Զուգադրությունների կանոնը․ ինչպե՞ս համատեղել տարբեր ոճերի կահույք նույն սենյակում

Կահույքի ընտրության ժամանակ հեշտ է, չէ՞, խճճվել, եթե հատկապես հարցը գնում է, թե որ ոճը ընտրել։

Ցանկանո՞ւմ եք խառնել միմյանց մի քանի ոճեր, բայց չեք հասկանում, թե ինչպես դա անել, որ ստանաք բալանսավորված ու ոճային արդյունք։ Մարդկանց մի մասը հավանում է կահույքի դասական տարբերակները, իսկ մյուսը՝ ավելի ժամանակակից ու մոդեռն։

Դուք ո՞րի կողմնակիցն եք։ Չե՞ք կողմնորոշվում։ Եկեք ձեզ օգնենք միաձուլել երկու ոճերն էլ, այդպես, խոստանում ենք, վերջնարդյունքը ավելի տպավորիչ է լինելու։

Ո՞րն է ավանդական կամ դասական կահույքը։

Դասական կամ ավանդական ոճը մանրակրկիտ դետալների ու ավելի ֆորմալ, պաշտոնական լուծումների ոճն է, որն սկզբնավորվել է 1600-ական թթ․ Եվրոպայում։ Այս ոճն առանձնանում է նրբագեղ դետալներով, որոնք խորհրդանշում են հարստություն ու ճոխություն։Քանի որ 17-րդ դարում կահույքագործներն ստանում էին ժամավճար կատարված աշխատանքի համար, որքան ավելի ճոխ տեսք ունենար կահույքը, այնքան նրանք ավելի մեծ եկամուտ կունենային։

Դասական ոճի կահույքի համար հատկանշական են դետալների ճոխությունն ու մանրակրկտությունը։ Դասական ոճում չկան սուր ծայրեր, այստեղ տարածված են կոր և ծաղկային նախշերը, որոնք ապահովում են կահույքի հավիտենական հմայքը։

Ահա մի քանի առանձնահատկություններ, որոնցով տարբերվում է դասական կահույքը.

• Մուգ գույնի փայտ – դասական ոճով կահույք պատրաստելիս օգտագործում են հագեցած երանգներով փայտատեսակներ, օրինակ՝ կաղնի, բալենի, կարմրափայտ, ընկուզենի։ Հենց այս փայտն է ապահովում սլացիկ ու էլեգանտ տեսք։
• Ոսկեգույն ակցենտներ – ոսկեգույն ակցենտները ցույց են տալիս հարստությունն ու ճոխությունը։
• Փափուկ, մորթյա գործվածքներ – էլ ինչ ճոխություն առանց փափուկ, մորթյա գործվածքների, ինչպես օրինակ՝ թավշեպատ բազմոցներինը։
• Նախշերով պաստառ - և՛ ծաղկային, և՛ զոլավոր նախշերով կտորով բազմոցները ձեր հյուրասենյակը կդարձնեն դասական։
• Հավասարություն – կահույքը սիմետրիկ է, բայց սենյակում դասավորվածությոնը նույնպես պետք է լինի սիմմետրիկ։

Հնաոճ կահույքի ու դեկորների հանդեպ մեծ մոլուցքն ու հակումն ապացուցում է, որ ավանդական ոճը միշտ արդի է, և մարդիկ միշտ փնտրում են նորարարական լուծումներ դրանց իրենց սենյակներում ներդնելու համար։

Ո՞րն է մոդեռն կահույքը։

Մոդեռն ոճը հիմնված է մինիմալիստական լուծումների, պարզության ու ֆունկցիոնալության վրա։ Մոդեռն դիզայներական ոճն սկզբնավորվել է 1800-1900-ական թթ․։ Այն մեծ հայտնիություն է ձեռք բերել 1920-ական թթ․, հետագայում 1940-60-ական թթ․ վերափոխվել է դարամիջյան մոդեռնի։

Այն տարբերվում է ժամանակակից (contemporary) ոճից։ Վերջինը ներկայացնում է տվյալ ժամանակաշրջանի կամ դարաշրջանի դիզայներական միտումները, որոնք հակված են փոփոխության ենթարկվել տարեցտարի, նույնիսկ ամեն սեզոնին։ Մոդեռն ոճը թելադրում է իր կանոնները, և դրանք հաստատուն են։ Հենց այդ կանոններից մի քանիսը հետևյալն են՝

