Ինչ նվիրել սիրելի կնոջը Ամանորին

Նվերներ ստանալն ու նվիրելը միշտ հաճելի է։ Ամանորը տարվա ամենասպասված ժամանակն է կախարդական հրաշքի զգացողություն ապրելու համար։ Ի տարբերություն լուրջ ու զուսպ բնավորւթյան տեր սեռից՝ գեղեցիկ սեռի ներկայացուցիչները զգացմունքային են։ Մի փոքր ուշադրությունն էլ կարող է դարձնել նրանց ամենաերջանիկն ու բախտավորը։ Ամանորյա հրաշք նվիրելը կնոջը, հավատացե՛ք, այնքա՜ն հեշտ է։ Այն ընդհանրապես պետք չէ ասոցացնել «թանկի» հետ։

Ահա ձեզ ենք ներկայացնում զանազան նախասիրություններով ու հետաքրքրություններով կանանց համար տարբերվող նվերներ, որոնք ոչ միայն առանձնանում են իրենց գեղագիտական ոճայինությամբ, այլ նաև կատարում են գործնական գործառույթ և կծառայեն երկար տարիներ՝ հիշեցնելով միասին անցկացրած լավագույն պահերը։

1․ Նրանց համար, ովքեր սիրում են փոքրիկ դետալներ

Դետալները ինտերիերում վերջնական տեսք են տալիս սենյակին, եթե ոչ կանայք, ապա ովքե՞ր են ամենից շատ ուշադրություն դարձնում տան ներքին հարդարման կոկիկությանը։ Դետալները օգնում են անհատական մոտեցում ցուցաբերել յուրաքանչյուր մանրուքին ինտերիեր ստեղծելիս։ Իսկ դե, հատկապես կանայք սիրում են տարբերվել ու պարծենալ տան հարդարումով ու նոր ձեռք բերված տնային պարագաներով։

Հայելիներ - կանանց համար հայելիները մեծ նշանակություն ունեն։ Նվիրեք նրանց իրենց գեղեցկությամբ հմայվելու ևս մի առիթ։ ԽՈՐՀՈՒՐԴ՝ հատակին դրվող բարձր հայելիները հնարավորություն են տալիս ինստագրամյան հրաշալի նկարներ ստանալ․մի բան, որ բոլոր երիտասարդ աղջիկները սիրում են։ J

Անկողնային պարագաներ - սա հին սովորույթ է նվիրել հարազատին անկողնային պարագաների հավաքածու որպես հարազատության ու բարեկամության նշան։ Ինչո՞ւ՝ ոչ, եթե հատկապես գիտեք, որ դրա կարիքը իրոք կա։ Առաջարկում ենք անկողնային պարագաներ հետաքրքիր ու ինքնատիպ պրինտներով բելգիական De Witte Lietaer ապրանքանիշի հավաքածուներից։

2․ Նրանց համար, ովքեր սիրում են էքսկլյուիզիվ կերամիկական սպասքի պարագաներ

Նրբագեղ սպասքը միշտ էլ հպարտանալու հրաշալի առիթ է տան տիկնոջ համար։ Ինչո՞ւ չպարգևել նրան այդպիսի երջանկություն՝նվիրելով արև ու կրակ հիշեցնող պորտուգալական ու իսպանական սպասք՝ ափսեներ, գինու, շամպայնի, հյութի, թեյի բաժակներ, թավաներ, տապականեր։

3․ Նրանց համար, ովքեր ռոմանտիկ են

Ռոմանտիկները շատ նրբանկատ են, և ամենափոքր ուշադրության դեպքում էլ «աշխարհը իրենցը կլինի»։ Նրանց համար նվերի տարբերակ են ռետրո ոճի մոմակալներն ու ժամացույցները, որոնք կարծես թե տեղափոխում են 18-րդ դար։

4․ Նրանց համար, ովքեր արվեստասեր են

Արվեստասերներն առաձնահատուկ առեղծվածային կերպարներ են։ Նրանց նվերները պետք է գոնե լինեն գործնական առօրեա կյանքի համար, օրինակ՝ գրակալները, գրքի տեսքով զարդատուփերը, գրապահարաններն ու գրասեղանները։

Լինի հայելի, մոմակալ, ծաղկաման, թե սպասք՝ կարևորը ձեր կողմից ցուցաբերած հոգատարությունն ու ջերմությունն է, որը պիտի լինի տարին բոլոր, իսկ նվերները ձեր մեծ սիրո փոքր հավելումներն են սիրելիների նկատմամբ։