Թոփ թրենդներ ննջասենյակը կահավորելու համար

Ինտերիերային թրենդներին կուրորեն հետևել պետք չէ, դրանք մաքսիմալ հարմարավետություն ստեղծելու համար են։

Սա հատկապես կարևոր է ննջասենյակի կահավորելու համար, որտեղ ոչ մեկին տպավորելու կարիք չկա, այն ինքներդ ձեզ հասկանալու ու հանգստանալու համար է։

Միատոնություն ու չեզոք գույներ

Ժամանակակից մարդու կյանքում բազում իրադարձություններ են տեղի ունենում, և հաճախ անհրաժեշտություն է լինում գոնե տանը կտրվել ամենից ու հանգստանալ խայտաբղետությունից։ Այդպիսի ինտերիեր ստեղծելու հարցում մեզ կօգնի մոնոտոն գունապնակը, երբ մի երանգ հեշտ համադրվում է մյուսի հետ։ Չեզոք գույները ձանձրալի չեն, եթե ընտրվեն գրագետ ակցենտային և գունավոր դեկորներ ու հետաքրքիր  տեքստուրաներ, որոնցից կարող են լինել պուֆերը, բարձերը, վարագույրները։ Հետաքրքիր դիզայներական լուծումներ են նաև մուգ էլեմենտները, որոնցից են, օրինակ մահճակալի ոտքերը կամ լուսամփոփների կցամասերը։

Մահճակալի մեծ գլխամաս

Ննջասենյակում կենտրոնական տեղ է զբաղեցնում մահճակալը, դրա համար էլ մեծ ուշադրության է արժի դարձնել։ Ամենահեշտը մեծ գլխամաս ունենալն է, որն արդեն իսկ ակցենտային դետալ է։ Այսպիսի գլխամասերը կարող են մահճակալից էլ ավելի երկար լինել կամ հասնել առաստաղին։

XXL գլխամասի առավելությունն այն է, որ ստեղծում է հարմարավետ միջավայր հենվելու համար։

Կլորացած եզրագծեր

Այսօր թրենդային են հասարակ դիզայներական լուծումները, կլորացած անկյունները և հարթ գծերը։ Սա վերաբերում է ոչ միայն կահույքին, այլ նաև լուսատուներին, դեկորներին։

Կլոր անկյուններով փափուկ կահույքը, օվալ հայելիները սենյակում ստեղծում են անվտագության ու ապահովության զգացողություն։

Տեքստուրային իրեր

Բացի մոնոտոնությունից դիզայներները նաև ուշադրություն են դարձնում առանձին տեքստուրաներին։ Բնական փայտի, քարի, մարմարի տեքստուրաները ինտերիերը տեսողական առումով դարձնում են ավելի թանկարժեք:

Փափուկ կահույքի պաստառի համար նպատակահարմար են նաև ներկարված նախշերը։ Վերջին տարիներին հատկապես մեծ հայտնիություն է ձեռք բերել բուկլե կոչվող կտորը իր կոպտության շնորհիվ։

Ռաթթանը վերդառնում է

Բնական նյութերի կիրառությունը ինտերիերում զգալիորեն աճում է։ Բացի քարի, փայտի ու բնական կտորներից,ինտերիերում այսօր լայնամասշտաբ օգտագործում են ռաթթանին։ Այժմ ռաթթանին կարելի է գտնել ոչ միայն այգիներում ու պատշգամբներում, այլ նաև տանը։ Բնական տեսքի շնորհիվ սենյակին հաղորդում է ջերմություն։

Վինտաժ

Շարունակում է զարգանալ կայուն դիզայնը, որի հետ էլ չի զիջում իր դիրքերը վինտաժը։ Մարդիկ փորձում են պահպանել եզակի ու թանկ իրերը, և տալ դրանց երկրորդ ապրելու հնարավորություն։ Վերանորոգում են ու ինտեգրում են ժամանակակից ինտերիերներում։ Հաճախ կիրառվում են 60–80–ական թթ․ աթոռները, բազկաթոռները և լուսավորության պարագաները։

Smart Home

Էկոլոգիական թրենդների ու բնության մոտիվների հետ համընթաց դիզայներները չեն անտեսել ժամանակակից տեխնոլոգիաներն ու դրանց առաջընթացը։ Դրանք ինտերիերը դարձնում են հարմարավետ և բարելավում են կյանքի որակը։ Այսօր հնարավոր է մաքրել գորգերը ռոբոտ փոշեկուլի օգնությամբ, վարագույրները փակել մեկ կոճակով։ Իհարկե, չի նշանակում զինել տունը smart home-ի ամբողջական համակարգով, հերիք է բավարարվել նրանով, որը անհրաժեշտ է։