Ճաշասենյակի կահույքի ընտրությունը պահանջում է լրջագույն ուշադրություն։
Ճաշասենյակը կարող է ծառայել ամենատարբեր նպատակների՝ ճաշելուց մինչև տանից աշխատել։ Մեծ սենյակներում ոճային պահոցները հետաքրքիր դետալային լուծումներ են առաջարկում, իսկ փոքր սենյակներում՝ տարածքի խնայողաբար օգտագործում։
Եկե՛ք հիմա միասին բացահայտենք ճաշասենյակի պահարանների տեսակները և միասին հասկանանք, թե որը կհամապատասխանի հենց ձեր ճաշասենյակին։
1․ Դասական Կրեդենսաներ
Կան իրեր ու ոճեր, որ երբեք չեն կորցնում իրենց արդիությունն ու ոճայինությունը։ Ընդգծե՛ք ճաշասենյակի դասական տեսքը հենց այսպիսի պահարանների օգնությամբ, որոնց պահոցները այնքան տարողունակ են, որ կարող եք կոկիկ ու խնամքով պահել այնտեղ ամբողջ սպասքի հավաքածուն։ Սրանք նաև հետաքրքիր կոնտրաստային լուծումներ են մոդեռն ու ժամանակակից ոճերում։
2․ Զույգ դարակներով պահարաններ
Զուգադրությունների կանոնը կարելի է իրականացնել ոչ միայն հյուրասենյակում կամ ննջասենյակում, այլ նաև ճաշասենյակում։ Սրանք ոչ միայն արագ ուշադրություն գրավող կահույք են, այլ նաև ապահով են, եթե տանը կան երեխաներ` վնասակար իրերը հեռու պահելու համար։
3․ Ներկառուցված պահարաններ
Ներկառուցված պահարանները խնայողական դիզայներական լուծումներ են։ Որպես հետաքրքիր հնար, ետևի մասում կարող եք փակցնել հետաքրքիր ստվարաթղթե պատկերներ, եթե այն ճնշող չէ։
4․ Վերաիմաստավորված գրապահարաններ
Եթե չեք կարողանում գտնել ըստ ձեր պատկերացումների հարմար սպասքապահարան, բայց տանն ունեք հին գրապահարան, որին շատ եք սիրում, ծառայեցրե՛ք այն որպես սպասքապահարան։ Հին իրերին նոր շունչ տալը նման է պատմության ու լավագույն հիշողությունների արթնացմանը։
5․ Ակցենտային պահարաններ
Այստեղ կարևոր է, որ պահարանն ունենա օրիգինալ ու էքսկլյուզիվ դիզայներական տեսք, որից ճաշասենյակը նույնպես կստանա շքեղ ու ճոխ տեսք։ Այս պահարանները պետք է լինեն սենյակում ուշադրության կենտրոնում։ Աչքի են ընկնում ոսկեգույն նախշերով, տեսքն ավելի ընդգծելու համար համադրեք մեծ հայելիների կամ լուսամփոփների հետ։
6․ Ուշադրության շեղում
Եթե ցանկանում եք, որ ամբողջ ուշադրությունը գրավի սեղանի հավաքածուն, առաջարկում ենք ընտրել մոնոտոն գույների մեջ պահարան, որը սեղանի ետնաբեմում գրեթե չի նկատվի։ Իհարկե, սա չի խանգարում գոնե ձեռք բերել տարողունակ պահոցներով պահարաններ՝ անհրաժեշտ սպասքն ու այլ իրեր կոկիկ ցուցադրելու, պահելու համար։
7․ Բաց դարակներ
Բաց դարակներով պահարանները, նախ, ստեղծում են թեթևության ու ազատության զգացողություն սենյակում։ Սրանց շնորհիվ սենյակը վերածվում է մի ամբողջական տարածքի, որն հատկապես հարմար է գրասենյակների համար, որ աշխատակիցները հնարավորություն ունենան միմյանց հետ անընդհատ խոսելու ու քննարկելու անելիքներն ու պլանները։ Բաց դարակներով պահարանները հիանալի տարբերակ են նաև սենյակը զոնավորելու համար։ Եթե անհրաժեշտություն կա ընդհանուր քննարկումների սենյակը առանձնացնել բաժինների սենյակից, առաջարկում ենք հենց այս լուծումը։
8․ «Թռչող» դարակներ
Եթե ճաշասենյակում ունեք այնպիսի անկյուն, որ ոչնչի օգտակար չէ ու մտածում եք, ինչպես կարող եք այն դարձնել օգտակար առօրյայի համար, պահարանն էլ նորմալ չի տեղավորվում։ Մենք առաջարկում ենք հենց այդ անկյունում հավաքել «թռչող» դարակներ։ Այսպես և՛ ձեր իրերը ավելի կոկիկ տեսք կունենան և՛ տարածքը խնայողաբար կօգտագործվի։
9․ Ավանդական պահարաններ
Հատակից մինչև առաստաղ բարձրությամբ պատուհանները ցանկացած ճաշասենյակում ներկայացնում են հետաքրքիր դիզայներական լուծում, բայց դրանց պատճառով հնարավոր է ստեղծվի տարօրինակ բաց տարածություն․ ինչպե՞ս լցնել այդ տարածքը։ Առաջարկում ենք դիտարկել փայտե բարձր պահարանները, որոնք ոչ միայն ունեն սպասքի ու բաժակների համար տարողունակ պահոցներ, այլ նաև ծավալով լրացնում են պատուհաններին։