ, պատերի պաստառները վերադառնում են նորաձևություն։
7․ Տեքստուրային ցանկացած բան
Զգայական դեկորները, կահույքը և այն
ամենը, ինչին դիպչելիս մեծ բավականություն կարող եք ստանալ, նույնպես տրենդային են
այս աշնանը։ Օրինակ՝ փափուկ գործվածքով գորգեր ծփքերով, պլեդերը, որոնք ցանկացած սենյակը
կվերածեն գողտրիկ անկյան, նույնպես մեծ համբավ են այս աշնանը վայելում։
Ընդհանուր առմամբ, 2021 թվականի աշնանը
առաջին հորիզոնականում են ամենավառ գույներով ակցենտային դեկորներն ու տարբերվող դիզայնով
կահույքը, որը ի հակադրություն դրսի ցրտաշունչ եղանակին՝ ձեր տուն կբերի ջերմություն
ու տաքություն։