եր հյուրասենյակը հենց այս էլեգանտ շտրիխի կարիքն ունի։
Ջահերը միշտ եղել են էլեգանտության, ճոխության ու բարձրաճաշակության ցուցիչները։ Իզուր չէ, որ բարձրաճաշակ հյուրանոցներում, պարահրապարակներում և զանազան միջոցառումների սրահներում դիզայներները նախընտրում են մեծ շեշտադրում դնել հենց ջահի վրա։ Ջահերը հիանալի հնարավորություն են տալիս հյուրասենյակի կամ այլ սենյակի դիզայնում ավելացնել հետաքրքիր ոճային դետալ։
Ֆրանսերենից «ջահ» բառը թարգմանաբար նշանակում է մոմակալ, հնում հենց այդ նպատակով էլ օգտագործվել
են։Հետագայում ջահերին սկսեցին նաև գնահատել ավելի շատ իրենց մանրակրկիտ դիզայներական լուծումների, քան ֆունկցիոնալության
համար։
Առաջին ջահերը նման են եղել խաչ հիշեցնող երկու փայտիկների, որոնց ծայրերը ուղղակի վառվում էին մոմի պես․ մի՞գուցե այսօրվա համեմատ շատ հասարակ տեսք են ունեցել, բայց դրանք օգտագործվել են միայն եկեղեցիներում և մեծ միջոցառումների ժամանակ, և հենց դա էր պատճառը, որ ջահերը ժամանակին խորհրդանշում էին հեղինակություն ու հարստություն։
Շնորհիվ վենեցիացի ապակեգործների ու բոհեմականների 18–րդ դարում առաջին անգամ ստեղծվել են ապակե ջահերը։ Հենց այս ժամանակահատվածում ի հայտ եկան բարոկկո ու ռոկոկո ոճերը, որոնք հենց առանձնանում են տերևների, ծաղիկների, գիրլանդների և այլ դեկորատիվ էլեմենտներով։ Ինդուստրիալ հեղափոխության հետ համընթաց հասարակ ժողովրդին նույնպես սկսեցին դեկորատիվ ջահերը հասանելի դառնալ։ Էլեկտրական լամպի հայտնագործվելուն պես լույս աշխարհ եկան ջահի նոր դիզայններ։ 1965թ․ Դանիել Սվարովսկին առաջին անգամ նախագծեց մեզ հայտնի շքեղ ու դեկորատիվ ջահերը։ Այս ջահերի դեպքում առաջին պլան էր մղվում տեսքը, հետո՝ լուսարձակությունը։ Այսօր իհարկե կարելի է գտնել ջահերը, որոնք և՛ տեսքով են անզուգական, և՛ լավ լուսավորություն են ապահովում։
Ջահերի ստեղծման մեջ իրենց ներդրումն է նաև ունեցել իտալական հարուստ Ռեզոնիկո
ընտանիքը։ Նրանք էին պատվիրել ապակեգործին ստեղծել պարահանդեսային ջահ, որը ցույց կտար
ընտանիքի մեծ համբավն ու հարստությունը։ Այսօր այդպիսի կախված ջահերն ստացել են մուրանյան
անվանումը։
Մինիմալիստական թրենդների գլուխ բարձրացնելուն զուգահեռ ի հայտ եկան ամեն տեսակի ջահեր ցանկացած ինտերիերի համար։ Ջահի ընտրության հարցում իհարկե կօգնի ձեզ մեր դիզայները, բայց հիմա եկեք խոսենք ինտերիերում ջահերի առանձնահատկությունների մասին։
Ջահերը շքեղ են
Մինչ լուսամփոփները անջատված վիճակում ունեն հասարակ տեսք, բայց ջահերը նույնիսկ անջատված շքեղագույն տեսքն ունեն և զարդարում են հյուրասենյակը։ Միացնելիս սենյակին հաղորդում են գույն, փայլ ու շունչ։ Ջահի միջոցով կարող եք արտահայտել ձեր սենյակի եզակի տեսքը։ Մինիմալիստական ջահերի շնորհիվ սենյակը կունենա ավելի թեթև տեսք, իսկ բազում դետալներով ջահերի հետ ճոխ հյուրասենյակը պատրաստ է։
Ջահերը խնայում են տարածք
Լուսամփոփներն ու լուսավորության
այլ պարագաները բավական տարածք են զբաղեցնում սենյակում և բացի կարող են պատուհաս լինել,
եթե տանը կան փոքրիկներ կամ ընտանի կենդանիներ, իսկ հատակից կախվող ջահերը ոչ միայն
տարածք են խնայում, այլ նաև հեռու են երեխաներից ու ընտանի կենդանիներից։