6 մարտի, 2021

Թոփ խորհուրդներ, թե ինչպես կահավորել մանկական սենյակը

Մանկական ննջասենյակը կահավորելը հնարավոր է մի նոր մարտահրավեր լինի ծնողների համար։ Մի դեպքում ցանկանում ենք ստեղծել մի միջավայր, որտեղ մեր փոքրիկները հաճելի ժամանակ կանցկացնեն, մյուս դեպքում էլ՝ այն առավելագույն կերպով պրակտիկ ու ֆունկցիոնալ լինի, ցանկանում ենք կահավորել այնպիսի սենյակ, որտեղ փոքրիկը արագ կադապտացվի ու չի հոգնի տարիների ընթացքում, երբ մի քիչ մեծանա։ Մենք Ձեզ առաջարկում ենք հրաշալի լուծումներ։ 



1․ Սկսենք կահույքից

Երբ երեխան դուրս է գալիս մանկասայլակային տարիքից ու պատրաստ է քնել "մեծական" մահճակալի վրա, ընտրեք այնպիսի բարձրորակ մահճակալ, որից գոհ կլինենք երկար ժամանակ։ Մանկական մահճակալները, ի տարբերություն սովորական մահճակալների, սովորաբար մի փոքր ավելի թանկ արժեն, քանի որ պատրաստվում են էկո հումքից, որը նախ և առաջ չի առաջացնում ալերգիաներ երեխայի մոտ։ Կարող եք ընտրել մեկտեղանի կամ մեկուկեստեղանի մահճակալներ, որը հետագայում երբ Ձեր փոքրիկը դառնա պատանի, փոխելու կարիք արդեն չեք ունենա։ Մանկական ննջասենյակում մեծ կարևորություն ունի կահույքի էկոլոգիապես մաքուր լինելը, որին իրոք անհրաժեշտ է լրջորեն վերաբերվել։

Որքան շատ պահոցներ մանկական սենյակում, այնքան լավ։ Տարիքի հետ մեկտեղ ավելանում են խաղալիքների, հագուստի ու գրքերի, գրենական պիտույքների շարքը․․․ թափթփված տեսքից խուսափելու համար անհրաժեշտ են տարբեր պահոցներ։ Կապ չունի չեսթ եք ընտրել, թե կողապահարաններ․․․ դրանք պարտադիր են ննջասենյակում, հատկապես եթե երեխայի սենյակի համար են։

Գաղտնիք չէ, որ մեր փոքրիկները շատ են սիրում հատակին նստել, խաղալ, նույնիսկ դաս սովորել, այդ իսկ պատճառով էլ գորգերով հատակը ծածկելը պարտադիր է։ Իսկ սենյակին ավելին հեքիաթային շունչ հաղորդելու համար առաջարկում ենք Ձեզ երեխայի սենյակի համար հետաքրքիր գունավոր պրինտերով կամ մուլտիպլիկացիոն հերոսներով գորգեր ընտրել։ Գորգերը Ashley Homestore-ում պատրաստված են պոլիպրոպիլենից, որը ջերմադիմացկուն է, ու բավականին հեշտ է մաքրվում անանցանելի թվացող բծերից ու լաքաներից, որոնք երեխաների սենյակում անխուսափելի են։


2․ Խաղացեք գույների հետ 

Սենյակի վերջնական կոլորիտային գույները որոշելը բավականին խրթին գործընթաց է, բայց հավատացե՛ք, դրանից կախված է սենյակի ամբողջական տեսքը։ Պաստելային երանգները հիմնական ներկապնակն են ներկայացնում, օգտագործեք ավանդականին մոտ երանգներ, որոնք ստիպված չենք լինի փոխել երեխայի մեծանալուն զուգընթաց։ 

3․ Լցրեք սենյակը տեղին աքսեսուարներով 

Երբ արդեն հիմնական կահավորանքը պատրաստ է, ժամանակն է մտածել՝ ինչպես կարող եք ամենաստեղծագործ մտքերով լցնել սենյակը։ Կարևոր է հիշել, որ պետք է ընտրել այնպիսի կտորներ, որոնք հետագայում հեշտորեն կարելի է տեղափոխել, քանի որ երեխան շատ արագ է հասունանում, և տարիքի հետ մեկտեղ փոխվում են նաև նրա նախասիրություններն ու ճաշակը։ 

4․ Դարձրեք սենյակը ավելի արվեստային

Նկարները գույն ու տաքություն են բերում սենյակ։ Մեր դիզայները խորհուրդ է տալիս մաքսիմալ կերպով լցնել սենյակը նկարներով, հատկապես նրանցով, որոնք ունեն վառ գույներ, պրինտներ ու պատկերներ։ Շատ ավելի ցանկալի է երեխայի ձեռքով նկարված նկարներով փոքրիկ պատկերասրահ ստեղծել, ինչը նրան հպարտանալու առիթ կտա։ Ավելացրեք տարբեր գունավոր պրինտներ ու նախշեր նկարների կամ գորգերի, վարագույրների տեսքով․ դրանք սենյակը կդարձնեն ավելի կենսուրախ։ 


Սրանք էին այն հիմնական լուծումները, որոնք կօգնեն խնայողաբար կահավորել Ձեր փոքրիկի սենյակը։ Ավելի մանրամասն տեղեկատվության համար կարող եք կապվել մեր դիզայների հետ, որն էլ համաձայն Ձեր նախասիրությունների Ձեզ կցուցաբերի անհատական մոտեցում։ 


Մեկնաբանել