• Մինիմալ ու պարզ- մոդեռնը մաքուր, պարզ եզրագծերի ու մինիմալ դետալների մասին է։
• Ոճից ավելի գերադասելի է հարմարավետությունը – մինչ դասական կամ ավանդական կահույքն աչքի է ընկնում իր էսթետիկ տեսքով, մոդեռն ոճում ակցենտավորվում է հարմարավետությունն ու առօրյայում կիրառելիությունը։
• Տարբեր նյութեր – բնական նյութերից զատ, մոդեռնում հաճախ կարելի է հանդիպել նաև պողպատ, ալյումին,նիկել և պլաստիկ։
• Չեզոք գույներ – մուգ չեզոք գույներ, ինչպիսիք են սևը, մուգ շագանակագույնը, երկնագույնը տարածված են մոդեռնում։

Քանի որ դարամիջյան ոճն առանձնանում է իր տարբերակիչ հատկանիշներով, ժամանակի ընթացքում ձևավորել է իր կանոնները։ Կարելի է ասել, որ դարամիջյան մոդեռն ոճը դրսևորվել է որպես առանձին ճյուղ։

Այստեղ կարելի է տեսնել ռետրո կահույքին բնորոշ հատկանիշներ։ Բացի կոր գծերից, այստեղ տարածված են նաև երկրաչափական նախշերը։

Դարամիջյան մոդեռն ոճը ներկայացնում է ավելի գունավոր պնակ, քան սովորական մոդեռնը։  Վառ ակցենտային դեկորներն այստեղ անխուսափելի են։

Ինչպե՞ս համատեղել մոդեռն ու դասական ոճերը։

Շատ հաճախ ցանկանում ենք համատեղել մեր հին դասական կահույքը նոր մոդեռնի հետ, բայց դրանք կարծես թե անհամատեղելի են թվում։ Պետք չէ ազատվել հին կահույքից, հիմա միասին կսովորենք, թե ինչպես ճիշտ համատեղել երկուսը մի սենյակում։

1․ Վերանայե՛ք սենյակի ճարտարապետական ոճը

Փորձե՛ք հասկանալ, թե ինչ ճարտարապետական առանձնահատկություններ ունի սենյակը։

Սովորաբար դասական կահավորված սենյակներում նույնիսկ պատերն ունենում են դեկորատիվ ձուլվածքներ, բարձր առաստաղներ։ Մոդեռն սենյակներն առանձնանում են բաց տարածությունով։

2․ Որոշե՛ք՝ որ ոճն եք ցանկանում տեսնել գերիշխող սենյակում

Նախքան նոր կահույք գնելը, հասկացե՛ք, թե արդյոք ինչ կահույք ունեք տանը և ինչպես է նորը լրացնելու հնին, այլ ոչ թե խանգարելու։ Օրինակ, կարող եք ձեռք բերել հնաոճ դետալներով մոդեռն ակցենտային պահարան և համադրել դասական ոճում։

3․ Օգտագործե՛ք պատի դեկորներ, գորգեր, լուսավորության տարբեր պարագաներ բալանսավորելու երկու ոճերը

Պատի դեկորները, գորգերն ու լուսավորության պարագաները պարտադիր էլեմենտներ են ցանկացած սենյակի համար։ Օգտագործե՛ք այս փոքրիկ, բայց մեծ հնարավորություններով լուծումները սենյակում բալանսավորված արդյունք ստանալու համար։ Ցանկանո՞ւմ եք գերակշռել մոդեռն ոճի տարրերը։ Կարող եք ճաշասեղանի գլխավերևում կախել հնեցված տեքստուրայով ջահ ավելի հարուստ ու ճոխ տեսքի համար։ Եթե գերադասում եք դասականը, մոդեռն լուսամփոփների ներդրումն արդեն իսկ բավական է խիստ դասականությունը կոտրելու համար։

4․ Պլանավորե՛ք կահույքի տեղադրման ռազմավարություն

Սենյակում կահույք տեղադրելիս կարևոր է ռազմավարական պլանավորումը։ Չեք ցանկանում մի անկյունում ունենալ միայն դասական էլեմենտներ, մյուսում՝ միայն մոդեռն։ Ոճային տարբերություններն ընդգծելու փոխարեն պետք է այնպես անել, որ միմյանց լրացնեն։ Հավասար բաշխեք ամբողջ սենյակով։

Ինչպե՞ս ապահովել դասական կահույքի մոդեռն տեսքը

Ամենահեշտ ձևերից, թե ինչպես դասական կահույքը դարձնել ավելի մոդեռն, մոդեռն դետալներով լրացնելն է։ Երկու ոճերի բալանսավորումը դասական կահույքին հաղորդում է ավելի թարմ ու նոր շունչ։ Ավելացրե՛ք նաև մոդեռն նախշերով ակցենտային բարձեր կամ լուսամփոփներ։

Փնտրում եք դասական, թե մոդեռն կահույք, երկուսի դեպքում էլ Ashley կահույքի սրահներում կգտնեք կահույքի մեծ տեսականի։