24 դեկտեմբերի, 2020

8 մեծ լուծումներ փոքր տարածքների համար

Փոքր տարածքներում ավելի հեշտ է ստեղծել մտերմիկ ու ջերմ մթնոլորտ, բայց մյուս կողմից էլ հենց փոքր սենյակներում է խնդիր առաջանում  տեղավորելու մեր ամենասիրելի կահույքը։ Շատ հաճախ չափից շատ կահավորանքը սենյակում խառնաշփոթ է առաջացնում, ու երևի թե կհամաձայնեք, որ իրար վրա դասավորված  կահույքը աչքին էլ հաճելի չէ։ Այդ իսկ պատճառով ցանկանում ենք ներկայացնել 8 մեծ լուծումներ փոքր սենյակների կահավորանքը ավելի համահունչ ու գրավիչ դարձնելու համար։ 

1․ Օգտագործե՛ք օվալաձև սեղաններ

Օվալաձև սեղաները կօգնեն չզբաղեցնելու հավելյալ տարածք սենյակում, դրանք ոչ միայն կարող են ծառայել որպես խոհանոցային կահույք, այլ հրաշալի համադրություն կլինեն նաև հյուրասենյակի կահավորանքին։ Մեծ ընտանիքին մեկ սեղանի շուրջ հավաքելու արտակարգ հնարավորություն են ընձեռում օվալաձը սեղանները։

ovaladzev-sexan

2․ Փոխարինե՛ք սեղանները պուֆերով 

Պուֆերը բավականին ֆունկցիոնալ են։ Դրանք կարող են ծառայել և՛ որպես սուրճի սեղաններ սկուտեղի օգնությամբ, և՛ երեկոյան ոտքերը հանգստացնելու համար հարմար տեղ, ինչպես նաև տարողունակ պահոցներ են։ Բացի այդ շատ հեշտ է պուֆերին տեղաշարժել սենյակում․ թեթև են ու փոքր,  կողքից ինչ-որ մեկի կարիքը հաստատ չեք զգա։ Մնում է միայն ընտրեք ինտերիերի գույներին համապատասխան պուֆ ու վայլել դրա հարմարավետությունը։ 

hyurasenyaki-papuk-kahuyq

3․ Օգտագործե՛ք բարձրացող մեխանիզմով սուրճի սեղաններ

Բարձրացող մեխանիզմով սուրճի սեղաները կարող են ծառայել և՛ որպես աշխատանքային հիանալի միջավայր, և՛ ընկերների հետ մեկ գավաթ սուրճ վայելելու հրաշալի տեղ։ Բարձրացող մեխանիզմի շնորհիվ այլևս ստիպված չեք լինի շատ կռանալ ինչ-որ իր սեղանից վերցնելու համար։ Երբեմն կարող են այս սուրճի սեղանները ծառայել որպես ճաշասեղաններ հարմարավետ մեխանիզմի շնորհիվ։

4․ Խնայե՛ք տարածք բացվող բազմոցներով

Բազմոցներն ամենաահռելի տարածք զբաղեցնողներն են, բայց դե առանց դրանց էլ անհնար է պատկերացնել հյուրասենյակի ամբողջականությունը։ Խորհուրդ ենք տալիս ուշադրությունը սևեռել բազմոց մահճակալներին, անկյունային բազմոցներին ու բացվող ճոճանակ-բազկաթոռներին (ռեկլայներ), որոնք բացի նստատեղ առաջարկելուց, կարող են նաև հավելյալ քնատեղ ծառայել Ձեր ու հյուրերի համար։ Ashley Homestore-ում առկա են նաև երկտեղ բացվող բազմոցներ, որոնք իրենց կոմպակտ տեսքի շնորհիվ չեն զիջում երեքտեղանոցներին ու սենյակում հարմարավետության բարձր մակարդակն ապահովելու համար բավականին ֆունկցիոնալ են։ 

erktex-bacvox-bazmoc

5․ Ավանդույթը չխախտենք․ ճիշտ լուսավորությունը հրաշքներ է գործում

Վերադառնանք հին ու բարի ավանդույթին։ Բազմիցս նշել ենք, որ ճիշտ ուղղությամբ լուսավորությունը կարգավորում է սենյակի վիզուալ ավելի մեծ երևալը։ Օգտագործե՛ք բարձր ու առանց նախշերի վարագույրներ, որոնք կօգնեն ստեղծել առաստաղի ու հատակի միջև բարձրության պատրանք։ Նախապատվությունն անհրաժեշտ է տալ այնպիսի լուսամփոփների, ջահերի ու լուսատուների, որոնք չեն կախվում, այլ հակառակը՝ ամրանում են պատին կամ առաստաղին։ 

6․ Ավելացրե՛ք մեծ չափսի գորգեր 

Մյուս հատկանշական առաձնահատկությունը, որը տեսողական կմեծացնի տարածքը, մեծ գորգերն են։ Բաց գունավորում ունեցող գորգերը կօգնեն Ձեզ զգալու սենյակի ընդարձակությունը։ 

7․ Ներկե՛ք պատերը բաց գույնով 

Ընդհանրապես, մուգ գույնի ներկված պատերը ճնշող մթնոլորտ են ստեղծում, իսկ բաց գույնի պատերը հնարավորություն են տալիս սենյակում զգալ ավելի ազատ ու անկաշկանդ։

8․ Բա՛ց մի թող գեթ մեկ անկյուն

Լինի աստիճանների, լրագրասեղանի ներքևի, պահարանների վերևի հատված, նույնիսկ պատշգամբ, պետք է տարածքը խնայողաբար օգտագործվի։ Դրանցից յուրաքանչյուրն էլ կարելի է ընդգծել գեղեցիկ աքսեսուարների, գրքերի շնորհիվ, որն էլ իրենց հերթին նոր շունչ կհաղորդեն սենյակին։ 

Այսպիսով, կարող ենք եզրահանգել, որ նույնիսկ բյուջետային տարբերակով փոքր տարածքները նույնպես կարող են շքեղ տեսք ունենալ դիզայներական գրագետ լուծումների շնորհիվ։ 

Միայն պետք է ունենալ մի փունջ երևակայություն ու վուալա՜, անասելի արտահայտիչ սենյակը պատրաստ է։ 


Մեկնաբանել