Հատակի համար գորգ գնելն ավելի ռեսուրսատար է, քան պատի համար որևէ դեկորացիա ընտրելը, քանի որ գորգ գնելիս հաշվի են առնվում մի շարք կարևոր գործոններ, որոնցից մեկն էլ սենյակի ակտիվ ու պասիվ ելումուտն է։
Գորգերը ոչ միայն պետք է ոճային կողմով համապատասխան լինեն սենյակին, այլ նաև շուտ չմաշվեն ու հեշտ մաքրվեն։ Գնել գորգ, նշանակում է հաշվի առնել գորգի տեսակը, նյութը, չափսը, դիզայնը և այլն։
Ինչու գնել գորգ։
Երբեմն տան համար նախընտրում
են մեծ կարպետներ, որոնք միանգամից ծածկում են ամբողջ հատակը՝ կարծելով այդպես ավելի
հարմար է ու բյուջետային։ Եկեք հասկանանք, ինչու ընտրել հենց գորգեր՝ կարպետների փոխարեն։
·
Գորգերը
ավելի հեշտ է մաքրել, երբեմն նույնիսկ հնարավոր է լվացքի մեքենայով
·
Ավելի
քիչ ժամանակ ու ռեսուրս կծախսվի գորգը հատակին փռելու համար, քան կարպետների դեպքում
·
Ավելի
հեշտ կարելի է փոփոխել սենյակում դիրքն ու տեղը
·
Հավաքել
իրար սենյակի ամբողջ պատկերը
·
Ավելի
փափուկ ու տաք է, հատկապես ձմռանը
·
Կլանում
է մեծ սենյակներում արձագանքը
·
Երեխաների
համար հատակին փափուկ ծածկույթ են ապահովում
Գորգի տեսակներ, որ բոլորը պետք է ունենան
Հատակի գորգ ընտրելիս
կարևոր է ոչ միայն հաշվի առնել նյութն ու ոճը, այլ նաև չափսը։ ՆՆջասենյակներում, հյուրասենյակներում
ու ճաշասենյակներում գորգերը սովորաբար ծածկում են հիմնական կահույքի ամբողջ տարածքը
կամ առջևի ոտքերը։
Եթե տեսնում եք, որ չեք կարողանում գտնել համապատասխան չափսի գորգ, ապա կարող եք նախապատվությունը տալ ուղեգորգներին և կտրել այն չափսով, որը որ կտեղավորվի ձեր սենյակում։
Հատակի գորգեր, թե ակցենտային գորգեր
Այս երկուսի միջև ամենամեծ
տարբերությունը դրանց չափսն է։ Հատակի գորգերը հաճախ կոչվում են նաև սենյակային գորգեր,
որոնք միտված են ծածկելու ամբողջ հատակը։ Ակցենտային գորգերը նախատեսված են փոքր սենյակների
համար լրացնելու ինտերիերը հետաքրքիր գունային
ու ոճային շեշտադրումով։ Սովորաբար մեծ սենյակային գորգերը ընտրվում են որպես հիմնական
ծածկ հատակին, իսկ ակցենտային գորգերով փորձում են ստանալ շերտավորման էֆֆեկտ։
Ինչ տեսակի գորգ ընտրել հյուրասենյակի համար։
Հյուրասենյակներում մեծ մասամբ ընտրում են գորգեր առանց ակցենտային նախշերի ու գույների, որը կարծես հավաքում է ամբողջ ինտերիերը։ Մեծ սենյակային գորգերը լավագույնն են հյուրասենյակում՝ լցնելով այն ջերմությամբ ու հարմարավետությամբ։ Հատակի գորգավորման տեխնիկայի հիմնական կոնցեպտը նրանում է, որ թողնել կամ կահույքի գոնե առջևի ոտքերը դիպչեն հատակին կամ ընդհանրապես չդիպչեն։ Ակցենտային գորգերի հետ ավելի ստեղծագործ կարելի է լինել ու գրավել ուշադրություն։
Գորգերի ամենահայտնի նյութերը
Բուրդը հեշտ մաքրվող
ու դիմացկուն նյութ է։ Ակնհայտորեն այն նաև ամենաթանկ տարբերակներից է, բայց ոչ պարտադիր
ննջասենյակների համար, որտեղ խավն ավելի շուտ կնստի, քան հյուրասենյակներում։ Բամբակե
գորգերը նույնպես ավելի դիմացկուն են, հեշտ են լվացվում, բայց գույներն արագ են խունանում։
Սրանք նախընտրելի են ննջասենյակների ու մանկական սենյակների համար։ Ջութից գորգերն
ավելի հեշտ է մաքրել։ Ջութից գորգերը հարմար են նաև բացօթյա տարածքների, պատշգամբների
համար։ Մետաքսյա գործվածքով գորգերը ամենափափուկն են և ունեն անհամեմատելի փայլ։ Սրանք
քիչ ելումուտ ունեցող սենյակների համար են։ Եվ վերջապես սինթետիկ նյութերն ամենահասանելին
են ու ամենահեշտ լվացվողները։ Հաշվի առեք նրանց մեծ ելումուտ ունեցող սենյակների համար,
հատկապես խոհանոցներում, որտեղ անխուսափելի են թափվող հեղուկները։
Գորգերի շերտավորման դիզայն
Փորձեք զուգադրել վառ
գույներով ակցենտային գորգը ավելի չեզոք գույներով ու նախշերով մեծ գորգի հետ վիզուալ
ավելի հետաքրքրիր դարձնելու համար։ Շերտավորան մյուս հետաքրքիր տարբերակներից է գորգի
վրա փռել կենդանու մորթուց տարբերակ։ Այս տեսակի գորգերը տակացու չունեն և նախընտրելի
է դրանց փռել մեկ այլ գորգի վրա, այլապես կսայթաքեն վրան քայլելիս։
Մուտքի համար գորգեր
Հենց տուն մտնելիս
հյուրերի վրա տպավորություն թողնելու համար անհրաժեշտ է ընտրել գրավիչ գորգեր։ Սա հենց
այն վայրն է, որտեղի համար կարելի է շուտ–շուտ փոփոխել գորգերը, ինչպես որ թրենդներն
են թելադրում։ Փոքր միջանցքներում հարմար են ուղեգորգները, որոնք կարծես թե մուտքից
ուղեկցում են մյուս սենյակ, իսկ մեծ միջանցքներում ավելի նախընտրելի են մեծ գորգերը
տարածականության էֆֆեկտ ստանալու համար։
Գտեք ձեր տանը համապատասխան
գորգ Ashley Homesore-ի մեծ տեսականուց։ Բացահայտեք ձեր ոճը մեր ոճային բազմազանությունից։