25 նոյեմբերի, 2021

5 թրենդներ ինտերիեր դիզայնում | 2022

2022 թվականին ինտերիեր դիզայնում թրենդները նախորդ երկու տարիների խառնուրդն է ընդգրկում է դիզայներական որոշ տարրեր, որոնք մեզ ծանոթ են դեռևս անցած տարիներին ունեցած փորձից։

2022 թվականին ինտերիեր դիզայնում շեշտադրվելու են ինտերիերի բնական տեսքի ու էկո գաղափարներին հետևելն ու պահպանելը։ Գալիք տարին աչքի է ընկնելու ռետրո, բնական, մինիմալիստական տարրերի հետաքրքիր համադրությամբ։ Առաջնային պահանջներից է դեռևս մնում նաև բազմաֆունկցիոնալ ու կիրառական դիզայնը։

1 Կանաչը – տարվա գլխավոր գույն

Բիոֆիլ դիզայներական շարժումը խրախուսում է կանաչի ու մաքսիմալ բնական տարրերի կիրառությունը ինտերիերում։ Վերջին երկու տարիներին սահմանափակումները ստիպեցին մարդկանց լինել ավելի հետևողական բնության հանդեպ իրենց վերաբերմունքին, լինել հոգատար ու արժևորել բնականությունը։ Բիոֆիլ դիզայնը ենթադրում է բարելավել մարդկանց կյանքի որակը՝ բնականը ներդնելով մարդկանց ապրելակերպում։ 2020 ու 2021 թվականների սահմանափակումներից հետո մարդիկ ավելի շատ են այսօր ձգտում դուրս գալ ու վերամիավորվել բնության հետ։

Տարվա գույն են համարվում կանաչն ու շագանակագույնը և դրանց ամենատարբեր երանգները։ Սրանք այն գույներն են, որոնք հոգեբանորեն հանգստացնում են, օգնում են ազատվել սթրեսից ու ավելորդ մտքերից։ Բնական փայտից կահույքը առանց որևէ ներկանյութերի, որն ներառում է 70-ականների ռետրո ոճին բնորոշ տարրեր, հրաշալի հավելում է այս տարի բոլոր հյուրասենյակների, ննջասենյակների ու ճաշասենյակների համար։

2 Բնական ծաղիկներով հարուստ տարի է լինելու

2022 թվականին դիզայներները խորհուրդ են տալիս նաև տանը աճեցնել սենյակային բույսեր, որոնք հեշտ է տնային պայմաններում խնամել։ Մեր թիմը հավաքագրել է հենց այդպիսի բույսերի մի շարք

Հոյա – դիմացկուն են խոնավ սենյակներում։ Հատկապես ձմռանը կարող եք օգտագործել չոր օդը խոնավեցնելու համար։

Պտերիս – հեշտ է խնամել,հաճախակի ջրելու ու հատուկ լուսավորության կարիք չկա։ Պտերիսի առավելություններից մեկն այն է, որ արագ է աճում ու ներդաշնակ համադրվում է բոլոր ինտերիերներում։

Մոնստերա – համադրելի է այն սենյակներում, որտեղ գրեթե չեն հասնում արևի ճառագայթները։

Ֆիկուս Բենջիամին – հարմար է ցածր լուսավորությամբ սենյակներում։ Քանի որ կլանում է ջուր իր տերևներից, շատ ջրելու կարիք չկա։

3 Art Deco ոճին բնորոշ գծավոր, զիգզագաձև նախշերն այս տարի չեն լքի բարձր հորիզոնականները

Տանը երկար մնալու պատճառով մարդիկ այսօր ավելի են ձգտում իրենց տան ներքին հարդարումը հետաքրքիր դետալնելով լցնել, որոնք կարծես նոր շունչ են հաղորդում։ Գծավոր, զիգզագաձև տեքստուրաները 2022 թվականին  ամենաարդի թրենդներից մեկն է։ Քանի որ սահմանափակումների պատճառով անընդհատ նույն սենյակներով շրջագայելը հոգնեցուցիչ էր, մարդիկ ակցենտային գծավոր ու զիգզագաձև նախշերի օգնությամբ փորձում էին տարբերվող միջավայր ստեղծել, որը դրական էր ազդում իրենց աշխատանքային արդյունավետության վրա։

4 Կոր անկյուններով բազմոցներն ու ճաշասեղանները 2022 թ․-ի փափկության ու շքեղության ցուցանիշներն են

Կոր ձևերը ինտերիերում ստեղծում են ավելի հյուրընկալ ու հաճելի միջավայր։ Այս տարի փորձեք խուսափել սուր անկյուններից, փոխարենը նախապատվությունը տվեք փափուկ ու կլորավուն իրերին, կահույքին, որոնք ոչ միայն աչքին են հաճելի, այլ նաև հարմար են պառկելու, նստելու համար։ C-ձև բազմոցները հրաշալի տարբերակ հենց են մյուս տարի ձեռք բերելու համար։

5 Տարվա գլխավոր նախապայմանն է իրերի առօրեա կիրառությունն ու պիտանելիությունը

Բազում սահմանափակումների պատճառով էլ տանը մնալը ստիպեց շատերին գնել կահույք ու ինտերիեր աքսեսուարներ, որոնք կգրավեն նվազագույն տարածք տանը, քանի որ շատ հաճախ միևնույն սենյակը ծառայում էր և՛ որպես հյուրասենյակ, և՛ որպես ճաշասենյակ, և՛ աշխատասենյակ։ Այս իրավիճակում լավագույն լուծում են տրանսֆորմեր կամ բարձրացող մեխանիզմներով սեղանները, ճոճվող բազկաթոռները, վարդակներով գրասեղանները, կողասեղաներն ու բազմոցները, որոնք խնայում են տարածք։

Նախքան ցանկացած ինտերիեր թրենդին հետևելը, ուշադրություն դարձրեք տան չափսերին, տեղադիրքին ու ձեր նախասիրություններին՝ կահույքի ու աքսեսուարների համապատասխան ընտրություն կատարելու համար կամ ուղղակի դիմեք մեր դիզայներին, որը անվճար կօգնի գրագետ կահավորել։ Եթե ձեզ հետաքրքրում է ինտերիեր դիզայնի աշխարհը, հետևե՛ք մեզ Instagram-ում և Pinterest-ում, այնտեղ կգտնեք ձեզ ոգեշնչող բազում մտքեր կահավորելու համար։  

 

 

Մեկնաբանել