7 քայլեր, թե որ կահույքն ընտրել հյուրասենյակի առավելագույն հարմարավետությունն ապահովելու համար

Ավելի լավ բան, քան գալ տուն փափուկ գորգի վրա քայլելով հասնել փափուկ կահույքին, նստել փափուկ բազմոցին, ծածկվել տաք փափուկ ծածկոցով ու ձեռքին մի բաժակ թեյով դիտել սիրելի ֆիլմերը կամ գիրք կարդալ, չկա։ Ի՜նչ երանություն։

Ինչ խոսք պետք է գնահատել այն, ինչ ունենք։ Հիանալի է, երբ կարողանում եք ստեղծել երազանքների սենյակը կամ երբեմն փոփոխություններ իրականացնել հյուրասենյակում, ննջասենյակում, լոգասենյակում կամ խոհանոցում։ Սրանցից հյուրասենյակն ամենաշատ ուշադրությունն ու ռեսուրսներն է պահանջում։ Թարմացնել բազմոցի վրայի բարձերը, կամ փոխել սեղանի դիրքը, գետնին փռել նոր գորգ, և ահա պատրաստ է լիովին նոր հյուրասենյակը հյուրերին ու ինքներդ ձեզ հարմարավետով և ջերմությամբ շրջապատելու համար։

Որո՞նք են 2023թ․ այն հիմնական տարբերակիչ առանձնահատկությունները։ Որո՞նք կսահմանեն ձեր հյուրասենյակի յուրօրինակությունը։

1․ Ընտրել խոշոր չափսերի փափուկ կահույք

Այն, ինչ տարածված է ամերիկյան իրականությունում, ինչից միգուցե խուսափել եք շատ անգամ, արդեն ոճային է։ Այս տարի մինիմալիզմին փոխարինելու է եկել մաքսիմալիզմը։ Խրախուսվում է օգտագործել սենյակում սրտի ուզածի չափով սեղաններ, աթոռներ ու դեկորներ, որը հենց արտահայտում է ձեր անհատականությունը։ Խոշոր չափսի բազմոցի վրա կարելի է հանգիստ փռվել երեկոյան ու հանգստանալ։ Փափուկ նստատեղեր, փափուկ մեջք, լիքը բարձեր, էլ ինչ է պետք երեկոյան հանգստի համար, եթե ավելացնեք մի պուֆ ոտքերը երկարացնելու համար, լիարժեք ամերիկյան հանգիստը պատրաստ է։

2․ Ընտրել տրանսֆորմեր սեղաններ

Այսօր հյուրասենյակը ծառայում է բազում նպատակների, օգտագործվում է և՛ որպես աշխատասենյակ, և՛ ճաշասենյակ, և՛ հենց արդեն հյուրասենյակ։ Այս բոլոր նպատակներին պատշաճ ծառայելու համար կարևոր է ճիշտ կահույքով կահավորումը։ Եթե ձեր երեխաները կամ հենց դուք հաճախ եք դասերին պատրաստվում ու համակարգչով աշխատում, արժի, որ ուշադրություն դարձնեք տրանսֆորմեր սեղաններին։ Սեղանի վերնամասի բարձրությունը կառավարելի է, կամ եթե հյուրասենյակը փոքր է, ու տեղ չունեք մեծ ճաշասեղան ձեռք բերելու համար, տրանսֆորմեր սեղանն իդեալական տարբերակ է։ Բացի կառավարելի բարձրացող մեխանիզմից, շատ տրանսֆորմեր սեղաններն աչքի են ընկնում հենց պահոցներով, որը հաստատ կգնահատի ցանկացած տանտիկին։

3․ Ընտրել բազմոց-մահճակալներ

Բազմոց մահճակալների հիմնական գաղափարն էլ հենց նրանում է, որ օգնեն ձեզ խնայել տարածք ու գումար։ Բազմոց-մահճակալի ձեռք բերման դեպքում նույնիսկ կարիք չեք ունենա նոր մահճակալ գնել, քանի որ նրանք այնքան հարմարավետ են․ ունեն օրթոպեդիկ ներքնակներ, կառավարելի վերնամասեր, հեշտ բացվում-փակվում է քնատեղը։ Ցանկացած պահի կարող է վերածվել մահճակալի կամ բազմոցի և նեղություն չի տա ընտանիքի անդամներին։ Առնվազն երկու հոգի կարող են քնել վրան։ 5-6 բարձերի առկայությունը բազմոցին 5-աստղանի հյուրանոցային էֆֆեկտ է տալիս։

4․ Ընտրել անկյունային կահույք

Անկյունային կահույքը փրկություն է, մանավանդ եթե այն նաև բացվող-բազմոց է։ Մեկ կրակոցով երկու նապաստակ եք ձեռք բերում։ Եթե տանն ունեք անկյունային հատված, որ չեք ուզում կորցնել, անկյունային բազմոցը լավագույն լուծումն է։ Կան նաև ճոճվող կամ ռեքլայներ անկյունային բազմոցներ, որոնք կրկնապատկում են հենց այն ընտրելու հավանականությունը, որը հյուրասենյակում ժամանակ անցկացնելը վերածում է կինոթատրոնային ժամանակի։

5․ Ընտրել խորը պահոցներով պահարաններ

Եթե հյուրասենյակը մեծամասամբ ծառայում է որպես աշխատասենյակ, գրապահարաններից խուսափել գրեթե անհնար է։ Մնում է հասկանալ, թե ինչ ձևի, բարձրության պահարան եք ցանկանում։ Կարող եք ընտրել այնպիսի պահարան, որ կօգտագործեք և՛ որպես սպասքապահարան, և՛ որպես գրապահարան, այդպես նաև կխնայեք և՛ տարածք, և՛ ժամանակ, և՛ գումար։ Այ հենց օրինակ, Bolanburg կամ Tyler Creek հավաքածուից պահարանները երկու նպատակին էլ հանգիստ կարող են ծառայել։ Պատրաստված են կաղնու ու ակացիայի փայտատեսակներից, երկարակյաց են ու ոճային։

6․ Ընտրել գորգեր

Եվ վերջապես, վերջին շտրիխներից մեկը, որ կարող է նոր թարմություն բերել հյուրասենյակում, գորգերն են։  Գորգերի ընտրության հարցում կարևոր է ուշադրություն դարձնել հաստությանը և իհարկե հասկանալ, թե սենյակում մարդկանց հոսքն ինչքան է։ Եթե հյուրասենյակում ելումուտն օրվա ընթացքում շատ է, խորհուրդ ենք տալիս ընտրել պոլիպրոպիլենից գորգեր, իսկ եթե՝ քիչ, ընտրեք պոլիեսթերից գորգեր։ Սովորաբար հյուրասենյակի համար նախընտրելի են պոլիպրոպիլենից գորգերը, իսկ ննջասենյակի համար՝ պոլիեսթերից։

Ահա սրանք են կահույքի ու ինտերիեր աքսեսուարների այն տեսակները, որոնք մենք առաջարկում ենք ձեր հյուրասենյակում առավելագույն հարմարավետությունն ապահովելու համար։