31 մայիսի, 2022

Գլխավոր դասական թրենդներ մանկական սենյակը կահավորելու համար

Մանկական սենյակի կահավորանքը հնարավոր է խնդրահարույց լինի, քանի որ այն բազմաֆունկցիոնալ սենյակ է՝ բաժանված լինելով քնելու,խաղալու և դասապատրաստման զոնաների։

Ուստի, կահավորելիս պետք է հաշվի առնել յուրաքանչյուր զոնայի առանձնահատկությունները բալանսավորված արդյունք ստանալու համար։ Այստեղ նույնպես կարևոր է յուրաքանչյուր դետալ․ կահույք, աքսեսուարներ, լուսավորություն, նյութեր, գույներ։

Խառնվել պետք չէ, հիմա մենք միասին կանդրադառնանք բոլորին։ Մենք հավաքագրել ենք բոլոր ժամանակների թրենդները, որոնք օգնում են կահավորել ոճային ու հարմարավետ։

mankakan kahuyqi xanut

Կահույք

Հարմարավետությունն սկզբունքային հատկանիշ է բոլոր թրենդներում։ Ամենակարևորներից է կահույքի ընտրությունը։ Հաշվի առնելով, որ երեխաները արագ են մեծանում, ու հաճախ է նոր փոփոխությունների կարիք զգացվում, խելացի ընտրության համար առաջարկում ենք հետևել այս խորհուրդներին՝

· Ընտրե՛ք սեղան և աթոռ, որի բարձրությունն ու լայնությունը հնարավոր է փոփոխության ենթարկել։ Քանի որ սեղանը սենյակում գլխավոր ատրիբուտներից մեկն է, դրանից է կախված մնացածի դիրքավորումը։ Բացի դրանից, այդպես հեշտ է հարմարացնել այն երեխայի հասակին։
· Ընտրե՛ք զգեստապահարան, որը կծառայի երկար տարիներ։ Կարող եք գնել դասական պահարան, բայց շատ գզրոցներով ու պահոցներով։
· Մահճակալի ընտրության ժամանակ կարևոր է ուշադրություն դարձնել ներքնակի հարմարավետությանը։ Ընտրե՛ք միջին խտության ներքնակներ։ Ընտրե՛ք այնպիսի մահճակալ, որ տարիների ընթացքում չկորցնի իր արդիականությունը։

Mankakan kahuyqi tesakani

Որքան էլ որ կահույք ընտրելիս, սիրելի՛ մեծահասակներ, դուք եք որոշում կայացնում, այնուամենայնիվ թո՛ւյլ տվեք ձեր փոքրիկներին ընտրել իրենց իսկ մահճակալի ոճն ու գույները, քանի որ նրանք են ժամանակի մեծ մասն իրենց սենյակում անցկացնելու և իրենց համար պետք է հաճելի ու հարմար լինի։

chashasexanneri tesakani

Նեյտրալ գույների ու վառ երանգների համադրություն

Փորձագետները պնդում են, որ նեյտրալ պաստելային գույները միշտ մեծ տարածում են ունեցել՝ համեմված վառ երանգներով, որոնք էլ օգնում են ստանալ հավասարակշռված արդյունք։ Հիմնական գաղափարն է ստեղծել հանգիստ մթնոլորտ և հակադրության համար ավելացնել համաձակ դետալներ։ Խորհուրդ ենք տալիս՝

· Նեյտրալ երանգների դեպքում նախապատվությունը տվե՛ք բեժին, կաթնագույնին, մոխրագույնին, բաց կանաչին, դեղձագույնին։
· Վառ երանգների դեպքում ընտրե՛ք այն, որը ձեր փոքրիկն է հավանում։ Հիշե՛ք, որ սենյակում թույլատրվում է օգտագործել թվով մինչև 3 վառ գույն, որոնք անպայման ուղեկցվում են սևով ու սպիտակով ներդաշնակ հակադրություն ստեղծելու համար։

mankakan kahuyqi tesakani

Ներկված պատեր

Դիզայներները խրախուսում են մանկական սենյակում ներկել պատերը։ Բացատրությունը պարզ է․ այսկերպ ավելի հեշտ է պատերից կախել նկարներ կամ այլ ինտերիեր աքսեսուարներ, գրատախտակներ, կամ դասապատրասմանն անհրաժեշտ իրեր։ Հետագայում, երբ երեխաները մեծանան, ուղղակի հեշտությամբ կփոխարինեն դրանք իրենց սիրելի ատրիբուտներով։

kahuyqi tesakani

Յուրօրինակ զարդանախշերով գորգեր

Անկասկած, մանկական սենյակում գորգը պարտադիրներից է, քանի որ սիրում են մեր փոքրիկները գետնին պառկած կամ նստած խաղալ, կարդալ, ժամանակ անցկացնել։ Եվ քանի որ հարմարավետությունը 2022 թվականի ինտերիեր դիզայնին վերաբերող խոսույթում կարևոր դերակատարում ունեցող եզրույթ է, հարկ է նշել 3 չափանիշներ․

· Փափկություն։ Ընտրել գորգեր, որոնք առաջնահերթ ունեն փափուկ մանրաթելային ծածկույթ։

· Անվնաս են։ Ընտրել գորգեր, որոնք չեն առաջացնում ալերգիկ ազդեցություն։

· Երևակայություն։ Ընտրել հետաքրքիր պատկերներով գորգեր, որոնք կօգնեն նրանց վառ երևակայել։

chochatorneri tesakani

Լուսավորություն

Համաձայն նորաձևության թրենդների՝ դիզայներները նույնիսկ մանկական սենյակների համար խորհուրդ են տալիս օգտագործել բնությունից ոգեշնչված լուսավորության պարագաներ։ Կարելի է օգտագործել ամենաանսովոր դետալները, որոնք հետաքրքության աղբյուր կհանդիսանան «պրպտող» երեխաների համար։

Մեկնաբանություններ (1)

time.oneyearago | Հյուր

Thanks for such an informative post. You have mentioned an amazing fact. Your article is always amazing. <a href="https://usedpanda.com/furniture-decoration/list"><b>Used furniture for sale in Sharjah</b></a> keep posting!
<a href="https://usedpanda.com/businesses-industrial/business-for-sale/list"><b>Business For Sale Uae</b></a>